ପଞ୍ଚାୟତ ସ୍ତରୀୟ ଦ୍ୱିତୀୟ ପର୍ଯ୍ୟାୟ ଜନଶୁଣାଣି

ପୋଲସରା,(ଅନୀଲ କୁମାର ମହାରଣା) : ପୋଲସରା ବ୍ଲକର କଳମ୍ବ ଗ୍ରାମ ପଞ୍ଚାୟତ ପରିସରରେ ପଞ୍ଚାୟତ ସ୍ତରୀୟ ଦ୍ୱିତୀୟ ପର୍ଯ୍ୟାୟ ଜନଶୁଣାଣି ପୋଲସରା ଗୋଷ୍ଠୀ ଉନ୍ନୟନ ଅଧିକାରୀ ଶଶିଭୂଷଣ ମହାପାତ୍ରଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି। ଏଥିରେ ଏବିଡିଓ ସୋନମ୍ ବେହେରା,ଏଟିଓ ରମେଶ ଚନ୍ଦ୍ର ମଲ୍ଲିକ, ସିଡିପିଓ ତିଳୋତ୍ତମା ରାଉତ, ପୋଲସରା ଥାନାଧିକାରୀ କୌଶିକ ମାଝୀ, ସରପଞ୍ଚ ଗୀତାଞ୍ଜଳି ସାହୁ ଯୋଗଦେଇ ଅଭିଯୋଗ ଗ୍ରହଣ କରିଥିଲେ। ମୋଟ ୨୬ ଟି   ଅଭିଯୋଗ ପଞ୍ଜିକୃତ ହୋଇଥିବା ବେଳେ ୧୧ ଜଣଙ୍କୁ ଭତ୍ତା, ୧୦ ଜଣଙ୍କୁ ଘରପଟ୍ଟା, ୨ଟି ଏସ.ଏଚ.ଜି ଗ୍ରୁପକୁ ଋଣ ଦିଆଯାଇଥିଲା। ପୋଲସରା ବ୍ଳକ କୃଷି ଅଧିକାରୀ ଗଣେଶ୍ୱର ସାହୁ,ଖାଦ୍ୟ ଯୋଗାଣ ଅଧିକାରୀ ସନ୍ଦୀପ କୁମାର ବେହେରା,ପାନୀୟ ଜଳ ଯୋଗାଣ ସହକାରୀ ଯନ୍ତ୍ରୀ ସ୍ଵରୁପ ତ୍ରିପାଠୀ,ପୃତ୍ତ ବିଭାଗ  ଯନ୍ତ୍ରୀ ଦିପ୍ତିରାଣୀ ଦେହୁରୀ,ଗ୍ରାମ୍ଯ ନିର୍ମାଣ ବିଭାଗ ସହକାରୀ ଯନ୍ତ୍ରୀ ସଞ୍ଜିବ ପାତ୍ର,ବାଘୁଆ ଜଳସେଚନ ଯନ୍ତ୍ରୀ ବିଶ୍ଵ ଜୀବନ ମହାପାତ୍ର, ବିଭିଓ ଡାକ୍ତର ଭକ୍ତଚରଣ ଦଳାଇ, ପୋଲସରା ମେଡିକାଲର ଡାକ୍ତର ଶୁଭ୍ରମୟୀ ପାଢ଼ୀ,  ରାଜସ୍ବ ବିଭାଗର ଗିରିଜା ଶଙ୍କର ମିଶ୍ର, ବନପାଳ କାର୍ତ୍ତିକ ସାହୁ ସମେତ ଅନ୍ୟ ବିଭାଗୀୟ କର୍ମଚାରୀ ଉପସ୍ଥିତ ଥିଲେ। ଜନଶୁଣାଣି ଅଧିକାରିଣୀ ଲିପ୍ସା ରାଣୀ ଭଞ୍ଜ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ପିଇଓ ସନ୍ତୋଷ କୁମାର ଦଳାଇ,ଏଡିଓ ସୁଶାନ୍ତ କୁମାର ମହାରଣା, କଳମ୍ବ ଅତିରିକ୍ତ ରାଜସ୍ବ ନିରୀକ୍ଷକ ଆରତୀ ବେହେରା ପ୍ରମୁଖଙ୍କ ସମେତ ଅଙ୍ଗନବାଡ଼ି ,ଆଶାକର୍ମୀ ଓ ଏସଏଜି ର ମହିଳାମାନେ ସହଯୋଗ କରିଥିଲେ।