ଚଳିତ ଦୁର୍ଗାପୂଜା ନିମନ୍ତେ ବେତନଟୀରେ ଶାନ୍ତି କମିଟି ପକ୍ଷରୁ ପ୍ରସ୍ତୁତି ବୈଠକ

ବେତନଟୀ ( ଉଦିତ କୁମାର ପରିଡା ) : ମୟୂରଭଞ୍ଜ ଜିଲ୍ଲା ବେତନଟୀ ସ୍ଥିତ ଧର୍ମଶାଳା ପରିସରରେ ଆଜି ଚଳିତ ଦୁର୍ଗାପୂଜା ନିମନ୍ତେ ଶାନ୍ତି କମିଟିର ବୈଠକ ଅନୁଷ୍ଠିତ ହୋଇଯାଇଛି। ବେତନଟୀ ଏସ ଡି ପି ଓ ମିନତୀ ବିଶ୍ୱାଳଙ୍କ ଅଧ୍ୟକ୍ଷତାରେ ଶାନ୍ତିକମିଟି ସଭାପତି ପ୍ରକାଶ ଚନ୍ଦ୍ର ବେହେରାଙ୍କ ଆୟୋଜିତ ବୈଠକରେ ମଞ୍ଚାଧୀନ ଥିବା ଅଧିକାରୀ ଗଣ ହେଲେ ଆଇ ଆଇ ସି ସସ୍ମିତା ମହାନ୍ତ, ଇଲେକ୍ଟ୍ରି ବିଭାଗ ଏସ ଡ଼ି ଓ ସୁଭଦତ୍ତ ମିଶ୍ର, ପିଡବ୍ଲୁଡ଼ି ଏସ ଡ଼ି ଓ ଅରବିନ୍ଦ ମହାନ୍ତି, ଜେଇ ରବୀନ୍ଦ୍ର କୁମାର ମିଶ୍ର, ଆରଡ଼ି ଜେଇ ଜ୍ୟୋତିରଞ୍ଜନ ନାୟକ, ଅବକାରୀ ଏସଆଇ ପ୍ରଦୀପ ବେହେରା, ଅତିରିକ୍ତ ତହସିଲଦାର ଇଶ୍ୱର ଚନ୍ଦ୍ର ରଣା ସମସ୍ତ ଅଧିକାରୀ ଗଣ ରହି ଆସନ୍ତା ଦୁର୍ଗାପୂଜାରେ ହେବାକୁ ଥିବା କାର୍ଯ୍ୟକ୍ରମ ଗୁଡିକ ବାବଦରେ ସବିଶେଷ ଆଲୋଚନା ହୋଇଥିଲା।ଏଥିରେ ସମସ୍ତ ପୂଜା କମିଟିର ମୁଖ୍ୟ କର୍ମକର୍ତା ଏବଂ ବେତନଟୀ ଓ ସଠିଲୋ ପଞ୍ଚାୟତ ର ସରପଞ୍ଚ ସମିତି ସଭ୍ୟଙ୍କ ସମେତ ସହିତ ବିଭିନ୍ନ ଗଣମାଧ୍ୟମର ପ୍ରତିନିଧି, ବେତନଟୀ ବରିଷ୍ଠ ନାଗରିକ, ସିଭିଲ ସୋସାଇଟିର କର୍ମକର୍ତ୍ତା ମାନେ ଉପସ୍ଥିତ ରହିଥିଲେ। ଶାନ୍ତି କମିଟିର କର୍ମକର୍ତା ଓ ପ୍ରଶାସନ ଅଧିକାରୀ ଗଣଙ୍କ ମିଳିତ ବୈଠକରେ ଆସନ୍ତା ଦୁର୍ଗାପୂଜାରେ ଶାନ୍ତି ଶୃଙ୍ଖଳା ରାସ୍ତା ମରାମତି, ଡ୍ରେନ ସଫେଇ, ରାସ୍ତାରେ ଆଲୋକୀକରଣ, ଟ୍ରାଫିକ ନିୟନ୍ତ୍ରଣ, ରାବଣ ପୋଡି, ଭସାଣି ଉତ୍ସବ, ଦୁର୍ଗାପୂଜା, ଅପେରା ପାର୍ଟି ସଠିକ ଭାବରେ କିଭଳି ସୁପରିଚାଳନା ହୋଇ ପରିବ ସେ ବାବଦରେ ବିସ୍ତୃତ ଭାବେ ଆଲୋଚନା ହୋଇଥିଲା।ପ୍ରତିବର୍ଷ ପରି ଏବର୍ଷ ମଧ୍ୟ ବୈଠକରେ ବେତନଟୀର ସାତଟି କମିଟି ଯେପରି ବସଷ୍ଟାଣ୍ଡ ଦୁର୍ଗାପୂଜା କମିଟି, ଆନନ୍ଦ ବଜାର ଦୁର୍ଗାପୂଜା କମିଟି, ବଙ୍ଗଳା ଛକ ଦୁର୍ଗାପୂଜା କମିଟି, କଙ୍କା କାଳିଆ ଦୁର୍ଗାପୂଜା କମିଟି, ବାହାନଡ଼ା ଦୁର୍ଗାପୂଜା କମିଟି, ଦାନ୍ତିଆମୁଁହା ଦୁର୍ଗାପୂଜା କମିଟି, ବାରମାଇଲ ଦୁର୍ଗାପୂଜା କମିଟି, ଦୁଇଟି ଅପେରା କମିଟି ମାନଙ୍କର ମଧ୍ୟରେ ମୁଖ୍ୟ ପଦ ପଦବୀରେ ଥିବା ଚିତ୍ତରଞ୍ଜନ ମହାନ୍ତି, ସୁଦିପ କୁମାର ପରିଛା, ସ୍ୱାଧୀନ ଶର୍ମା, ସିଦ୍ଧାର୍ଥ ଅଗ୍ରୱାଲ, ହିମାଂଶୁ କବାଟ, ଭବାନୀ ଶଙ୍କର ପରିଡା, ରତିକାନ୍ତ ସାହୁ, ଚନ୍ଦନ ସାହୁ, ସଂଜୀବ ଜେନା, ରାମେଶ୍ୱର ମିଶ୍ର, ଅନୁପ ଦଣ୍ଡପାଟ, ନିରଞ୍ଜନ ମହାନ୍ତି, ସତ୍ୟକାମ ପଣ୍ଡା, ହରିଶ୍ଚନ୍ଦ୍ର ସାମଲ, ବିଶ୍ୱଜିତ ସାମଲ, ସିପୁନ ସାମଲ, ପ୍ରଶାନ୍ତ ନାଥ, ପନମଣୀ ମୁର୍ମୁ, ବିଜୟ ସିଂ, କିଶୋର ନାୟକ, ରଣଜିତ ସିଂ ପ୍ରମୁଖ ଉପସ୍ଥିତ ଥିଲେ।