ପାଣି ପାଇଁ ଡହଳ ବିକଳ କେଶବନାଇଗୁଡା ନୂଆ ସାହିର ଲୋକେ
କଲ୍ୟାଣସିଂହପୁର (ଏଙ୍କେଟେଶ୍ୱର ପାଢ଼ୀ): ଗ୍ରୀଷ୍ମପ୍ରବାହ ଯେତେ ବଢ଼ିବାରେ ଲାଗିଛି ପିଇବା ପାଣି ର ସମସ୍ୟା ସେତେ ଉତ୍କଟ ହେବାରେ ଲାଗିଛି ଏ ଚିତ୍ର ହୋଉଛି କେଶବନାଇଗୁଡା ନୂଆ ସାହିର ଦୃଶ୍ୟ ! ଏ କୋୖଣସି ଉପାନ୍ତ ଅଞ୍ଚଳ ନୁହେଁ ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ର ସଦର ପଞ୍ଚାୟତ ର ! କଲ୍ୟାଣସିଂହପୁର ବ୍ଲକ କାର୍ଯ୍ୟାଳୟ ରୁ ମାତ୍ର ୪ କିମି ଦୂର ବାଟରେ କେଶବନାଇଗୁଡା ଗାଁ ।ସେହିଠାକୁ କୋୖଣସି ପ୍ରଶାସନିକ ଅଧିକାରୀ ପହଞ୍ଚି ବା ପାଇଁ ମାତ୍ର ୧୦ ମିନିଟ ର ବାଟ କିନ୍ତୁ ପ୍ରଶାସନର ଅବହେଳା ର ଶିକାର ହେଉଛନ୍ତି ଗାଁ ଲୋକେ ! ଗାଁ ଲୋକ ଙ୍କୁ ପିଇବା ପାଣି ଅଛି ଗୋଟିଏ ମାତ୍ର ନଳ କୂପ ତାହା ଏବେ ଅଚଳ ! ଏଣୁ ନାଳରେ ଚୁଆଁ ପାଣି ବ୍ୟବହାର କରିବାକୁ ବାଧ୍ୟ ହୋଉଛନ୍ତି ! ଚୁଆଁ ପାଣି ଆଣିବାକୁ ହେଲେ ଦୀର୍ଘ ଏକ କିଲୋମିଟର ଖାଲଢିପ ରାସ୍ତା ଦେଇ ପାଣି ଆଣିବାକୁ ପଡ଼ିଥାଏ।ଅନ୍ୟ କୌଣସି ବିକଳ୍ପ ନ ଥିବାରୁ ଲୋକ ବାଧ୍ୟ ହୋଇ ନିକଟସ୍ଥ ଏକ ନାଳରେ ଚୁଆଁ ଖୋଲି ପାଣି ବ୍ୟବହାର କରୁଛନ୍ତି ! ଏହି ପାଣି ପିଇବା ଦ୍ୱାରା କାଚୁକୁଣ୍ଡିଆ ,ଡାଇରିଆ ,ମ୍ୟାଲେରିଆ ,ଟା ଇଫଡ ଭଳି ବିଭିନ୍ନ ରୋଗରେ ଆକ୍ରାନ୍ତ ହୋଇ ପଡୁଥିବା ଅଭିଯୋଗ କରିଛନ୍ତି ଗ୍ରାମବାସୀ ! ଏହିଗ୍ରାମ ବ୍ଲକ କାର୍ଯ୍ୟାଳୟ ଅତି ନିକଟସ୍ଥର ହେବା ସତ୍ତ୍ୱେ ବିଭାଗୀୟ ଯନ୍ତ୍ରୀ ଦୃଷ୍ଟି ଦେଉ ନ ଥିବାରୁ ପରୀତାପ ର ବିଷୟ ବୋଲି ଅଭିଯୋଗ ହୋଇଛି ! ଯଥା ଶିଘ୍ର ପାନୀୟ ଜଳ ସମସ୍ୟା ର ସମାଧାନ ନ କରାଯାଏ ତାହା ହେଲେ ବ୍ଲକ କାର୍ଯ୍ୟାଳୟ ଆଗରେ ଧାରଣା ଦେବା ପାଇଁ ପଛାଇବୁ ନାହିଁ ବୋଲି ରାମ କାଡ୍ରାକା, ସୁରିଆ ରାଓ କାଡ୍ରାକା, ନରେନ୍ଦ୍ର ହୁଇକା, ସୁରେଶ ହୁଇକା କହିଛନ୍ତି । କଲ୍ୟାଣସିଂହପୁର ସଦର ମହକୁମାରେ ସାମାନ୍ୟ ବର୍ଷା ହେଲେ ନଦୀର ଗୁଳିଆ ପାଣି କୁ ବାଧ୍ୟହୋଇ ପିଇବାକୁ ପଡୁଛି ବୋଲି ମହିଳା ମାନେ ପ୍ରକାଶ କରିଛନ୍ତି। ଏଣୁ ଜିଲ୍ଲା ପ୍ରଶାସନ ଯୁଧକାଳୀନ ଭିତରେ ନଳକୂପ ମରାମତି କରିବାକୁ ଦାବି କରିଛନ୍ତି।
