ରାଜସ୍ବ ଅମଲା ସଂଘର ଆନ୍ଦୋଳନ ସାମୟିକ ଭାବେ ସ୍ଥଗିତ

କେନ୍ଦୁଝର,(ପୂର୍ଣ୍ଣଚନ୍ଦ୍ର ମହାନ୍ତ):ରାଜ୍ୟ ରାଜସ୍ବ ଅମଲା ସଂଘର କୋର କମିଟି ବୈଠକ ଭୁବନେଶ୍ବର ବ୍ଲକ କନଫେରେନସ ହଲ ଠାରେ  ଗତକାଲି ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ରାଜ୍ୟ ସଂଘର ସଭାପତି ଓ ସାଧାରଣ ସଂପାଦକଙ୍କ ସହିତ ୩୦ ଗୋଟି ଜିଲ୍ଲାର ଜିଲ୍ଲା ସଭାପତି , ସଂପାଦକଙ୍କ ସମେତ ରାଜ୍ୟ ସଂଘର ସମସ୍ତ କର୍ମକର୍ତାମାନେ ଯୋଗଦାନ କରିଥିଲେ । ବୈଠକରେ ୭ ତାରିଖ ଠାରୁ ୧୧ ତାରିଖ ପର୍ଯ୍ୟନ୍ତ କଳାବ୍ୟାଜ ପରିଧାନ ଏବଂ  ୧୪ ତାରିଖ ଠାରୁ କଲମଛାଡ ଆନ୍ଦୋଳନ ବିଷୟରେ ପୁଙ୍ଖାନୁପୁଙ୍ଖ ଭାବେ ଆଲୋଚନା କରାଯିବା ସହିତ  ଗତ ୦୯/୦୭/୨୦୨୫ ରିଖ ସଂଘର ନେତୃତ୍ବ , ରାଜସ୍ବମନ୍ତ୍ରୀ ଓ ବିଭାଗୀୟ ସଚିବଙ୍କ ସହିତ ଆଲୋଚନାର ବିଷୟବସ୍ତୁ ଉପରେ ବିସୃତଭାବେ ଆଲୋଚନା କରାଯାଇଥିଲା । ରାଜ୍ୟ ସରକାର ଦାବୀପୁରଣ ପ୍ରତି ଶତପ୍ରତିଶତ ଚେଷ୍ଟିତ ଅଛନ୍ତି ଏବଂ ସରକାର ୧୫ ଦିନ ସମୟ ମହଲତ ଚାହୁଁଥିବାରୁ ସର୍ବସମ୍ମତି କ୍ରମେ ବୈଠକରେ ନିଷ୍ପତ୍ତି ନିଆଗଲା କି ପୁର୍ବନିର୍ଧାରିତ କାର୍ଯ୍ୟସୂଚୀ ଅନୁସାରେ ତା ୧୪/୦୭/୨୦୨୫ ରିଖରେ ହେବାକୁ ଥିବା ସମୁହ କାର୍ଯ୍ୟବନ୍ଦ ଆନ୍ଦୋଳନକୁ ଆସନ୍ତା ତା ୦୮/୦୮/୨୦୨୫ ରିଖ ପର୍ଯ୍ୟନ୍ତ ସ୍ଥଗିତ ରଖାଗଲା । ଏହି ସମୟ ଅବଧି  ମଧ୍ୟରେ ରାଜ୍ୟ ସରକାର ଯଦି ଦାବି ପୁରଣ ନ କରନ୍ତି ତେବେ ଆସନ୍ତା ତା ୧୧/୦୮/୨୦୨୫ ରିଖ ଠାରୁ ପୁନର୍ବାର କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିବାକୁ ରାଜ୍ୟ ସଂଘ ତରଫରୁ ନିଷ୍ପତ୍ତି ନିଆଯାଇଛି ।ରାଜ୍ୟ ସଂଘର କାର୍ଯ୍ୟକାରୀ ସଭାପତି ରଶ୍ମିରଜ୍ଞନ ମହାନ୍ତି , ରାଜ୍ୟ କାର୍ଯ୍ୟକାରୀ ସଦସ୍ୟ ସନ୍ତୋଷ କୁମାର ରଣା, ଗୌରାଙ୍ଗ ଚରଣ ଜେନା, ଜିଲ୍ଲା ସଭାପତି ଜିତେନ୍ଦ୍ର କୁମାର ମହାପାତ୍ର, ଜିଲ୍ଲା ସଂଘର ଉପଦେଷ୍ଠା ବିଚିତ୍ରାନନ୍ଦ ରାଉତ, ଭୁବନେଶ୍ବର ମହାପାତ୍ରଙ୍କ ସମେତ ଅନ୍ୟ ସହକର୍ମ1 ଉକ୍ତ ବୈଠକରେ  ଉପସ୍ଥିତ  ଥିଲେ।