ସଡକ ସୁରକ୍ଷା କମିଟି ବୈଠକ

ଛତ୍ରପୁର ,(ଓ୍ବାଇଏନଏସ) :  ପ୍ରତ୍ୟେକ ଦିନ ସଡକ ଦୃର୍ଘଟଣା ଘଟୁଛି । ଗଞ୍ଜାମ ଜିଲାରେ ମଧ୍ୟ ସଡକ ଦୃର୍ଘଟଣା ସଂଖ୍ୟା ବୃଦ୍ଧିପାଉଛି । ଏନେଇ ଆଜି ଛତ୍ରପୁର ଉପଜିଲାପାଳ କାର୍ଯ୍ୟାଳୟ ପରିସରରେ ଉପଖଣ୍ଡ ସ୍ତରୀୟ ସଡକ ସୁରକ୍ଷା ବୈଠକ ଅନୁଷ୍ଠିତ ହୋଇଥିଲା । ଏଥିରେ ଉପଜିଲାପାଳ ଶିବାଶିଷ ବରାଳ ଅଧ୍ୟକ୍ଷତା କରିଥିଲେ । ଜିଲାରେ ଚଳିତ ବର୍ଷ ୨୦୨୫ଜାନୁଆରୀ ରୁ ଅକ୍ଟୋବର ରେ ପୂର୍ବ ବର୍ଷ ଅପେକ୍ଷା ୯ ପ୍ରତିଶତ ସଡକ ଦୃର୍ଘଟଣାରେ ହାର ବଢିଥିବା  ବେଳେ ୧୭ ପ୍ରତିଶତ ମଧ୍ୟ ମୃତ୍ୟୁ ହାର  ବୃଦ୍ଧି ପାଇଛି । ୨୦୨୪ ଜାନୁଆରୀ ରୁ ଅକ୍ଟୋବର  ମଧ୍ୟରେ ୬୮୪ଟି ସଡକ ଦୃର୍ଘଟଣା ଘଟିଥିବା ବେଳେ ୩୧୭ ଲୋକଙ୍କ ମୃତ୍ୟୁ ହୋଇଥିବା ବେଳେ ୪୬୮ ଜଣଙ୍କ ଆହାତ ହୋଇଥିବା ବେଳେ ସେହିତୁଳନାରେ ୨୦୨୫ରେ ୭୪୪ଟି ଦୃର୍ଘଟଣା ହୋଇଥିବା ବେଳେ ୩୭୩ ଜଣ ମୃତ୍ୟୁ ଓ ୪୯୮ ଜଣ ଆହତ ହୋଇଥିବା ବୈଠକରେ ପରିବହନ ବିଭାଗ ପକ୍ଷରୁ କୁହାଯାଇଥିଲା । ବିଶେଷ କରି ରାଜପଥ ଗୁଡିକରେ ଅଧିକ ଦୃର୍ଘଟଣା ହୋଇ ମୃତ୍ୟୁ ହେଉଛନ୍ତି । ଅତ୍ୟାଧିକ ବେଗରେ ୩୨ ପ୍ରତିଶତ ଦୃର୍ଘଟଣା ଘଟୁଥିବା ବେଳେ ୩୦ ପ୍ରତିଶତ ମଦ୍ୟପାନ କରି ଗାଡି ଚଳାଇବା ବେଳେ ଘଟୁଛି । କିପରି ଏହା ଉପରେ ରୋକ ଲାଗିବ ସେନେଇ ଅଧିକରୁ ଅଧିକ ଏନଫୋସମେଂଟ କୁ କଡାକଡି କରିବାକୁ ଉପଜିଲାପାଳ ପରିବହନ ବିଭାଗ ଓ ପୁଲିସକୁ କୁହାଯାଇଛି । ଅକ୍ଟୋବର ମାସରେ ପୁଲିସ ଓ ପରିବହନ ବିଭାଗ ପକ୍ଷରୁ ଏନଫୋସମେଂଟ କରାଯାଇ ୩୩୧୭ଜଣ ଧରା ପଡିବା ସହ  ଜୋରିମନା ପକାଯାଇଛି । ଗଞ୍ଜାମ ପୁଲିସ ଜିଲାରେ ଖଲ୍ଲିକୋଟ ଓ ଚମାଖଣ୍ଡି ଥାନା ଅଚଂଳରେ ଅଧିକ ଦୃର୍ଘଟଣା ଘଟୁଛି । ଏହି ଅଚଂଳରେ କିପରି ଦୃର୍ଘଟଣା କମିବ ସେନେଇ ଉପଜିଲାପାଳ ଗୁରୁତ୍ୱ ଦେଇଥିଲେ ।  ବିଭିନ୍ନ ରାସ୍ତାରେ ବେଆଇନ ଭାବେ ଗାଡି ପାର୍କିଂ କରିରଖୁଛନ୍ତି ଏବେ ଗାଡି ମାଲିକ ବିରୁଦ୍ଧରେ ଜୋରିମନା ପକାଯିବ, ଜାତୀୟ ରାଜପଥ କିଛି ସ୍ଥାନରେ ଲାଇଟ ଜଳୁନଥିବା, ରାସ୍ତା ଖରାପ ଥିବାନେଇ ଆଲୋଚନା କରାଯାଇଥିଲା । ଚଳିତ ମାସ ୧୬  ରୁ ୩୦ ତାରିଖ ପ୍ରର୍ଯ୍ୟନ୍ତ  ଶୂନ ମୃତ୍ୟୁ ପକ୍ଷ ପାଳନ କରାଯାଉଛି ।  ଦୃର୍ଘଟଣା ସମୟରେ ଯେଉଁମାନେ ତୁରନ୍ତ ସାହାର୍ଯ୍ୟ କରି ମେଡିକାଲକୁ ପଠାଉଛନ୍ତି ସେମାନଙ୍କୁ ଗୁଡ ସାମରିଟନ ପଲିସରେ ଦୁଇ ହଜାର ଲେଖାଏଁ ପୁରସ୍କୃତ କରାଯାଏ । ୨୦୨୪/୨୫ ବର୍ଷରେ ୩୦ ଜଣକୁ ପୁରସ୍କୃତ କରାଯାଇଛି । ବୈଠକରେ ଛତ୍ରପୁର ଏସଡିପିଓ ଚନ୍ଦନ ଘଡେଇ,ଏଆରଟିଓ ଜୟନ୍ତ ପ୍ରଧାନ,ଜୁନିଅର ଏମଭିଆଇ ତାରାକାନ୍ତ ନନ୍ଦ,ଛତ୍ରପୁର ଉପଖଣ୍ଡ ଚିକିତ୍ସାଧିକାରୀ ଡ.ଅଲେଖ ପ୍ରଧାନଙ୍କ ସମେତ କମିଟି ସଭ୍ୟମାନେ ଉପସ୍ଥିତ ଥିଲେ ।