ପାଚିଲା ଧାନପାଇଁ ତରବର: ଫସଲ ସୁରକ୍ଷାନେଇ ଚିନ୍ତାରେ ଚାଷୀ

କଲ୍ୟାଣସିଂହପୁର (ଏଙ୍କେଟେଶ୍ୱର ପାଢ଼ୀ):  ବାରମ୍ବାର ବାତ୍ୟା ଦକ୍ଷିଣ ଓଡିଶା ପ୍ରାୟ ଅବିଭକ୍ତକୋରାପୁଟ ରାୟଗଡା ମାଲକାନଗିରି ଓ ନବରଙ୍ଗପୁରକୁ ଦୟନିୟ କରିସାରିଲେଣି। ବାରମ୍ବାର କ୍ଷତି ସହିବାକୁ ପଡୁଛି ଚାଷୀଙ୍କୁ। ମିଳୁନି ସରକାରୀ କ୍ଷତି ପୂରଣ। ବର୍ତମାନ ରାୟଗଡା ଜିଲ୍ଲାକୁ ପ୍ରାକୃତିକ ବାତ୍ୟାର ବିପର୍ଯ୍ୟୟ ପିଛା ଛାଡି ନଥିବା ବେଳେ ପୁଣି ବାତ୍ୟା ଭୟ ଘାରିଛି ଚାଷୀଙ୍କୁ।  ବାତ୍ୟା ମୋନ୍ଥା ପ୍ରଭାବରେ ଲଗାଣ ବର୍ଷା କାରଣରୁ  ଧାନଚାଷ ଜମି ଜଳାର୍ଣ୍ଣବ ହୋଇଥିଲା ।ଚାଷୀ ଭାଙ୍ଗି ନପଡ଼ି ବିଭିନ୍ନ ଉପାୟରେ  ପାଣି ନିଷ୍କାସନ କରି ଜମିରେ ସୁନାର ଫସଲ ଫଳାଇବାକୁ ସଫଳ ହୋଇଥିଲେ  I ହେଲେ ଅମଳ ସମୟ ବେଳକୁ ପୁଣି ଲଘୁଚାପଜନିତ ବର୍ଷା ସାଙ୍ଗକୁ ସାମ୍ଭାବ୍ୟ ବାତ୍ୟାକୁ ନେଇ ପାଣିପାଗ ବିଭାଗ ଆକଳନ କରିବା ପରେ ଚାଷୀ ମୁଣ୍ଡରେ ଚଡ଼କ ପଡ଼ିଛି ।ଚଳିତ ସପ୍ତାହକ ମଧ୍ୟରେରେ ବାତ୍ୟା ହେବା ନେଇ ସମ୍ଭାବନା  ରହିଛି। ଏଥିପାଇଁ ଚାଷୀ ତରବରିଆ ଭାବେ ଧାନକାଟି ଅମଳ କାମ ଆରମ୍ଭ କରିଛନ୍ତି। ଆସନ୍ତା ମାସରେ  ମଣ୍ଡି ଖୋଲିବାକୁ ଜିଲ୍ଲା ପ୍ରଶାସନ ଲକ୍ଷ୍ୟ ରଖୁଥ‌ିବା ବେଳେ ମାସକ ଆଗରୁ ଚାଷୀ ଫସଲ ସୁରକ୍ଷାରେ ଦିନରାତି ଲାଗି ପଡ଼ିଛନ୍ତି। ଚଳିତ ଖରିଫ୍ ଋତୁରେ କଲ୍ୟାଣସିଂହପୁର ବ୍ଲକର ହଜାର ହଜାର ହେକ୍ଟର ଜମିରେ ଧାନଚାଷ ହୋଇଥିବା ବେଳେ ଏଥିର ଭଲ ଚାଷ ମଧ୍ୟ ହୋଇଥିବା ଚାଷୀ କହିଛନ୍ତି । ଗତମାସରେ ବର୍ଷା ହୋଇଥିବା ବେଳେ ଧାନ ସମ୍ପୂର୍ଣ୍ଣ ପାଚି ନଥିଲା I ଏବେ ଧାନ କାଟିବା ଓ ଅମଳ ସମୟରେ ପୁଣି ସାମ୍ଭାବ୍ୟ ବର୍ଷା ବାତ୍ୟା ଆଶଙ୍କା ଚାଷୀଙ୍କୁ ଚିନ୍ତାରେ ପକାଇଛି । କିଛି ସ୍ଥାନରେ ଚାଷୀ ଯୁଦ୍ଧକାଳୀନ ଭିଭିରେ ଧାନ ଅମଳ ଓ କାଟିବା ଆରମ୍ଭ କରିଦେଇଥୁବା ଦେଖିବାକୁ ମିଳିଛି। ବର୍ତ୍ତମାନ ସୁଦ୍ଧା ୨୦ ପ୍ରତିଶତ ଧାନକଟା ହୋଇ ଅମଳ ସରିଛି। ଆଉ ଅଶି ପ୍ରତିଶତ ବାକି ରହିଛି । ଚାଷୀ ଏବେ ବିଲ ଭିତରେ ଓ ରାସ୍ତାକଡ଼ରେ ଧାନ ଅମଳ କରି ଘରକୁ ଆଣୁଛନ୍ତି। କିଛି ସ୍ଥାନରେ ଚାଷୀ ରାସ୍ତା ପାର୍ଶ୍ଵ ରେ ଧାନଗଳା କରି ରଖୁଛନ୍ତି। ଅମଳ ଫସଲ ସୁରକ୍ଷିତ ରଖୁବା ଲାଗି ବହୁ ଚାଷୀ ପଚିବା ଧାନକୁ  କାଟି ସୁରକ୍ଷିତ ସ୍ଥାନକୁ ସ୍ଥାନାନ୍ତର କରୁଥିବା ଦେଖୁବାକୁ ମିଳିଛି ।ଅନେକ ଥେସର ମେସିନ ମାଧ୍ୟମ ଓ ଧାନକଟା ମେସିନରେ କାଟି ସୁରକ୍ଷିତ ସତନରେ ରଖିଛନ୍ତି ତ କେହିକେହି କଟା ଧାନକୁ ପାଲ ଘୋଡାଇ ରହିଥିବା ଦେଖିବାଳୁ ମିଳିଛି।ମଣ୍ଡିରେ ସରକାର ଏଫ ଏ କ୍ୟୁ ମାନର ଧାନ ନେବାପାଇଁ ବିଭିନ୍ନ ମେସିନ ଲଗା ଯାଉଥିବା ବେଳେ ବର୍ଷା ହେଲେ ଧନରେ ପାଣି ମାଡ଼ ଖାଇଵା ସମ୍ଭାବନା ରହିଛି।