ସତ୍ୟସାଇ ବାବାଙ୍କ ୧୦୦ତମ ଜନ୍ମ ଜୟନ୍ତୀ ଉତ୍ସବ ପାଳିତ

ମୁନିଗୁଡା, (ନନ୍ଦ କିଶୋର ପଟ୍ଟନାୟକ) : ରାୟଗଡା ଜିଲ୍ଲା ମୁନିଗୁଡାର ସତ୍ୟସାଇ ଭଜନ ମଣ୍ଡଳୀ ତରଫରୁ ଶ୍ରୀ ସତ୍ୟସାଇ ବାବାଙ୍କ ୧୦୦ତମ ଜନ୍ମ ଜୟନ୍ତୀ ଉତ୍ସବ ପାଳିତ ହୋଇଯାଇଛି l ଏହି ଅବସରରେ ମୁନିଗୁଡାର ଜଗନ୍ନାଥ ମନ୍ଦିର ପରିସରରେ ଥିବା ସତ୍ୟସାଇ ଭଜନ ମଣ୍ଡଳୀ କମିଟିର ଭି.ଚନ୍ଦ୍ରଶେଖର ଓ ଭାନୁଦାସ ଦେଓକରଙ୍କ ମିଳିତ ସଂଯୋଜନାରେ ପ୍ରାତରୁ ସୁପ୍ରଭାତମ ସଂକୀର୍ତନ ସହ ପ୍ରଭାତଫେରି କରାଯାଇଥିଲା ଏବଂ ଭଜନ ମଣ୍ଡଳୀରେ ବାବାଙ୍କ ବିଭିନ୍ନ ପୂଜାର୍ଚ୍ଚନା କରାଯାଇଥିଲା l ପରେ ସତ୍ୟସାଇ ବାବାଙ୍କ ଏକ ସୁସଜ୍ଜିତ ରଥ ତିଆରୀ କରି ସେଥିରେ ବାବାଙ୍କ ଫୋଟଚିତ୍ରକୁ ରଖାଯାଇ ଭଜନ ମଣ୍ଡଳୀ ପରିସରରୁ ସଂକୀର୍ତ୍ତନ ମଣ୍ଡଳୀ ସହ ବାଲ ବିକାଶର କୁନି କୁନି ଛାତ୍ରଛାତ୍ରୀଙ୍କ ସମେତ ବହୁ ସଂଖ୍ୟାରେ ଭକ୍ତ ମାନେ ରଥ ସହ ସହର ପରିକ୍ରମା କରି ରେଳ ଷ୍ଟେସନ ଛକ ପର୍ଯ୍ୟନ୍ତ ଯାଇ ପୁଣି ଭଜନ ମଣ୍ଡଳୀ ନିକଟରେ ପହଞ୍ଚିଥିଲେ l ମନ୍ଦିର ପରିସରରେ ବୈଦିକ ରୀତିନୀତି ଅନୁସାରେ ସତ୍ୟସାଇ ବାବାଙ୍କ ଷୋଡଶ ଉପଚାର ପୂଜା,ଓଁକାର, ମହାମୃତୁଞ୍ଜୟ ପାଠ, ହୋମଯଜ୍ଞ ସହ  ପ୍ରଦୀପ ପ୍ରଜ୍ବଳନ ଓ ବିଭିନ୍ନ ପୂଜାର୍ଚ୍ଚନା କରାଯାଇ ଦିନ ତମାମ ଭଜନ ଓ ଆଧ୍ୟାତ୍ମିକ ସତସଙ୍ଗ ସଂକୀର୍ତନ ଅନୁଷ୍ଠିତ ହୋଇଥିଲା l ଭକ୍ତ ମାନଙ୍କ ନିମନ୍ତେ ଅର୍ଣ୍ଣ ପ୍ରସାଦର ଆୟୋଜନ କରାଯିବା ସହ ସାନ୍ଧ୍ୟରେ ସନ୍ଧ୍ୟା ଆଳୋତୀ ଓ ଆଳୋତୀ ଭୋଗ ବଣ୍ଟନ କରାଯାଇଥିଲା l ଶେଷରେ ଭଜନ ମଣ୍ଡଳୀ ପରିସରରେ ବାଲ ବିକାଶର କୁନି କୁନି ଛାତ୍ରଛାତ୍ରୀ ମାନଙ୍କ ଦ୍ୱାରା ବିଭିନ୍ନ ଆଧ୍ୟାତ୍ମିକ ସମ୍ପର୍କିତ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଉକ୍ତ କାର୍ଯ୍ୟକ୍ରମ ଗୁଡିକୁ ସତ୍ୟସାଇ ଭଜନ ମଣ୍ଡଳୀ କମିଟିର ଦେବାର୍ଚ୍ଚନ ସାହୁ,ୟୁ.ସୋବନ ବାବୁ,ମନୋଜ ପାତ୍ର, ଅଙ୍କେଟି ବାବୁ,ଚାଣ୍ଟି ଓ ମହିଳା ସମିତିର ଭି.ଲୀଲା,ଡୋଲୀ ଦେଇ, ବି.ତୁଳସୀ, କେ.ରଜନୀ,ଭି.ସୌଜନ୍ୟା,କେ.ଦୀପା,ନିର୍ମଳା ପ୍ରମୁଖଙ୍କ ସମେତ ଅନ୍ୟ ସଦସ୍ୟ ସଦସ୍ୟା ମାନେ ଉପସ୍ଥିତ ରହି ପରିଚାଳନା ଓ ସହଯୋଗ କରିଥିଲେ l