ଗଜପତିରେ ସାବିତ୍ରୀ ବ୍ରତ ପାଳିତ

ପାରଳାଖେମୁଣ୍ଡି(ତାରିଣୀ ପ୍ରସାଦ ପଣ୍ଡା): ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ସହର ସମେତ ଜିଲ୍ଲାର ମୋଟ 7 ଗୋଟି ବ୍ଲକ ଯଥା ଗୁମ୍ମା, କାଶୀନଗର, ଗୋଷଣୀ, ରାୟଗଡ, ନୂଆଗଡ, ଆର. ଉଦୟଗିରି ଓ ମୋହନା ବ୍ଲକରେ ଆଜି ଅତ୍ୟନ୍ତ ଭକ୍ତିପୂତ ଭାବେ ସାବିତ୍ରୀ ବ୍ରତ ପାଳିତ ହୋଇଯାଇଛି. ସାବିତ୍ରୀ ବ୍ରତ ପାଇଁ ଆଜି ପାରଳା ସହର ଓ ସମସ୍ତ ବଜାର ଚଳଚଞ୍ଚଳ ହୋଇଉଠିଛି. ଆଜି ସକାଳୁ ସକାଳୁ ମହିଳାମାନେ ଜଗନ୍ନାଥ ମନ୍ଦିର, ଶ୍ରୀ ରାଧାକୃଷ୍ଣ ମନ୍ଦିର, ଶ୍ରୀ ସତ୍ୟ ନାରାୟଣ ମନ୍ଦିର ଆଦି ବିଭିନ୍ନ ମନ୍ଦିରରେ ମହିଳାମାନେ ଦ୍ବୀପ ଜାଳି ନିଜ ସ୍ୱାମୀ, ପରିବାର ଓ ସମାଜର ହିତ ପାଇଁ ପୂଜା ପାଠ କରିଥିବା ଦେଖା ଦେଇଥିଲା. ସେହିପରି ପାରଳା ସହରରେ ମହିଳାମାନେ ଏକତ୍ରିତ ହୋଇ କେତେକ ମନ୍ଦିର ଏବଂ ନିଜ ନିଜ ଘରେ ସାବିତ୍ରୀ ବ୍ରତକୁ ଅତ୍ୟନ୍ତ ଭକ୍ତିପୂତ ଭାବେ ପାଳନ କରିଥିଲେ.