ବଣ ଭୋଜିରୁ ଫେରୁଥିବା ସ୍କୁଲ୍ ଅଟୋ ଦୁର୍ଘଟଣାଗ୍ରସ୍ତ: ୭ ଗୁରୁତର
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା): ଗଜପତି ଜିଲ୍ଲାର ଏକ ବୁଲାଣିଆ ରାସ୍ତାରେ ବଣ ଭୋଜି ପାଇଁ ଯାଇଥିବା ସ୍କୁଲ ଅଟୋ ଦୁର୍ଘଟଣାଗ୍ରସ୍ତ ହୋଇଛି. ଏଥିରେ ଜଣେ ଶିକ୍ଷୟିତ୍ରୀଙ୍କ ସମେତ 5 ଜଣ ଛାତ୍ରଛାତ୍ରୀ ଓ ଗାଡିର ଚାଳକ ମୋଟ 7 ଜଣ ଆହତ ହୋଇଥିବା ସୂଚନା ମିଳିଛି. ଘଟଣାରୁ ପ୍ରକାଶ, ଗୁମ୍ମା ବ୍ଲକ ତରଭା ଘାଟିରେ ସ୍କୁଲ ଅଟୋ ଓଲଟି ପଡ଼ିବା ଫଳରେ ଶିକ୍ଷୟିତ୍ରୀ ଓ ଡ୍ରାଇଭରଙ୍କ ସମେତ ୭ଜଣ ବିଦ୍ୟାର୍ଥୀ ଗୁରୁତର ଆହତ ହୋଇଛନ୍ତି। କାଶୀନଗର ସ୍ଥିତ ଘରୋଇ ସ୍କୁଲ୍ରୁ ତିନିଟି ଅଟୋରେ ୫୦ ଛାତ୍ରଛାତ୍ରୀ ଖାରଡ଼ା ନିକଟକୁ ବଣଭୋଜି ପାଇଁ ଯାଇଥିଲେ । ଫେରିବା ସମୟରେ ତରଭା ନିକଟ ଘାଟିରେ ଅଟୋଟି ଓଲଟି ପଡ଼ିଥିଲା। ଫଳରେ ସେଥିରେ ଥିବା ୭ଜଣ ଆହତ ହୋଇଥିଲେ। ଆହତମାନଙ୍କୁ ଚିକିତ୍ସା ନିମନ୍ତେ ଆନ୍ଧ୍ର ପୁରୁଣାପାଟଣାର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ଗୁରୁତର ଆହତମାନଙ୍କୁ ଶ୍ରୀକାକୁଲମ ଓ ବିଶାଖାପାଟଣାରେ ଥିବା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାଯାଇଛି।
