ସ୍ବ-ଶିକ୍ଷା ସଚେତନତା କାର୍ଯ୍ୟକ୍ରମ

ଦିଗପହଣ୍ଡି,(ଅଳକ ନାଥ ମିଶ୍ର) ରାଜ୍ୟ ମିଶନ ଶକ୍ତି ବିଭାଗ ଅଧିନସ୍ଥ ଓଡ଼ିଶା ଜୀବିକା ମିଶନ ଏବଂ ପିସିଆଇ ଇଣ୍ଡିଆର ମିଳିତ ସହଭାଗିତାରେ ଦିଗପହଣ୍ଡି ବ୍ଳକ ସଭାଗୃହ ପରିସରରେ ବୁଧବାର ବ୍ଳକସ୍ତରୀୟ ଲିଙ୍ଗଗତ ବୈଷମ୍ୟ ଭିତ୍ତିକ ସ୍ବ-ଶିକ୍ଷା  ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବ୍ଳକ ପ୍ରକଳ୍ପ ଅଧିକାରୀ ସଙ୍ଗୀତା ପଣ୍ଡାଙ୍କ ସଂଯୋଜନାରେ ଆୟୋଜିତ ସଚେତନତା ସଭାରେ ଦିଗପହଣ୍ଡି ବିଡ଼ିଓ ଅନାମିକା ପାଣ୍ଡେ , ଅତିରିକ୍ତ ତହସିଲଦାର ଆଶିଷ କୁମାର ନାୟକ , ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଉମେଶ ସେଠୀ , ଗ୍ରାମ୍ୟ ଜଳଯୋଗାଣ ଓ ପରିମଳ ବିଭାଗ ସହକାରୀ ଯନ୍ତ୍ରୀ ଇଂ. ଭୀମା ରାଓ , ଜିଲା ସଂଯୋଜିକା ମନୋରମା ମଲ୍ଲିକ , ସଖୀ କେନ୍ଦ୍ର ଜିଲା ପରିଚାଳକ ମହେଶ୍ବତା ପାଢ଼ୀ ,  ପୂର୍ଣ୍ଣଚନ୍ଦ୍ର ସେଠୀ ପ୍ରମୁଖ ମଞ୍ଚାସିନ ଥିଲେ ।  ସ୍ବ ଶିକ୍ଷା ସମ୍ବନ୍ଧିତ  ପ୍ରକଳ୍ପ ଗଞ୍ଜାମ ଜିଲା ରେ କାର୍ଯ୍ୟକାରୀ ହେଉଥିବା ବେଳେ ତୃଣମୂଳ ସ୍ତରରେ ଲିଙ୍ଗଗତ ବୈଷମ୍ୟ, ମହିଳାଙ୍କ ଅଧିକାର ଏବଂ ସୁବିଧା ବିଷୟରେ ଉପସ୍ଥିତ ମହିଳା ମାନଙ୍କୁ ସଚେତନ କରାଯାଇଥିଲା। ସମାଜରେ ମହିଳାଙ୍କ ପ୍ରତି ହେଉଥିବା ହିଂସା ଦୂର କରିବା , ପ୍ରେରଣା ଦିଦି ମାନେ ସାମାଜିକ ସୁରକ୍ଷା ସହ ସମସ୍ତ ସରକାରୀ ଯୋଜନା ସମ୍ପର୍କରେ ମହିଳା ମାନଙ୍କୁ  ସଚେତନ କରିବା ସହ ସେମାନଙ୍କ ଦକ୍ଷତା ବୃଦ୍ଧି ଉପରେ ପରାମର୍ଶ ଦିଆଯାଇଥିଲା। କରାଯାଇଥିଲା ।  ସରପଞ୍ଚ ବିଜୟ କୁମାର ପ୍ରଧାନ , ଲିଙ୍ଗରାଜ ଦୋରା , ଫନିନ୍ଦ୍ର ଚନ୍ଦ୍ର ଗୋସ୍ୱାମୀ , ସନ୍ଧ୍ୟା ରାଣୀ ସୁବୁଦ୍ଧି , ସରପଞ୍ଚ ପ୍ରତିନିଧି ଏମ୍. ସନ୍ତୋଷ , ସନ୍ତୋଷ ଦୋରା , ରବିଚନ୍ଦ୍ର ଗୈାଡ , ଶିବରାମ ପ୍ରଧାନ ଙ୍କ ସମେତ ବହୁ ସଂଖ୍ୟକ ମିଶନ ଶକ୍ତି ମହିଳା ବୃନ୍ଦ କାର୍ଯ୍ୟକ୍ରମରେ ଉପସ୍ଥିତ ଥିଲେ ।