ଆତ୍ମ ନିର୍ଭର ଭାରତ କର୍ମଶାଳା ଅନୁଷ୍ଠିତ

ହାଟଡିହି (ଓ୍ବାଇଏନଏସ):  ରାଷ୍ଟ୍ରଗାନ ବନ୍ଦେ ମାତରମ୍ ର ୧୫୦ ବର୍ଷ ପୂର୍ତ୍ତୀ ଉପଲକ୍ଷେ ଆନନ୍ଦପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଛେନାପଦି ସ୍ଥିତ କଲ୍ୟାଣ ମଣ୍ଡପରେ ଆନନ୍ଦପୁର ବିଧାନସଭା କ୍ଷେତ୍ର ବିଜେପି ପକ୍ଷରୁ ସାମୁହିକ ବନ୍ଦେମାତରମ୍ କାର୍ଯ୍ୟକ୍ରମ ସହିତ ଆତ୍ମ ନିର୍ଭର ଭାରତ କର୍ମଶାଳା ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କେନ୍ଦୁଝର ଜିଲ୍ଲା ବିଜେପି ସଭାପତି ଶୁକଦେବ ମହାନ୍ତ, ସମ୍ମାନିତ ଅତିଥି ଭାବେ  ଆନନ୍ଦପୁର ନିର୍ବାଚନ ମଣ୍ଡଳୀର ବିଜେପି ନେତା ଆଲୋକ ସେଠୀ, ଜିଲ୍ଲା ଉପସଭାପତି ତଥା ଜିଲ୍ଲାପରିଷଦ ସଦସ୍ୟା ଅସୀମା ମିଶ୍ର, ଜିଲ୍ଲା ସାଧାରଣ ସମ୍ପାଦକ ଅନୁବ୍ରତ ବେହେରା, ଆନନ୍ଦପୁର ପୌରପାଳିକାର ପୂର୍ବତନ ନଗରପାଳ ରାମଚନ୍ଦ୍ର ସାହୁ, ବନ୍ଦେ ମାତରମ୍ ର କେନ୍ଦୁଝର ଜିଲ୍ଲା ସଂଯୋଜକ ବ୍ରଜକିଶୋର ରାୟ, ଆତ୍ମନିର୍ଭର ଭାରତ ଅଭିଯାନ ର ଜିଲ୍ଲା ସଂଯୋଜକ ତଥା ଜିଲ୍ଲା ସାଧାରଣ ସମ୍ପାଦକ ଜ୍ଞାନ ରଞ୍ଜନ ସାମନ୍ତ ସିଂହାର ତଥା ଆନନ୍ଦପୁର ନିର୍ବାଚନ ମଣ୍ଡଳୀର ସମସ୍ତ ସାଙ୍ଗଠାନିକ ମଣ୍ଡଳର ସମସ୍ତ ମଣ୍ଡଳ ସଭାପତି ମଞ୍ଚାସିନ ହୋଇ ରାଷ୍ଟ୍ରଗାନ ‘ବନ୍ଦେ ମାତରମ୍’ ର ୧୫୦ ବର୍ଷ ପୂର୍ତ୍ତୀର ବିଶେଷତ୍ୱ ତଥା ବନ୍ଦେ ମାତରମ୍ ସଂଗୀତ କିପରି ଦେଶ ସ୍ୱାଧୀନତା ସଂଗ୍ରାମୀ ମାନଙ୍କୁ ଆନ୍ଦୋଳିତ କରୁଥିଲା ସେହି ସମ୍ପର୍କରେ ଉଦବୋଧନ ଦେବା ସହିତ ଦେଶ ମାତୃକାର ସେବା ପାଇଁ ଆଗେଇ ଆସି ଭାରତକୁ ପରମ ବୈଭବଶାଳି ରାଷ୍ଟ୍ରରେ ପରିଣତ କରିବା ପାଇଁ  ଅଭିଭାଷଣ ରଖିଥିଲେ। ସେହିପରି ଆତ୍ମ ନିର୍ଭର ଭାରତ ସଂକଳ୍ପ ଅଭିଯାନର କର୍ମଶାଳାରେ ମଞ୍ଚାସିନ ଅତିଥିମାନେ ପ୍ରତ୍ୟେକ ଭାରତୀୟ କିପରି ଆତ୍ମ ନିର୍ଭର ହେବେ ଏବଂ ପ୍ରଧାନମନ୍ତ୍ରୀ ଙ୍କ “ସବକା ସାଥ ସବକା ବିକାଶ ” ସଫଳତା ପାଇବ ଏହା ଉପରେ ନିଜ ନିଜ ବକ୍ତବ୍ୟ ରଖିଥିଲେ। ଏହି କାର୍ଯ୍ୟକ୍ରମରେ  ସାଙ୍ଗଠାନିକ ମଣ୍ଡଳ ସଭାପତି ଦୀପକ ଜେନା, ଜଗନ୍ନାଥ ବାରିକ, ହରେକୃଷ୍ଣ ସ୍ୱାଇଁ, ହେମନ୍ତ ସାହୁ, ଚନ୍ଦ୍ରମଣି ସେଠୀ, ତପନ ପାତ୍ରଙ୍କ ସମେତ  ସ୍ଥାନୀୟ ନେତୃତ୍ୱ ତଥା କାର୍ଯ୍ୟକର୍ତ୍ତା ମାନେ କାର୍ଯ୍ୟକ୍ରମ ଯୋଗଦେଇ ସଫଳ କରିବାରେ ସହଯୋଗ କରିଥିଲେ। ମନ୍ କି ବାତ୍ ର ବିଧାନସଭା ସଂଯୋଜକ ସୁଶାନ୍ତ ଜେନା ମଞ୍ଚ ପରିଚାଳନା କରିଥିବା ବେଳେ ଆନନ୍ଦପୁର ସାଂସଦ ପ୍ରତିନିଧି ଟୁକୁନା ମହାନ୍ତ ଧନ୍ୟବାଦ ଅର୍ପଣ କରିଥିଲେ।