ସରଳୀକରଣ କରି ନିଜସ୍ୱ ଘୋଷଣା ପତ୍ରରେ ପଞ୍ଜିକରଣ କରିବା ଦାବୀ

ଛତ୍ରପୁର,(ଓ୍ବାଇଏନଏସ):  ଚାଷୀ ପଞ୍ଜିକରଣ ସରଳୀକରଣ କରି ନିଜସ୍ୱ ଘୋଷଣା ପତ୍ରରେ ପଞ୍ଜିକରଣ କରିବା ଦାବୀ ନେଇ ଋଷିକୂଲ୍ୟା ରୟତ ମହାସଭା ର ସମ୍ପାଦକ ସିମାଞ୍ଚଳ ନାହାକ ଙ୍କ ନେତୃତ୍ୱ ରେ ଛତ୍ରପୁର ବ୍ଲକର ବହୁ ଚାଷୀ ମାନେ ଆଜି ଗଞ୍ଜାମ ଜିଲ୍ଲାପାଳଙ୍କ ଉଦ୍ଦେଶ୍ୟ ରେ ଏକ ଲିଖିତ ଦାବୀ ପତ୍ର ପ୍ରଦାନ କରିଛନ୍ତି, ୪୦ ବର୍ଷ ହେଲା ସେଟେଲମେଣ୍ଟ କ୍ୟାମ୍ପ ହୋଇ ନଥିବାରୁ ଜମିଜମା ରେକର୍ଡ ର ସଂଶୋଧନ ହୋଇନାହିଁ, ଫଳରେ ଗୋସେଇଁବାପାଙ୍କ ନାମରେ ଜମିର ପୁରୁଣା ଦସ୍ତାବିଜ ରହିଛି, ସେହି ଜମି କୁ ୩ ପିଢ଼ି ଧରି ଭୋଗ ଦଖଲ ରେ ରଖି ଚାଷ କରୁଛନ୍ତି ଏବଂ ଖଜଣା ରାଜସ୍ୱ ଅଧିକାରୀ ଆଦାୟ କରୁଛନ୍ତି, ଚାଷୀ ମାନେ ସେହି ପୁରୁଣା ଦସ୍ତାବିଜ ଓ ଖଜଣା ରସିଦ ଦେଇ ପଞ୍ଜିକରଣ କରି ଧାନ ସବୁବେଳେ ବିକ୍ରି କରି ଆସୁଥିଲେ, ମାତ୍ର ଚଳିତ ବର୍ଷ ସରକାରଙ୍କ ନୁଆଁ ନିୟମ ହେବା ଫଳରେ ଚାଷୀ ସୋସାଇଟି, ରାଜସ୍ୱ ଅଫିସ ଓ ତହସିଲଦାର ଅଫିସ ଧାଇଁ ଧାଇଁ ହଇରାଣ ହେଉଛନ୍ତି, ଏବେ ଧାନ ରୁଆଁ କାମ ରେ ବ୍ୟସ୍ତ ଥିବା ବେଳେ ଏବେ ପଞ୍ଜିକରଣ ସମସ୍ୟା ଯୋଗୁଁ ବହୁ ଅସୁବିଧା ର ସମ୍ମୁଖୀନ ହେଉଛନ୍ତି ଚାଷୀ, ପୁଣି ଠାକୁରଙ୍କ ଜମି ଏବଂ ଯୁଗ୍ମ ପଟ୍ଟାଧାରୀଙ୍କ ଜମି ମଧ୍ୟ ପଞ୍ଜିକରଣ ହୋଇ ପାରୁନାହିଁ, ପଞ୍ଜିକରଣ ତାରିଖ ୩୧ ତାରିଖ ପର୍ଯ୍ୟନ୍ତ ଅବଧି ବଢ଼ାଯାଉ, ଏହାର ତଦନ୍ତ କରି ଜମି ଚାଷ କରୁଥିବା ଚାଷୀଙ୍କ ନିଜସ୍ୱ ଘୋଷଣା ପତ୍ର ଏବଂ ରାଜସ୍ୱ ଅଧିକାରୀଙ୍କ ଅନୁମୋଦନ ରେ ପଞ୍ଜିକରଣ କଲେ ଚାଷୀ ମାନେ ଉପକୃତ ହେବେ ବୋଲି ସେମାନେ ଉକ୍ତ ଦାବୀ ପତ୍ର ରେ ଉଲ୍ଲେଖ କରିଛନ୍ତି