ଚାଲୁ ହେଲା ହେଲା ଶ୍ରୀରାମପୁର ପାନୀୟ ଜଳ ପ୍ରକଳ୍ପ

ବନ୍ତ,(ଚାନ୍ଦିନୀ ମହାନ୍ତି) :ବନ୍ତ ବ୍ଲକ ଗୋପିନାଥପୁର ପଞ୍ଚାୟତ ଶ୍ରୀରାମପୁର ଗ୍ରାମରେ ରାଜ୍ୟ ସରକାରଙ୍କ ବସୁଧା ଯୋଜନାରେ ଗ୍ରାମ୍ୟ ଜଳ ଯୋଗାଣ ପ୍ରକଳ୍ପ ପକ୍ଷରୁ ସ୍ୱଚ୍ଛ ପାନୀୟ ଜଳ ନିମନ୍ତେ ୧ଲକ୍ଷ ଲିଟର ବିଶିଷ୍ଟ ଟାଙ୍କି ବସାଯାଇଥିଲା । ୨୦୨୩ ମସିହା ଠାରୁ ଏହି ପ୍ରକଳ୍ପ ଗ୍ରାମରେ ଥିବା ୭ ଶହ ଲୋକଙ୍କୁ ପାନୀୟ ଜଳ ଯୋଗାଇ ଆସୁଥିଲା । ୬ ମାସ ହେବ ବିଦ୍ୟୁତ୍ ସରବରାହ ଯୋଗୁ ପାଣି ପାଇଁ ଲୋକେ ଡହଳ ବିକଳ ହେଉଥିଲେ । ଟ୍ରାନ୍ସଫର୍ମର ଓ କେବୁଲ୍ ପୋଡିଯିବା ଯିବା ଯୋଗୁ ଲୋକେ ପାଣି ପାଇବାରୁ ବଞ୍ôଚତ ହେଉଥିଲେ । ଏନେଇ ଗ୍ରାମବାସୀ ମାନେ ପୂର୍ବରୁ ବିଭାଗୀୟ ଅଧିକାରୀଙ୍କ ସମେତ ମୁଖ୍ୟମନ୍ତ୍ରୀଙ୍କୁ ଟ୍ୱିଟ୍ ଯୋଗେ ଅବଗତ କରିଥିଲେ । ଆଜି ବିଦ୍ୟୁତ୍ ବିଭାଗର ଯନ୍ତ୍ରୀ ରକ୍ଷାକର ଜେନାଙ୍କ ଉପସ୍ଥିତରେ ଲାଇନ ମ୍ୟାନ୍ ଅଶୋକ ଶଙ୍ଖୁଆ, ଶଶିକାନ୍ତ ବାରିକ୍ ପ୍ରମୁଖ ପହଞ୍ôଚ ନୂତନ ଟ୍ରାନ୍ସଫର୍ମର ସହ କେବୁଲ ବିଛାଇବା ପରେ ପାନୀୟ ଜଳ ପ୍ରକଳ୍ପ କାର୍ଯ୍ୟକ୍ଷମ ହୋଇଛି । ବିଦ୍ୟୁତ୍ ବିଭାଗର ତ୍ୱରିତ ପଦକ୍ଷେପକୁ ଗ୍ରାମବାସୀ ସମାଜସେବିକା ଇତାଞ୍ଜଳୀ ଦାସ,ଅଧ୍ୟାପକ ଚିରଞ୍ଜିବୀ ଦାସ,ଅଜୟ କୁମାର ମହାନ୍ତି, ଭବାନୀ ଶଙ୍କର ଦାସ, କୈଳାସ ସେଠୀ ପ୍ରମୁଖ ପ୍ରଶଂସା କରିଛନ୍ତି ।