ଛାତ୍ର, ଛାତ୍ରୀ ଜାଳେଣି କାଠ ବୋହିବା ଘଟଣା: ପ୍ରଧାନଶିକ୍ଷକ ନିଲମ୍ବିତ
କାକଟପୁର /ଅସ୍ତରଙ୍ଗ(ଶୁଭାଶିଷ ଖଣ୍ଡୁଆଳ) :-ମଧ୍ୟାହ୍ନ ଭୋଜନ ପାଈଁ ଜାଳେଣି କାଠ ବିଦ୍ୟାଳୟ ପରିସରରେ ଛାତ୍ର, ଛାତ୍ରୀ ବୋହିବା ଘଟଣା ଅଭିଯୋଗରେ ଜଣେ ପ୍ରଧାନଶିକ୍ଷକ ଙ୍କୁ ମାଧ୍ୟ୍ୟମିକ ଶିକ୍ଷାନିର୍ଦ୍ଧେଶାଳୟ କାର୍ଯ୍ୟରୁ ନିଲମ୍ବିତ କରିଛନ୍ତି। ପ୍ରଧାନଶିକ୍ଷକ ଜଣକ ହେଲେ ଅସ୍ତରଙ୍ଗ ମଣ୍ଡଳଶିକ୍ଷାଧିକାରୀ କାର୍ଯ୍ୟାଳୟ ଅଧୀନ ସୁନ୍ଦର ସ୍ଥିତ ସୁରେନ୍ଦ୍ରନାଥ ବିଦ୍ୟାପୀଠ, ପ୍ରଧାନଶିକ୍ଷକ ଶ୍ରୀଯୁକ୍ତ ପ୍ରକାଶ କୁମାର ବେହେରା। ବିଦ୍ୟାଳୟ ରେ ଛାତ୍ର, ଛାତ୍ରୀ ଙ୍କୁ ପୁଷ୍ଟିକର ସ୍ୱାଦିଷ୍ଟ ମଧ୍ୟାହ୍ନ ଭୋଜନ ଯୋଗାଇ ଦେବା ପାଈଁ ସରକାର ଙ୍କ ତରଫରୁ ବିଭିନ୍ନ ସୁବିଧା ସୁଯୋଗ ଯୋଗାଇଦିଆଯାଉଛି। କାଠ ପରିବର୍ତ୍ତେ ବିଦ୍ୟାଳୟ ଗୁଡିକରେ ଗ୍ୟାସରେ ହେବ ମଧ୍ୟାହ୍ନ ଭୋଜନ ରୋଷେଇ। ପରିବେଶ ସ୍ୱଛତା ତଥା ବାୟୁ ମଣ୍ଡଳକୁ ପ୍ରଦୂଷଣ ମୁକ୍ତ କରିବା ପାଈଁ ସରକାର ବିଦ୍ୟାଳୟ ଗୁଡିକୁ ଗ୍ୟାସ ଯୋଗାଇ ଦେବାକୁ ନିର୍ଦ୍ଧେଶ ରହିଛି। ହେଲେ ଏ ଯୋଜନା କାଗଜ ପତ୍ରରେ ଚାଲିଥିବା ବେଳେ ଏହାର ବାସ୍ତବ ଘଟଣା ଛାତ୍ର, ଛାତ୍ରୀ ଜାଳେଣି କାଠ ବୋହୁଥିବା ଫଟୋ ସୋସିଆଲ ମିଡ଼ିଆ ରେ ଘୁରିବୁଲିବା ପରେ ମଣ୍ଡଳ ଶିକ୍ଷାଧିକାରୀ ଘଟଣା କୁ ଗୁରୁତ୍ୱର ସହ ନେଇ ତଦନ୍ତ କରିଥିଲେ। ଏଥି ସହିତ ସରକାର ଜାଳେଣି ପାଈଁ ପ୍ରତି ପିଲା ପିଛା ପୂର୍ବରୁ ୫୦ପଇସା ରହିଥିବା ବେଳେ ଏବେ ୧ଟଙ୍କା ଦେଉଛନ୍ତି। କିନ୍ତୁ ପୁରୀ ଜିଲ୍ଲା ଅସ୍ତରଙ୍ଗ ମଣ୍ଡଳ ଶିକ୍ଷାଧିକାରୀ କାର୍ଯ୍ୟାଳୟ ଅଧୀନ ସୁନ୍ଦର ସ୍ଥିତ ସୁରେନ୍ଦ୍ର ନାଥ ବିଦ୍ୟାପୀଠ ବିଦ୍ୟାଳୟ ପରିସରରେ ଛାତ୍ର, ଛାତ୍ରୀ ଶ୍ରେଣୀ କକ୍ଷ ଛାଡି ମଧ୍ୟାହ୍ନ ଭୋଜନ ରୋଷେଇ ପାଈଁ କାଠ ବୋହୁଥିବା ତାହା ବିଦ୍ୟାଳୟରେ ଶିକ୍ଷକ, ଶିକ୍ଷୟତ୍ରୀ ଉପସ୍ଥିତ ଥିବା ସମୟରେ କୋମଳମତି ପିଲା ମାନଙ୍କ ହାତରେ ଏ କାର୍ଯ୍ୟ ସମ୍ପାଦନ କରୁଛନ୍ତି ବୋଲି ଫଟୋ ଭାଇରଲ ପରେ ଦୈନିକ ଖବର କାଗଜ ରେ ଖବର ପ୍ରକାଶିତ ହୋଇଥିଲା। ଯାହାକୁ ନେଇ ସ୍ଥାନୀୟ ଅଞ୍ଚଳ କିଛି ବ୍ୟକ୍ତି ବିଶେଷ ନିଜ ଏକ୍ସ ମାଧ୍ୟ୍ୟମରେ ଶିକ୍ଷାବିଭାଗକୁ ଅବଗତ କରାଇଥିଲେ। କିନ୍ତୁ ମଙ୍ଗଳବାର ମାଧ୍ୟମିକ ଶିକ୍ଷାନିର୍ଦ୍ଧେଶାଳୟ ଅର୍ଡର ନମ୍ବର ୨୨୭୪୭ରେ ସୁରେନ୍ଦ୍ର ନାଥ ବିଦ୍ୟାପୀଠ ର ପ୍ରଧାନଶିକ୍ଷକ ପ୍ରକାଶ କୁମାର ବେହେରା ଙ୍କୁ ନିଲମ୍ବିତ କରାଯାଇଛି। ନିଲମ୍ବନ ଅବଧି ମଧ୍ୟରେ ଶ୍ରୀ ବେହେରା ଅସ୍ତରଙ୍ଗ ମଣ୍ଡଳ ଶିକ୍ଷାଧିକାରୀ କାର୍ଯ୍ୟାଳୟ ରେ କାର୍ଯ୍ୟ କରିବେ। ବିଭାଗୀୟ ଯୁଗ୍ମ ନିର୍ଦ୍ଧେଶକ ଏ ସମ୍ପର୍କିତ ଆଦେଶନାମା ନକଲ ପୁରୀ ଜିଲ୍ଲା ଶିକ୍ଷାଧିକାରୀ ଙ୍କୁ ପ୍ରେରଣ କରି ପରବର୍ତ୍ତୀ କାର୍ଯ୍ୟାନୁଷ୍ଠାନ ପାଈଁ ଡ୍ରାଫ୍ଟ ପ୍ରୋସିଂଡ଼ି ପ୍ରସ୍ତୁତ କରିବା ପାଈଁ ପତ୍ରରେ ଉଲ୍ଲେଖ କରିଛନ୍ତି। ଏ ସମ୍ପର୍କିତ ଚିଠି ଅସ୍ତରଙ୍ଗ ମଣ୍ଡଳ ଶିକ୍ଷାଧିକାରୀ ଙ୍କୁ ବିଭାଗ ପକ୍ଷରୁ ପ୍ରେରଣ କରାଯାଇଛି। ସୂଚନାଯୋଗ୍ୟ, ଅଭିଯୋଗ ହସ୍ତଗତ ହେବା ପରେ ଏ ସମ୍ବନ୍ଧରେ ବିଭାଗ ପକ୍ଷରୁ ତଦନ୍ତ ପ୍ରକ୍ରିୟା ଆରମ୍ଭ କରାଯାଇଥିଲା। ଏହି ତଦନ୍ତର ଫଳାଫଳ ଅନୁଯାୟୀ ବିଦ୍ୟାଳୟ ରେ ଛାତ୍ର, ଛାତ୍ରୀ କାଠ ବୋହିବା ଘଟଣାରେ ବିଦ୍ୟାଳୟର ମୁଖିଆ ତଥା ପ୍ରଧାନଶିକ୍ଷକ ଙ୍କୁ ତାଙ୍କ କାର୍ଯ୍ୟରୁ ନିଲମ୍ବନ କରାଯାଇଛି।


