କାର୍ତିକ ଦ୍ୱିତୀୟ ସୋମବାର: ଶୈବପୀଠରେ ଭକ୍ତଙ୍କ ଭିଡ଼

ଚାଷୀକୂଳ ହତାଶ ହିଞ୍ଜିଳିକାଟୁ, (ଶେଷଦେବ ସାହୁ): ଗର୍ଭଣା ସଂକ୍ରାନ୍ତି ପର ଠାରୁ ଧାନଗଛରୁ ଥୋଡ଼ ବାହାରିବା ଆରମ୍ଭ ହେଲାଣି । ହେଲେ ବର୍ତମାନ ସମୟରେ ଧାନଗଛରେ ବିଭିନ୍ନ ପ୍ରକାର ରୋଗ, ପୋକ ଆକ୍ରମଣ ଯୋଗୁଁ ଚାଷୀକୂଳ ହତାଶ ହୋଇପଡ଼ିଛି । ଧାନକ୍ଷେତରେ ପୋକଙ୍କ ଉପଦ୍ରବ ଦେଖି ଆବାକ୍ ହୋଇପଡ଼ିଛନ୍ତି ଚାଷୀ । ଚଳିତ ବର୍ଷ ବର୍ଷାଋତୁ ଆରମ୍ଭରୁ ବର୍ଷା ଅଭାବରୁ ବିଳମ୍ବରେ ଧାନଚାଷ କାର୍ଯ୍ୟ ଆରମ୍ଭ ହୋଇଥିବା ବେଳେ ଏବେ ଧାନଗଛରେ ରୋଗ ଏବଂ ପୋକ ଆକ୍ରମଣ ଚାଷୀଙ୍କ ପାଇଁ ଦାଉ ସାଧିଛି ।ସ୍ୱଣ୍ଣ ଧାନରେ ମୂଳଷଢା ରୋଗ ହେଉଥିବା ବେଳେ ମାଟିଆଗୁଣ୍ଡି ପୋକ ଓ କାଣ୍ଡବିନ୍ଧା ପୋକ ମଧ୍ୟ ସ୍ଥାନୀୟ ଅଂଚଳର ବହୁ ଧାନକ୍ଷେତରେ ଉପଦ୍ରବ ଆରମ୍ଭ କରି ଦେଇଛନ୍ତି ।ଏହି ରୋଗ ପୋକ ନିୟନ୍ତ୍ରଣ ପାଇଁ ଚାଷୀ ବିଭିନ୍ନ ପ୍ରକାର କୀଟନାଶକ ଔଷଧ ପ୍ରୟୋଗ କଲେ ମଧ୍ୟ କୌଣସି ପ୍ରକାର ଉପଶମ ମିଳୁନାହିଁ ବୋଲି ଚାଷୀ ମାନେ କହିଛନ୍ତି । ହିଂଜିଳିକାଟୁ ବ୍ଳକର ଖରିଫ ଧାନ ଏବେ କ୍ଷତିଗ୍ରସ୍ତ ହେବାକୁ ବସିଛି ।ବହୁ ପରିଶ୍ରମରେ ଅଂଚଳର ଚାଷୀ କୂଳ ଧାନ ଚାଷ କରିଚଢା ଦାମରେ ବିହନ, ଔଷଧ, ସାର, କୀଟନାଶକ ଓ ମଜୁରୀ ଖର୍ଚ୍ଚ କରି ନୟାନ୍ତ ହୋଇଥିବା ଚାଷୀକୂଳ ପାଇଁ ରୋଗ ଓ ପୋକ ଉପଦ୍ରବ ଚିନ୍ତାର କାରଣ ସାଜିଛି । ପ୍ରତିକୂଳ ପାଣିପାଗରେ ଚଳିତ ଥର ଧାନଚାଷ ହୋଇଥିବା ବେଳେ ସ୍ଥାନୀୟ ଅଂଚଳ ପାଇଁ ଧାନଚାଷରେ ପୋକ ଲାଗିବା ଚାରିଆଡ଼େ ଆତଙ୍କ ଖେଳାଇଦେଇଛି । ସେପ୍ଟେମ୍ବର ମାସରେ ଲଗାଣ ବର୍ଷା ଯୋଗୁଁ ଚାଷଜମିରେ ଦୀର୍ଘ ଦିନ ଧରି ବର୍ଷାଜଳ ଜମି ରହିବା ଯୋଗୁଁ ଧାନଗଛର ଚେର ପଚିଯିବା ସହ ପତ୍ରସବୁ ଝଡ଼ିପଡ଼ି ଗଛ ହଳଦିଆ ହୋଇ ମୁଣ୍ଡମାରି ରହିଥିବାରୁ ଚାଷୀକୂଳ ହତାସ ହୋଇପଡ଼ିଛନ୍ତି । ହିଂଜିଳିକାଟୁ ବ୍ଳକର ପୋଚିଲିମା, ସାରୁ, ସମରଝୋଳ, ବଡ଼ଖଣ୍ଡି, ସିକିରି, ରାଳବ, ଖରିଡ଼ା, ନନ୍ଦିକ, ପୁଟିଆପଦର, ଶାସନଆମ୍ବଗାଁ, ବୁରୁପୋଡ଼ା ଭାବନ୍ଦ, ଶିଖରପୁର, ଡ଼ି. ପାଟପୁର ଆଦି ଅଂଚଳରେ ସ୍ୱର୍ଣ୍ଣ, ୧୦୦୧, ରାଣୀ, ୧୦୦୯, ମସୁରୀ ଆଦି କିସମର ଧାନରେ ଥୋଡ଼ ବାହାରିବା ସମୟରେ ଏହି ରୋଗ, ପୋକ ଆକ୍ରମଣ ଦେଖାଦେଇଛି । ଏସବୁ ପ୍ରତି ସ୍ଥାନୀୟ କୃଷି ବିଭାଗୀୟ ଅଧିକାରୀ ଦୃଷ୍ଟି ଦେଇ ତୁରନ୍ତ ପ୍ରତିକାର ବ୍ୟବସ୍ଥା ଗ୍ରହଣ କରିବାକୁ ସ୍ଥାନୀୟ ଅଂଚଳର ଚାଷୀ ମାନେ ଦାବି କରିଛନ୍ତି । ଧନଦାତ୍ରୀ ମା’ଗଜଲକ୍ଷ୍ମୀଙ୍କୁ ବିଦାୟ ହିଞ୍ଜିଳିକାଟୁ, (ଶେଷଦେବ ସାହୁ): ହିଂଜିଳିକାଟୁ ପୌରାଂଚଳ ପରିବା ବଜାର ପରିସରରେ କୁମାର ପୁର୍ଣ୍ଣିମା ଠାରୁ ପୂଜା ପାଇ ଆସୁଥିବା ଧନଦାତ୍ରୀ ମା’ ଗଜଲକ୍ଷ୍ମୀଙ୍କ ଭାସାଣି ଉତ୍ସବ ରବିବାର ଅନୁଷ୍ଠିତ ହୋଇଯାଇଛି । ରବିବାର ସକାଳ ୧୦ ଟାରୁ ଅପରାହ୍ନ୪ ଟା ପର୍ଯ୍ୟନ୍ତ ଅନ୍ନଯଜ୍ଞ ଅନୁଷ୍ଠିତ ହୋଇଥିଲା । ଏଥିରେ ସ୍ଥାନୀୟ ପୌରାଂଚଳ ସମେତ ନିକଟବର୍ତି ଅଂଚଳର ପ୍ରାୟ ୫ ହଜାରରୁ ଉଦ୍ଧ୍ୱର୍ ଜନସାଧାରଣ ପ୍ରସାଦ ସେବନ କରି ପ୍ରଭୁକୃପା ଲାଭ କରିଥିଲେ । ସନ୍ଧ୍ୟାରେ ମା’ ଗଜଲକ୍ଷ୍ମୀଙ୍କୁ ବିରାଟ ଶୋଭାଯାତ୍ରାରେ ଭସାଣିରେ ବାହାରିଥିଲେ । ମେଢ ଆଗରେ ଡ଼ିଜେ ସାଉଣ୍ଡ, ଘୋଡ଼ାନାଚ, ବାଜା, ବାଣ ପଟୁଆରରେ ହିଂଜିଳି ସହର ଦୁଲୁକି ଉଠିଥିଲା । ପରିବା ବଜାର ଠାରୁ ଘୋଡ଼ାହାଡ଼ ନଦୀ ପର୍ଯ୍ୟନ୍ତ ୫୯ ନଂ ଜାତୀୟ ରାଜପଥର ଉଭୟ ପ୍ୱାଶ୍ୱର୍ରେ ହଜାର ହଜାର ଦର୍ଶକ ଭସାଣି ଉତ୍ସବର ଆନନ୍ଦ ଉପଭୋଗ କରିଥିଲେ । ଶାନ୍ତି ଶୃଙ୍ଖଳା ସକାଶେ ପୂଜା କମିଟି କର୍ମକର୍ତା ମାନେ ଦାୟିତ୍ୱ ନେଇଥିଲେ । ଟ୍ରାଫିକ ନିୟନ୍ତ୍ରଣ ସକାଶେ ହିଂଜିଳି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସଙ୍କ ନେତୃତ୍ୱରେ ପୋଲିସ ଫୋର୍ସ ମୃତୟନ କରାଯାଇଥିଲା । ଧନଦାତ୍ରୀ ମା’ ଗଜଲକ୍ଷ୍ମୀଙ୍କୁ ସ୍ଥାନୀୟ ଘୋଡ଼ାହାଡ଼ ନଦୀରେ ବିସର୍ଜନ କରାଯାଇଥିଲା । କାର୍ତିକ ଦ୍ୱିତୀୟ ସୋମବାର: ଶୈବପୀଠରେ ଭକ୍ତଙ୍କ ଭିଡ଼ ହିଞ୍ଜିଳିକାଟୁ, (ଶେଷଦେବ ସାହୁ):: ପବିତ୍ର କାର୍ତିକ ମାସ ଦ୍ୱିତୀୟ ସେମାବାର ଅବସରରେ ହିଂଜିଳିକାଟୁ ପୌରାଂଚଳ ସମେତ ନିକଟବର୍ତି ଅଂଚଳର ଶୈବପୀଠ ଗୁଡ଼ିକରେ ଦିନତମାମ ଭକ୍ତଙ୍କ ଭିଡ଼ ଲାଗି ରହିଥିଲା । ପ୍ରାତଃହରୁ ଶୈବପୀଠ ଗୁଡ଼ିକରେ ମାର୍ଜଣା, ମଇଲମ, ସୂର୍ଯ୍ୟପୂଜା, ମଙ୍ଗଳଆଳତି ସହ ସମସ୍ତ ଦେବନୀତି ସମାପନ ପରେ ଭକ୍ତ ମାନଙ୍କୁ ମନ୍ଦିର ମଧ୍ୟକୁ ପ୍ରବେଶ ଓ ପୂଜାର୍ଚ୍ଚନା ସକାଶେ ଅନୁମତି ଦିଆଯାଇଥିଲା । ହିଂଜିଳିକାଟୁ ପୌରାଂଚଳ ଲକ୍ଷ୍ମୀ ବଜାର ସ୍ଥିତ ଚନ୍ଦ୍ରକଳ୍ପେଶ୍ୱର, ହିଂଜିଳିର ସ୍ୱପ୍ନେଶ୍ୱର, ଆଙ୍କୋରଡ଼ାର କପିଳେଶ୍ୱର, ନୁଆଁଗଡ଼ର ବାଲୁଙ୍କେଶ୍ୱର, ବଇଁଚବଣିଆ ପାବନଶ୍ରୀକ୍ଷେତ୍ର ପରିସରସ୍ଥ ପଶ୍ଚିମାଭିମୁଖୀ କାଶିବିଶ୍ୱନାଥ, ସ୍ଥାନୀୟ ବ୍ଳକ ନୁଆଁବୁରୁପୋଡ଼ାର ମୁଦୁକେଶ୍ୱର, ଅନ୍ତରିଗାଁର ଗୁପ୍ତେଶ୍ୱର, ବେଲଗାଁର ବେଲେଶ୍ୱର, ଆଡ଼ପଡ଼ାର ଇଶାଣେଶ୍ୱର ସମେତ ନିକଟବର୍ତି ସାରୁ, ମକରଝୋଳ, ସମରଝୋଳ, ପୋଚିଲିମା, କଂଚୁରୁ, ଦୁର୍ବନ୍ଧ, ସିକିରି, ରାଳବ, ଶାସନଆମ୍ବଗାଁ, ନନ୍ଦିକ, ପୁଟିଆପଦର, ବାଳକୃଷ୍ଣପୁର, ଭାବନ୍ଧ ପ୍ରମୁଖ ଗ୍ରାମରେ ଥିବା ଶୈବପୀଠ ଗୁଡ଼ିକରେ ହରହର ମହାଦେବ ଧ୍ୱନିରେ ପ୍ରକମ୍ପିତ ହୋଇ ଉଠିଥିଲା । ବହୁ ଭକ୍ତ ଶୈବପୀଠ ପରିସରରେ ହବିଷାନ୍ନ ବ୍ୟଂଜନ ପ୍ରସ୍ତୁତ କରି ପ୍ରସାଦ ସେବନ କରିଥିଲେ । ଭକ୍ତଙ୍କ ଭିଡ଼କୁ ଆଖି ଆଗରେ ରଖି ମନ୍ଦିର ପ୍ରଶାସନ ଓ ସ୍ୱେଛାସେବକ ମାନଙ୍କ ପକ୍ଷରୁ ବ୍ୟାପକ ସୁବନ୍ଦୋବସ୍ତ ଗ୍ରହଣ କରାଯାଇଥିଲା । ଅନ୍ୟପକ୍ଷରେ ସ୍ଥାନୀୟ ପୌରାଂଚଳ ବଇଁଚବଣିଆ ପାବନଶ୍ରୀକ୍ଷେତ୍ର ଶ୍ରୀଜଗନ୍ନାଥଙ୍କୁ ରାଧାଦାମୋଦର ବେଶରେ ସୁସଜ୍ଜିତ କରାଯାଇଥିଲା । ଶ୍ରୀ ଜଗନ୍ନାଥଙ୍କ ଏହି ଦୁଲର୍ଭ ବେଶ ଦର୍ଶନ ସକାଶେ ମନ୍ଦିର ପରିସରରେ ଭକ୍ତ ମାନଙ୍କ ଅସମ୍ଭବ ଭିଡ଼ ଲାଗି ରହିଥିଲା । ଶିକ୍ଷାର୍ଥୀଙ୍କ ଚକ୍ଷୁ ପରୀକ୍ଷା ଶିବିର ହିଞ୍ଜିଳିକାଟୁ, (ଶେଷଦେବ ସାହୁ): ହିଂଜିଳିକାଟୁ ପୌରାଂଚଳ ଲକ୍ଷ୍ମୀ ନୃସିଂହ ପ୍ରାଥମିକ ବିଦ୍ୟାଳୟ ପରିସରରେ ସୋମବାର ଏକ ବ୍ଳକସ୍ତରୀୟ ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି । ବେଲଗାଁ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର ଭାରପ୍ରାପ୍ତ ଚିକିତ୍ସାଧିକାରୀ ଡ଼ାକ୍ତର ଅନିଲ କୁମାର ରଥଙ୍କ ଅଧ୍ୟକ୍ଷତାରେ ଆୟୋଜିତ ଶିବିରରେ ମୁଖ୍ୟ ଅତିଥି ଭାବେ ଗୋଷ୍ଠୀ ଉନ୍ନୟନ ଅଧିକାରୀ ପ୍ରସନ୍ନ କୁମାର ପାତ୍ର ଓ ସମ୍ମାନିତ ଅତିଥି ଭାବେ ଗୋଷ୍ଠୀ ଶିକ୍ଷାଧିକାରୀ ବସନ୍ତ କୁମାର ପଣ୍ଡା, ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ବିଶ୍ୱନାଥ ମହାରଣା, କେ. ନିମାଇଁଚାନ୍ଦ ମହାପାତ୍ର, ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସ୍ନେହଲତା ପଟ୍ଟନାୟକ, ଶିକ୍ଷୟତ୍ରୀ ଡ଼ି.ଗୌରୀ ପ୍ରମୁଖ ଯୋଗ ଦେଇଥିଲେ । ହିଂଜିଳିକାଟୁ ପୌରାଂଚଳ ସମେତ ବ୍ଳକର ବିଭିନ୍ନ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟର ୧୫୦ ଶିକ୍ଷାର୍ଥୀଙ୍କ ଚକ୍ଷୁ ପରୀକ୍ଷା କରାଯାଇଥିଲା । ବିପିଏମ ଶଶାଙ୍କ ଶେଖର ପଣ୍ଡା ଓ ସ୍ୱାସ୍ଥ୍ୟ ପରିଦର୍ଶକ ମୃତ୍ୟୁଂଜୟ ପାଣିଗ୍ରାହୀଙ୍କ ସଂଯୋଜନାରେ ଆୟୋଜିତ ଶିବିରରେ ଚକ୍ଷୁ ବିଶେଷଜ୍ଞ ଡ଼ାକ୍ତର ସୁଶାନ୍ତ କୁମାର ବେହେରା ଯୋଗଦେଇ ଶିକ୍ଷାର୍ଥୀଙ୍କ ଚକ୍ଷୁ ପରୀକ୍ଷା କରିଥିଲେ । ଆୟୁଷ ଚିକିତ୍ସାଧିକାରୀ ଡ଼ାକ୍ତର ଦିପ୍ତିରଂଜନ ମହାପାତ୍ର, ଫାର୍ମାସିଷ୍ଟ ଗିରିଜା ଶଙ୍କର ରାଉତ, ଷ୍ଟାପନର୍ସ ସଙ୍ଘମିତ୍ରା ପ୍ରଧାନ, ଅପ୍ଟାମିକ ଏ.କେ. ମହାପାତ୍ର, ରମେଶ ଚନ୍ଦ୍ର ଦଳାଇ, ପୁରୁଷ ସ୍ୱାସ୍ଥ୍ୟକର୍ମୀ ନାରାୟଣ ନାହାକ, ହରିହର ଚୌଧୁରୀ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।

କାର୍ତିକ ଦ୍ୱିତୀୟ ସୋମବାର: ଶୈବପୀଠରେ ଭକ୍ତଙ୍କ ଭିଡ଼

admin 0 Comments

ହିଞ୍ଜିଳିକାଟୁ, (ଶେଷଦେବ ସାହୁ):: ପବିତ୍ର କାର୍ତିକ ମାସ ଦ୍ୱିତୀୟ ସେମାବାର ଅବସରରେ ହିଂଜିଳିକାଟୁ ପୌରାଂଚଳ ସମେତ ନିକଟବର୍ତି ଅଂଚଳର ଶୈବପୀଠ ଗୁଡ଼ିକରେ ଦିନତମାମ ଭକ୍ତଙ୍କ ଭିଡ଼ ଲାଗି

Read more

Advertisement

ଏବେ ଏବେ