ଶ୍ରୀରାମ ନବମୀ ମହୋତ୍ସବ ପାଇଁ ଗେରୁଆ ପତାକାରେ ଝଲସୁଛି ବଜାର ଅଞ୍ଚଳ

ବନ୍ତ (ୟୁଏନ୍ଏସ୍) : ଭଦ୍ରକର ଶ୍ରୀରାମ ନବମୀ ମହୋତ୍ସବ ଉପଲକ୍ଷେ ଜିଲାର ମୁଖ୍ୟ ବଜାର ଅଞ୍ଚଳ ଗୁଡିକ ଗେରୁଆ ପତାକାରେ ଝଲସୁଥିବା ଦେଖାଯାଇଛି । ଏହି ଅବସରରେ ବନ୍ତ ସଦର ମହକୁମାସ୍ଥିତ ଥାନା ଛକ, ମେଡିକାଲ ଛକ, କେନ୍ଦୁଆପଦା ଛକ, ପିଏନବି ଛକ, ଜଳସେଚନ ଅଫିସ ଛକ, ଡିଗୀଆଡି, ପୋଷ୍ଟ ଅଫିସ ଛକ, ପୁରୁଣା ବଜାର, ବ୍ଲକ ଛକ ଆଦି ସ୍ଥାନ ଗୁଡିକ ଗେରୁଆ ପତାକାମୟ ହୋଇଯାଇଛି । ସେହିପରି ଡିଗୀଆଡି ଓ ଜଳସେଚନ ଛକ ସ୍ଥାନରେ ଭଦ୍ରକ ମହୋତ୍ସବ ପାଇଁ ବିରାଟ ବ୍ୟାନର ଲଗାଯାଇଛି । ଶୁକ୍ରବାର ଶ୍ରୀରାମ ନବମୀ ମହୋତ୍ସବ ଉପଲକ୍ଷେ ଭଦ୍ରକରେ ଅନୁଷ୍ଠିତ ହେଉଥିବା ବିଶାଳ ମହିଳା କଳସ ଶୋଭାଯାତ୍ରାରେ ବନ୍ତ ବ୍ଲକରୁ ଶହ ଶହ ସଂଖ୍ୟାରେ ମହିଳା ମାନେ ଯୋଗଦାନ କରିଥିବା ଜଣାଯାଇଛି ।