ଶାଳଣିଆଁରେ ତ୍ରିରଙ୍ଗା ଶୋଭାଯାତ୍ରା

ହାଟଡ଼ିହି, (ଓ୍ବାଇଏନଏସ):  ଶାଳଣିଆଁରେ  ତ୍ରିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି।  ପ୍ରବଳ ବର୍ଷା ସତ୍ବେ ଶହଶହ ଲୋକ ସାମିଲ ହୋଇ ଶାଳଣିଆଁ ବଜାର ପରିକ୍ରମା କରିଥିଲେ। ଶାଳଣିଆଁ ମଣ୍ଡଳ ସଭାପତି  ଜଗନ୍ନାଥ ବାରିକଙ୍କ ସଂଯୋଜନାରେ ଅନୁଷ୍ଠିତ ଏହି ତ୍ରିରଙ୍ଗା ଶୋଭାଯାତ୍ରାରେ ଶହ ଶହ କର୍ମୀ ସାମିଲ୍ ହୋଇ ବନ୍ଦେ ମାତରଂ, ଭାରତ ମାତା କି ଜୟ, ଜୟହିନ୍ଦ୍ ଧ୍ବନି ଦେଇ ବିଷ୍ଣୁପୁର ଠାରୁ ଶାଳଣିଆଁ ମେଡିକାଲ ଛକ ପର୍ଯ୍ୟନ୍ତ ଯାଇଥିଲେ। ଏହି  କାର୍ଯ୍ୟକ୍ରମରେ ବିଜେପି ନେତା ଆଲୋକ ସେଠୀ, ଜିଲ୍ଲା ସଧାରଣ ସମ୍ପାଦକ  ଜ୍ଞାନ ରଞ୍ଜନ ସାମନ୍ତ ସିଂହାର, ଯୋଗେନ୍ଦ୍ର ବେହେରା, ନୃସିଂହ ପାଢ଼ୀ, ରମାକାନ୍ତ ସାହୁ, ଅରୁଣ ମଲ୍ଲିକ, ଅନ୍ତର୍ଯ୍ୟାମୀ ଖଣ୍ଡେଇ, ରତ୍ନାକର କବି, ଅମୂଲ୍ୟ ରାଉତ, ଅମିୟ କୁମାର ରାଉତଙ୍କ ସମେତ  ଶତାଧିକ କାର୍ଯ୍ୟକର୍ତ୍ତା ଯୋଗଦେଇଥିଲେ । ତ୍ରିରଙ୍ଗା ଆମ ଗର୍ବ ଓ ଗୌରବର ପ୍ରତୀକ,  ତେଣୁ ସମ୍ମାନର ସହ ପ୍ରତ୍ୟେକ ବ୍ୟକ୍ତି ତ୍ରିରାଙ୍ଗା ପତାକାକୁ ନିଜସ୍ବ ଗୃହରେ ଉତ୍ତୋଳନ ପାଇଁ ଜନସାଧାରଣଙ୍କୁ ଅନୁରୋଧ ଓ ସଚେତନ କରିଥିଲେ। ବିଶେଷ କରି ଭାରତୀୟ ସେନାର ମନୋବଳ ଦୃଢ଼ କରିବା ଓ ଆମେ ସମସ୍ତେ ଭାରତୀୟ ଏହି ବାର୍ତ୍ତାକୁ ସମସ୍ତଙ୍କ ନିକଟରେ ପହଞ୍ଚାଇବା ତ୍ରିରଙ୍ଗା ଯାତ୍ରାର ଉଦ୍ଦେଶ୍ୟ ବୋଲି ବିଜେପି ନେତା ମାନେ ମତବ୍ୟକ୍ତ କରିଥିଲେ।