ଖଗେଶ୍ୱରଙ୍କ ପୀଠରେ ଭାଗବତ ପାରାୟଣ ଉଦ୍ଯାପିତ
ବନ୍ତ,(ଚାନ୍ଦିନୀ ମହାନ୍ତି) : ବନ୍ତ ବ୍ଲକ ଛୟାଳସିଂ ପଞ୍ଚାୟତ ବାବା ଖଗେଶ୍ୱରଙ୍କ ପୀଠରେ ୭ଦିନ ଧରି ଚାଲିଥିବା ଆଧ୍ୟାତ୍ମିକ କାର୍ଯ୍ୟକ୍ରମ ଉଦ୍ଯାପିତ ହୋଇଯାଇଛି । ମହାଦେବଙ୍କ ପୀଠରେ ଭାଗବତ ଗାଦି ସ୍ଥାପନା କରାଯାଇ ପଣ୍ଡିତ ପ୍ରକାଶ ପତି, ବିକାଶ ପତି ବେଦ ପାଠ କରିଥିଲେ । ପ୍ରବଚକ ଗୋବିନ୍ଦ ଚନ୍ଦ୍ର ପାଣିଗ୍ରାହୀ, ଦେବେନ୍ଦ୍ର ପଣ୍ଡା, ନବ କିଶୋର ଲେଙ୍କା, ବିପିନ୍ ବିହାରୀ ନାୟକ, ଅକ୍ଷୟ କୁମାର ପାଢୀ, ନିରାକାର ଗାହାଣ, ତପସ୍ୱିନୀ ପାଢୀ, ଲାଙ୍ଗୁଳି ବାବା ପ୍ରମୁଖ ବିଭିନ୍ନ ଦିବସରେ ଦିବ୍ୟ ପ୍ରବଚନ ପ୍ରଦାନ କରିଥିଲେ । ଏହି ଅବସରରେ ସାଧୁ ସନ୍ଥ ମାନଙ୍କୁ ସମ୍ବର୍ଦ୍ଧର୍ନା ଦିଆଯାଇଥିଲା । ଖଗେଶ୍ୱର ମହାଦେବଙ୍କ ମୁଖ୍ୟ ସେବକ ଫକୀର ମୋହନ ତ୍ରିପାଠୀଙ୍କ ତତ୍ତ୍ୱାବଧାନରେ ଧାର୍ମିକ କାର୍ଯ୍ୟ ସମ୍ପାଦିତ ହୋଇଥିବା ବେଳେ ଦୀନବନ୍ଧୁ ରାଉତ, କାତ୍ତିକ ଚନ୍ଦ୍ର ପାଲ୍, ଲକ୍ଷ୍ମୀଧର ମହାନ୍ତି, ବିଦ୍ୟାଧର ଓଝା, ଚୈତନ୍ୟ ପଟ୍ଟନାୟକ ପ୍ରମୁଖ ସହଯୋଗ କରିଥିଲେ ।


