ତ୍ରିବେଣୀ ସଙ୍ଗମ ସାହିତ୍ୟ ସମାରୋହ 

କାକଟପୁର /ଅସ୍ତରଙ୍ଗ(ଶୁଭାଶିଷ ଖଣ୍ଡୁଆଳ):- ସାହିତ୍ୟ ସଭ୍ୟତାର ଅସ୍ତିତ୍ୱ, ଭାଷା ହେଉଛି ଜାତିର ଅସ୍ମିତ।ଭାଷା ବଞ୍ଚିଲେ ଜାତି ବଂଚିବ ଓ ସାହିତ୍ୟ ଚିରକାଳ ସମୃଦ୍ଧ ହେବ ବୋଲି ଅତିଥି ମାନେ ମତଦେଇଥିଲେ। ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ଅଧୀନ କେଳୁଣୀ ମୁହାଁଣ ନିକଟରେ ବସନ୍ତ ମଞ୍ଜରୀ ଚାରିଟେବୁଲ ଏଜକେସୁନାଲ ଟ୍ରଷ୍ଟ ତରଫରୁ ୧୨ତମ ବାର୍ଷିକ ଅବସରରେ ତ୍ରିବେଣୀ ସଙ୍ଗମ ସାହିତ୍ୟ ସମାରୋହ ଉତ୍ସବ ଅନୁଷ୍ଠିତ ହୋଇଯାଇଛି। ସାହିତ୍ୟ ସମାରୋହ ମୁଖ୍ୟ ବିଶ୍ୱରଂଜନ ବିଶ୍ୱଶ୍ରୀ ଙ୍କ ସଭାପତିତ୍ବ ରେ ଉଦୁଘାଟନ ଉତ୍ସବ ର ମୁଖ୍ୟ ଅତିଥି ପଂଚାୟତ ସମିତି ଅଧକ୍ଷା ଆରତୀ ନାଏକ, ମୁଖ୍ୟବକ୍ତା ପୂର୍ବତନ ବିଧାୟକ ବାଇଧର ମଲ୍ଲିକ, ଅନ୍ୟତମ ବକ୍ତା ପୂର୍ବତନ ସେନା କର୍ମଚାରୀ ବିଦ୍ୟାଧର ନାୟକ,ସଂମ୍ମାନିତ ଅତିଥି ଜଗତସିଂହପୁର ସାଂସଦ ଙ୍କ ଅସ୍ତରଙ୍ଗ ବ୍ଲକ ପ୍ରତିନିଧି ଦିବାକର ଛାଟୋଇ, ତ୍ରିଲୋଚନ ମିଶ୍ର,ପ୍ରଫୁଲ୍ଲ ଷଡ଼ଙ୍ଗୀ, ଶିଶୁଅ ସରପଞ୍ଚ ଜୋଶ୍ନା ରାଣୀ ପରିଡା,ସମାଜସେବୀ ତଥା ଅସ୍ତରଙ୍ଗ ମଣ୍ଡଳ ୧ନଂ ସଭାପତି ଶ୍ରୀଯୁକ୍ତ ଇନ୍ଦ୍ରମଣି ଜେନା, ଈଶ୍ୱର ବେହେରା, ମସ୍ଚ୍ୟଜୀବି ସଙ୍ଘ ସଭାପତି ପ୍ରଶ୍ନନ ବେହେରା ପ୍ରମୁଖ ଉପସ୍ଥିତ ରେ ମଞ୍ଚ ପରିଚାଳନା କରିଥିଲେ  ଶିକ୍ଷାବିତି ତ୍ରିଲୋଚନ ବିଶ୍ୱାଳ ଓ ହୃଦାନନ୍ଦ ଶାସମଲ।ପ୍ରାରମ୍ଭ ରୁ ରାଜ୍ୟ ର କୋଣ ଅନୁକୋଣ ରୁ ଆସିଥିବା କବି, କବିୟତ୍ରୀ ଙ୍କ ସୁରଚିତ କବିତା ପାଠ କରିଥିଲେ।ଏହା ସହ ଆଲୋଚ୍ୟ ପ୍ରସଙ୍ଗ ଜୀବନ୍ତ ଦେବତା ଉପସ୍ଥିତ କବି, କବିୟତ୍ରୀ ମଧ୍ୟରେ ଆଲୋଚନା ହୋଇଥିଲା। ବିଶ୍ୱ ରଂଜନ ବିଶ୍ୱଶ୍ରୀ ବାର୍ଷିକ ବିବରଣୀ ପାଠ କରିବା ସହ, ତ୍ରିବେଣୀ ସଙ୍ଗମ ସାହିତ୍ୟ ସମାରୋହ ର ଆଗାମୀ ଦିନର ଆଭିମୁଖ୍ୟ ଉପରେ ଆଲୋକପାତ କରିଥିଲେ। ତ୍ରିବେଣୀ ସଙ୍ଗମ ସାହିତ୍ୟ ସମାରୋହ ଅସ୍ତରଙ୍ଗ ଭଳି ଏକ ଉପକୂଳ ତଥା ସମୁଦ୍ର ତୀରରେ ସାହିତ୍ୟ ପ୍ରଚାର ଓ ପ୍ରସାର ପାଇଁ ଯେଉଁ ପ୍ରୟାସ ଜାରି ରଖିଛି ତାହାକୁ ମୁଖ୍ୟ ଅତିଥି ବ୍ଲକ ଅଧକ୍ଷା ଆରତୀ ନାଏକ ପ୍ରଶଂସା କରିଥିଲେ। ମୁଖ୍ୟ ବକ୍ତା ପୂର୍ବତନ ସେନା କର୍ମଚାରୀ ଶ୍ରୀଯୁକ୍ତ ବିଦ୍ୟାଧର ନାୟକ ନିଜ ବକ୍ତବ୍ୟ ରେ ଭାଷା ହେଉଛି ଗୋଟିଏ ଜାତିର ଅସ୍ତିତ୍ୱ ଏବଂ ତାର ସାହିତ୍ୟ ହେଉଛି ଅସ୍ତିତ୍ୱର ପରିଚୟ। ତେଣୁ ଭାଷା ବଞ୍ଚିଲେ ଜାତି ବଂଚିବ ଓ ସାହିତ୍ୟ, ସଂସ୍କୃତି ଚିରକାଳ ହେବ ବୋଲି ମତବ୍ୟକ୍ତ କରିଥିଲେ। କାର୍ଯ୍ୟକ୍ରମ ଦ୍ୱିତୀୟ ଅଧିବେଶନ ରେ ଅତିଥି ଭାବେ କୃଷକ ସେଲ ଅଧକ୍ଷ ଶ୍ରୀଯୁକ୍ତ ଅମୀୟ ପଟ୍ଟନାୟକ, ବରିଷ୍ଠ ଖବରଦାତା ଧୁଶାସନ ନାୟକ,ପୂର୍ବତନ ସରପଞ୍ଚ ରମେଶ ଦଳାଇ, ବ୍ୟଙ୍ଗ କବି ସମ୍ପଦ ରଥ ପ୍ରମୁଖ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମ ରେ ବିଶିଷ୍ଟ ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧିତ କରାଯାଇଥିଲା। ଭାଷା ସାହିତ୍ୟର ପ୍ରଚାର ଓ ପ୍ରସାର ପାଇଁ ତ୍ରିବେଣୀ ସଙ୍ଗମ ସାହିତ୍ୟ ସମାରୋହ ସମେତ ମିଡ଼ିଆ ପାଟନର ଓଡିଶା ରାଇଟର, ଆୟୋଜକ ବିଆରସିଇ ଟ୍ରଷ୍ଟ ଓ ଭେଟେରାନ କ୍ଲବ ଏଭଳି ମହତ୍ୱପୂର୍ଣ୍ଣ କାର୍ଯ୍ୟକୁ ପ୍ରଶଂସା କରିଥିଲେ ଦୂର ଦୁରାନ୍ତରୁ ଆସିଥିବା ଶୁଭେଛୁ ଓ କବି କବିୟତ୍ରି ମାନେ।ମା ନାରାୟଣୀ ସଂକୀର୍ତ୍ତନ ମଣ୍ଡଳୀ ର ସଭାପତି ବିପିନ ନାୟକ ଙ୍କ ତତ୍ତ୍ୱବଧାନ ରେ କଳାକାର ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମପରିବେଷଣ କରିଥିଲେ।ପରିବେଶବିତି ଶୋଭାକର ବେହେରା ଉପସ୍ଥିତ ଅତିଥି, କବି, କବିୟତ୍ରୀ, ବୁଦ୍ଧିଜୀବୀ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ।