ପରିବାରକୁ ଫେରିଲା ବେତନଟୀର ଛୋଟୁ

ବେତନଟୀ ( ଉଦିତ କୁମାର ପରିଡା ) : ଆଜିର ସମାଜରେ ଅଧିକାଂଶ ବ୍ୟକ୍ତି, ପରିବାର ଓ ଅନୁଷ୍ଠାନ ସ୍ୱାର୍ଥନ୍ଧ ହୋଇ ବ୍ୟକ୍ତି ଗତ ସ୍ୱାର୍ଥ ହାସଲ କରୁଛନ୍ତି। ଏଭଳିକି ଗୋଟିଏ ପରିବାରର ବାପ ପୁଅ ମା ଝିଅ ମଧ୍ୟରେ ମଧ୍ୟ ବ୍ୟକ୍ତିଗତ ସ୍ୱାର୍ଥ ପାଇଁ ସମ୍ପର୍କ କାଟି ପରସ୍ପର ଅଲଗା ରହୁଥିବାରୁ ଦେଖିବାକୁ ମିଳିଛି। ସମାଜ ସେବା କରିବା ପାଇଁ ବିଭିନ୍ନ ବର୍ଗରୁ ସମାଜରେ ଦିନକୁ ଦିନ ମାନବିକତା ହଜି ଯାଉଥିବାର ଦେଖିବାକୁ ମିଳୁଥିବା ବେଳେ ସମାଜରେ ନିରାଶ୍ରୟ, ଅସହାୟ ଓ ମାନସିକ ବିକୃତ ବ୍ୟକ୍ତିମାନଙ୍କ ପାଇଁ ଦେବଦୁତ ସାଜିଛନ୍ତି ଉତ୍ତରପ୍ରଦେଶର ଭଜିପୁରା ଥାନା ଅଞ୍ଚଳର ମନୋସମର୍ପଣ ସଂସ୍ଥାର ସଦସ୍ୟମାନେ। ଏହି ସଦସ୍ୟମାନେ ଦେବଦୁତ ସାଜି ମୟୂରଭଞ୍ଜ ଜିଲ୍ଲାର ବେତନଟୀ ଥାନା ଅଧୀନ ଛଚିନପଦା ଗ୍ରାମର ଜଣେ ମାନସିକ ବିକାର ଯୁବକକୁ ଭଜିପୁରା ଥାନା ଅଂଚଳରୁ ଉଦ୍ଧାର କରିଥିଲେ। ସେ ଅସୁସ୍ଥତା ଥିବାବେଳେ ସଦସ୍ୟ ମନୋବିଶେଷଜ୍ଞ ଡକ୍ଟରଙ୍କ ଦ୍ୱାରା ଦୁଇ ମାସ ଧରି ଚିକିତ୍ସା କରାଇବା ସହ ସଂସ୍ଥାର ସଦସ୍ୟମାନେ ସ୍ୱତନ୍ତ୍ର ଭାବେ ବେତନଟୀ ଥାନା ଆଇ ଆଇ ସି ସସ୍ମିତା ମହାନ୍ତଙ୍କୁ ମୋବାଇଲ ଫୋନ ମାଧ୍ୟମରେ ଖବର ଜଣାଇଥିଲେ। ଥାନାରେ ଖବର ପହଞ୍ଚିବା ପରେ ଆଇ ଆଇ ସି ସସ୍ମିତା ମହାନ୍ତ ଏହି ସଂସ୍ଥାର କୁ ସହଯୋଗ ଯୋଗାଇବା ଉଦେଶ୍ୟରେ ସ୍ଥାନୀୟ ସରପଞ୍ଚ ଓ ଭାଜପାର ୩୫ନମ୍ବର ଜୋନର ମଣ୍ଡଳ ସଭାପତି ଜୀବନ ପରିଡାଙ୍କ ସହଯୋଗରେ ଚି଼ହ୍ନଟ କରିବା ସହ ପରିବାରବର୍ଗ ଙ୍କୁ ସୂଚନା ପ୍ରଦାନ କରାଇଥିଲେ। ୨୦୧୭ମସିହାରେ ବେତନଟୀ ଥାନାରେ ଏହି ଯୁବକଙ୍କ ନିଖୋଜ ମାମଲା ମଧ୍ୟ ରହିଥିଲା। ଏହି ନିଖୋଜ ଯୁବକକୁ ମନୋସମର୍ପଣ ସେବା ସଂସ୍ଥା ଉଦ୍ଧାର କରିଥିବାର ଜାଣି ପୋଲିସ ପକ୍ଷରୁ ଉତ୍ତରପ୍ରଦେଶରୁ ଏହି ସଂସ୍ଥାଠାରୁ ଉଦ୍ଧାର ଯୁବକକୁ ବେତନଟୀ ଥାନାକୁ ଆଣିବା ଓ ତାଙ୍କ ପରିବାରକୁ ହସ୍ତାନ୍ତର କରିବାର ପ୍ରୟାସ ଆରମ୍ଭ ହୋଇଥିଲା। ପରିବାର ଲୋକ ଗରିବ ହୋଇଥିବାରୁ ଜିଲ୍ଲା ଜରୁରୀ ବିଭାଗର ରେଡ଼କ୍ରସ ପାଣ୍ଠିରୁ ୧୫ ହଜାର ଟଙ୍କା ଯିବା ଆସିବା ପାଇଁ ଆର୍ଥିକ ସହାୟତା ପ୍ରଦାନ କରାଯାଇଥିଲା। ଏହି ରେଡ଼କ୍ରସ ଟଙ୍କା ସହାୟତା କରିବା ପାଇଁ ବଡସାହି ବିଧାୟକ ସନାତନ ବିଜୁଳି ଜିଲ୍ଲାପାଳ ଓ ବିଭାଗୀୟ ଅଧିକାରୀଙ୍କ ସହିତ ଯୋଗାଯୋଗ କରିଥିଲେ। ସୂଚନା ଯୋଗ୍ୟ ଉତ୍ତରପ୍ରଦେଶ ସ୍ଥିତ ମନୋସମର୍ପଣ ସେବା ସଂସ୍ଥା ଦ୍ୱାରା ଉଦ୍ଧାର ହୋଇଥିବା ଓଡ଼ିଶାରୁ ଆଠ ବର୍ଷ ଧରି ନିଖୋଜ ଥିବା ଯୁବକର ନାମ ଦୀନକୃଷ୍ଣ ମହାନ୍ତ ଓରଫ ଛୋଟୁ ତାଙ୍କ ଘର ମୟୂରଭଞ୍ଜ ଜିଲ୍ଲା ବେତନଟୀ ଥାନା ଅଧୀନ ଛଚିନାପଦା ଗ୍ରାମ ବୋଲି ଜଣାପଡିଛି। ଉତ୍ତରପ୍ରଦେଶର ଭୋଜୀପୁରା ପୁଲିସ ଥାନା ଅଧୀନରେ ନୈନୀତାଳ ରୋଡ଼ରେ ୨୬ ମାର୍ଚ୍ଚ ୨୦୨୫ରେ ଏହି ଯୁବକ ନିରାଶ୍ରୟ ଅବସ୍ଥାରେ ଭ୍ରମଣ କରୁଥିବା ଦେଖାଯାଇଥିଲା। ସେହି ରାସ୍ତା ଦେଇ ଯାଉଥିବା ମନୋସମର୍ପଣ ସେବା ସଂସ୍ଥାର ପ୍ରତିଷ୍ଠାତା ତଥା ମନୋବିଜ୍ଞାନୀ ଶୈଲେଶ ଶର୍ମା ୧୧୨କୁ ଫୋନ କରି ସ୍ଥାନୀୟ ପୁଲିସର ସାହାଯ୍ୟରେ ଯୁବକଙ୍କୁ ଉଦ୍ଧାର କରିଥିଲେ। ସେତେବେଳେ ସେ କେବଳ ନିଜର ନାମ ଛୋଟୁ ବୋଲି କହୁଥିଲା ଏବଂ ଅନ୍ୟ କୌଣସି ତଥ୍ୟ ଦେଇ ପାରି ନଥିଲା। ଶୈଲେଶ ଶର୍ମା ତୁରନ୍ତ ତାକୁ ଉଦ୍ଧାର କରି ମନୋସମର୍ପଣ ସେବା ସଂସ୍ଥାକୁ ଆଣିଥିଲେ, ଯେପରି ତାଙ୍କର ଯତ୍ନ ସହ ଆବଶ୍ୟକୀୟ ଚିକିତ୍ସା କରାଯାଇ ପାରିବ। ସଂସ୍ଥାରେ ରହିବା ସମୟରେ ତାଙ୍କର ମାନସିକ ପରାମର୍ଶ ଓ ଚିକିତ୍ସା ଜାରି ରହିଥିଲା, ଯାହା ଫଳରେ ଛୋଟୁର ଅବସ୍ଥାରେ ଧୀରେ ଧୀରେ ଉନ୍ନତି ହେବାକୁ ଲାଗିଲା। ମନୋବିଜ୍ଞାନୀ ଶୈଲେଶ ଶର୍ମା କହିବା ଅନୁସାରେ ଛୋଟୁ ଓଡ଼ିଆ ଭାଷାରେ କଥା ହେଉଥିଲା, ତେଣୁ ପରାମର୍ଶ ସେସନରେ ବହୁ ଅସୁବିଧା ହେଉଥିଲା। କିନ୍ତୁ ଅଶାବ୍ଦିକ ଭାଷା ଓ ଓଡ଼ିଆ ଭାଷାର ଜ୍ଞାନ ଥିବାରୁ ଛୋଟୁ ଶୀଘ୍ର କଥା ବୁଝି ମିଶି ଯାଇଥିଲା ଏବଂ ପରାମର୍ଶ ସେସନରେ ସେ ମୟୂରଭଞ୍ଜ ଜିଲ୍ଲାର ବେଟନଟୀ ଥାନା ଅଞ୍ଚଳରେ ନିଜକୁ ରହୁଥିବା ବୋଲି ଜଣାଇଥିଲା । ମନୋସମର୍ପଣ ଟିମ୍ ବେଟନଟୀ ଥାନା ଆଇଆଇ ସି ଶ୍ରୀମତୀ ସସ୍ମିତା ମହାନ୍ତଙ୍କ ସହ ଯୋଗାଯୋଗ କରି ଛୋଟୁର ବିବରଣୀ ଦେଇ ତାଙ୍କ ପରିବାରଙ୍କୁ ଖୋଜିବାରେ ସାହାଯ୍ୟ ମାଗିଥିଲେ। ଥାନାରେ ରେକର୍ଡ ଯାଞ୍ଚ କରାଯାଇଥିଲା ଏବଂ ୨ ଜୁନ୍ ୨୦୧୭ରେ ଛୋଟୁ ଉର୍ଫ ଦୀନକୃଷ୍ଣ ମହାନ୍ତଙ୍କ ନିଖୋଜ ରିପୋର୍ଟ ମିଳିଥିଲା। ଛୋଟୁ ଜୀବିତ ଥିବା ଆଶା ସମସ୍ତେ ଛାଡ଼ି ଦେଇଥିଲେ ଏବଂ ପରିବାର ତଥା ଗାଁ ଲୋକେ ତାକୁ ମୃତ ବୋଲି ମନେ କରୁଥିଲେ। ହେଲେ ଥାନା ମାଧ୍ୟମରେ ଛୋଟୁର ପରିବାରଙ୍କୁ ଖବର ଦିଆଯାଇଥିଲା, ଯାହା ପରେ ପରିବାର ଓ ଗାଁର ଲୋକଙ୍କ ମଧ୍ୟରେ ଖୁସିର ଲହରୀ ଖେଳି ଯାଇଥିଲା। ବେଟନଟୀ ଥାନାରୁ କନଷ୍ଟେବଳ ଅର୍ଜୁନ ବିନ୍ଧାଣୀ ଏବଂ ଛୋଟୁର ବଡ଼ ଭାଇ କ୍ଷେତ୍ରମୋହନ ମହାନ୍ତ ଛୋଟୁକୁ ନେବାକୁ ବରେଲି ପହଞ୍ଚିଥିଲେ ଏବଂ କାଗଜପତ୍ର କାମ ସାରି ତାଙ୍କୁ ନିଜ ଅଧୀନରେ ନେଇ ନିଜ ସହ ନେଇଆସିଥିଲେ । ଏତେ ବର୍ଷ ଧରି ଛୋଟୁର ପରିବାର ଓ ଥାନା ତାକୁ ଖୋଜିବା ପାଇଁ ଅନେକ ଉଦ୍ୟମ କରିଥିଲେ, କିନ୍ତୁ କୌଣସି ସୂତ୍ର ମିଳି ନଥିଲା। ମନୋସମର୍ପଣ ସଂସ୍ଥାର ସାମାଜିକ କର୍ମୀ ମୁକୁଲ କୁମାର ଓ ରଞ୍ଜିତ ମୌର୍ଯ୍ୟ ସମସ୍ତ ଆବଶ୍ୟକୀୟ କାଗଜପତ୍ର ପୂରଣ କରି ଛୋଟୁ ଉର୍ଫ ଦୀନକୃଷ୍ଣ ମହାନ୍ତଙ୍କୁ ତାଙ୍କ ଭାଇଙ୍କ ହାତରେ ସମର୍ପଣ କରିଥିଲେ। ମନୋସମର୍ପଣ ସେବା ସଂସ୍ଥାର ଆଇନଗତ ପରାମର୍ଶଦାତା ଶ୍ରୀ ରଜତ ବିନ୍ଦଲ କହିଛନ୍ତି ଯେ ମନୋସମର୍ପଣ ସେବା ସଂସ୍ଥା ସର୍ବଦା ନିରାଶ୍ରୟ, ଅସହାୟ ଓ ମାନସିକ ରୋଗୀଙ୍କ ସେବାରେ ସମର୍ପିତ। ଯଦି କାହାକୁ ଏପରି ବ୍ୟକ୍ତିଙ୍କ ବିଷୟରେ ସୂଚନା ମିଳେ, ତେବେ ସେମାନଙ୍କୁ ସାହାଯ୍ୟ କରିବା ପାଇଁ ସଂସ୍ଥା ସର୍ବଦା ପ୍ରସ୍ତୁତ। ନିଖୋଜ ଛୋଟୁକୁ ଉଦ୍ଧାର କରି ପରିବାର ଲୋକଙ୍କୁ ହସ୍ତାନ୍ତର କରିବା ପାଇଁ ମନୋସମର୍ପଣ ସେବା ସଂସ୍ଥା ଯେଉଁ ମହତ କାର୍ଯ୍ୟ କରିଛନ୍ତି ସେଥିପାଇଁ ସମସ୍ତ ସଦସ୍ୟଙ୍କୁ ବେତନଟୀ ଥାନାର ଆଇ ଆଇ ସି, ବେତନଟୀ ବ୍ଲକ ମେଡ଼ିଆ ଆସୋସିଏସନ ପକ୍ଷରୁ ସମସ୍ତ ସଦସ୍ୟଙ୍କୁ ଧନ୍ୟବାଦ ପ୍ରଦାନ କରାଯାଇଛି।