ନେହେରୁ ଯୁବ ପ୍ରତିଷ୍ଠାନ ତରଫରୁ ଉତ୍କଳ ଦିବସ

ଭୂବନେଶ୍ୱର (ୟୁଏନ୍ଏସ୍): ନେହେରୁ ଯୁବ ପ୍ରତିଷ୍ଠାନ ତରଫରୁ ୮୯ ତମ ଉତ୍କଳ ଦିବସରେ ଅନୁଷ୍ଠାନ ପ୍ରାଙ୍ଗଣରେ ପାଳିତ ହେଇ ଯାଇଛି। ଏହି ଅବସରରେ ଉତ୍କଳ ପ୍ରଦେଶ ଗଠନ ରେ ବରପୁତ୍ର ମାନଙ୍କ ଭୂମିକା ଉପରେ ଏକ ଆଲୋଚନାଚକ୍ର ଅନୁଷ୍ଠିତ ହେଇଯାଇଛି। ଅର୍ଥ ବିଶାରଦ ଡଃ ସିଦ୍ଧାର୍ଥ କାନୁନଗୋ, ବରିଷ୍ଠ ସାମ୍ୱାଦିକ ତଥା ଭାଷା ପ୍ରେମୀ ପବିତ୍ର ମହାରଥା, ଆମେ ଓଡ଼ିଆ ସଂସ୍ଥାର ପ୍ରତିଷ୍ଠାତା, ପ୍ରାବନ୍ଧିକ ରମେଶ ପାଣି ପ୍ରମୂଖ ଅତିଥି ଭାବେ ଯୋଗଦେଇ ଓଡ଼ିଶାର ବରପୁତ୍ରମାନଙ୍କୁ ସ୍ମରଣ କରି ସେମାନଙ୍କ ଅବଦାନ ବିଷୟରେ ବୁଝେଇ ଥିଲେ। ଆଜି ନୂତନ ଓଡିଶାରେ ତାଙ୍କର ଅବଦାନକୁ ସମସ୍ତେ ଭୁଲିଗଲେଣି। ତେଣୁ ସେମାନଙ୍କ ଆଦର୍ଶରେ ଅନୁପ୍ରାଣିତ ହେବାକୁ ବକ୍ତାମାନେ ମତ ଦେଇଥିଲେ। ପ୍ରାରମ୍ଭରେ ଅତିଥିମାନେ ଅନୁଷ୍ଠାନର ସ୍ମରଣିକାକୁ ଲୋକାର୍ପଣ କରିଥିଲେ` ଉତ୍କଳ ଦିବସ ଉପଲକ୍ଷେ ସ୍କୁଲ ପିଲାମାନଙ୍କ ମଧ୍ୟରେ ଓଡିଶା ଉପରେ ଜଣା ଅଜଣା କୁଇଜ୍ କାର୍ଯ୍ୟକ୍ରମ ଅନୁଷ୍ଠିତ ହେଇ ପୁରସ୍କୃତ କରାଯାଇ ଥିଲା। ଅନୁଷ୍ଠାନର ସଭାପତି ସହଦେବ ଜୟସିଂହ ଅଧ୍ୟକ୍ଷତାରେ ଲେଖିକା ମିନତୀ ଦାଶ ଏହି କାର୍ଯ୍ୟକ୍ରମକୁ ସଞ୍ଚାଳନ କରିଥିଲେ ଓ ସଂଯୋଜକ ଆଶିଷ ବେବର୍ତ୍ତା ଅତିଥି ପରିଚୟ ପ୍ରଦାନ କରିଥିଲେ। ବରିଷ୍ଠ ସଭ୍ୟ ରଜତ ପାତ୍ର ଧନ୍ୟବାଦ୍ ଦେଇଥିଲେ। କାର୍ଯ୍ୟକ୍ରମ ସଂଯୋଜକ ଉମେଶ ନନ୍ଦଙ୍କ ପରିଚାଳନାରେ ସୁମନ୍ତ ନାୟକ, ଲିଲିପ୍ତା ମହାପାତ୍ର, ମଞ୍ଜୁ ନନ୍ଦ, ଶଶିପ୍ରଭା ଦାଶ, କମଳ ପତି, ବିରୂପାକ୍ଷ ମିଶ୍ର ପ୍ରମୁଖ ସହଯୋଗ କରିଥିଲେ। ଶୁଭେଚ୍ଛୁ ଓ ବୁଦ୍ଧିଜୀବୀମାନେ ବହୁ ସଂଖ୍ୟାରେ ଏହି କାର୍ଯ୍ୟକ୍ରମରେ ଯୋଗଦେଇ ଥିଲେ।