ବିଦ୍ୟାଦାତାଙ୍କ ଆବାହନ :୩୧୦ ରୁ ଉର୍ଦ୍ଧ୍ବ ମଣ୍ଡପରେ ବିନାୟକଙ୍କ ପୂଜା
କାକଟପୁର /ଅସ୍ତରଙ୍ଗ : ଓଁ ଖର୍ବ ସ୍ଥୂଳତନୁଂ ଗଜେନ୍ଦ୍ରବଦନଂ ଲମ୍ବୋଦର ସୁନ୍ଦରଂ…’। ପ୍ରଣମ୍ୟ ଶିରସା ଦେବଂ ଗୌରୀପୁତ୍ର ବିନାୟକମ୍..ଭକ୍ତାବାସମ୍ ସ୍ମରେନ୍ନିତ୍ୟଂ ଆୟୁଃ କାମାର୍ଥ ସିଦ୍ଧୟେ । ଧରାବତରଣ କରିଛନ୍ତି ଆଦ୍ୟ ଦେବ ଶ୍ରୀ ଗଣେଶ।ପୂଜା ପାଇଁ ଚଳଚଞ୍ଚଳ ଗାଁଠୁ ସହର।ହିନ୍ଦୁ ସଂସ୍କୃତି ରେ ଏହି ଦିନ ଗଣେଶଙ୍କ ଜନ୍ମଦିନ ଭାବେ ପାଳନ କରାଯାଇଥାଏ।ପ୍ରଭୁ ଗଜାନନ ଙ୍କ ସ୍ୱାଗତ ପାଇଁ ଗାଁ ଠୁ ସହର ସବୁଠି ସୁଉଚ୍ଚ ତୋରଣ ସାଙ୍ଗକୁ ଆଖି ଝଲାସା ମେଢ଼ ସାଜସଜ୍ଜା ହୋଇଛି।ସକାଳୁ ସକାଳୁ ପୂଜାସ୍ଥଳରେ ପୂଜାର୍ଚନା ଆରମ୍ଭ ହୋଇଥିବା ବେଳେ ସବୁଠି ଭକ୍ତିମୟ ପରିବେଶ ।ବିଦ୍ୟା, ବୁଦ୍ଧି ଓ ସିଦ୍ଧିଦାତା ଅଗ୍ରପୂଜ୍ୟ ଗଜାନନ ଙ୍କ ଆବାହନ ପାଇଁ ଚଳଚଞ୍ଚଳ ପୁର ପଲ୍ଲୀ।ପୁରୀ ଜିଲ୍ଲା କାକଟପୁର ଓ ଅସ୍ତରଙ୍ଗ ବ୍ଲକ ଅଂଚଳରେ ଥିବା ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ଗୁଡିକରେ ପୂଜାଵିଧି ଅନୁଷ୍ଠିତ ହୋଇଛି।ଏହା ଶହ ସକାଳୁ ସକାଳୁ ଅସ୍ତରଙ୍ଗ ବ୍ଲକ ଅଧୀନ ହାପି ଟ୍ୟୁଟରିଆଲ ରେ ଛାତ୍ର, ଛାତ୍ରୀ ମାନେ ଗଜାନନ ଙ୍କୁ ପୂଜାର୍ଚନା କରିବା ପୁଷ୍ପାଞ୍ଜଳୀ ଅର୍ପଣ କରିବା ପରେ ପ୍ରସାଦ ସେବନ କରିଛନ୍ତି।ଅଗ୍ରପୂଜ୍ୟ, ବିଘ୍ନରାଜ ଶ୍ରୀ ବିନାୟକ ପାଇଁ ପୂଜା ଶହ ମନ୍ତ୍ର ଧ୍ୱନି। ଏଥି ପାଇଁ ପୁରୀ ଜିଲ୍ଲା କାକଟପୁର ଓ ଅସ୍ତରଙ୍ଗ ଅଞ୍ଚଳ ଚଳଚଞ୍ଚଳ, ବିଭିନ୍ନ ପଂଚାୟତ ରେ ଅନେକ ସ୍ଥାନରେ ସକାଳୁ ଶିକ୍ଷାନୁଷ୍ଠାନ ପୂଜାର୍ଚନା କରାଯାଇଥିବା ବେଳେ ସାର୍ବଜନୀନ ପୂଜାଗୁଡିକ ଅପରାହ୍ନ ଓ ସନ୍ଧ୍ୟା ରେ ଅନୁଷ୍ଠିତ ହୋଇଯାଇଛି।ବିଭିନ୍ନ ସ୍ଥାନରେ ଗଜାନନ ଙ୍କ ମୁନ୍ମୟୀ ମୂର୍ତ୍ତି ପୂଜା ପାଉଥିବା ବେଳେ ଅସ୍ତରଙ୍ଗ ବ୍ଲକର ଦେବୀ ନଦୀ କୂଳରେ ଅବସ୍ଥିତ ନଈଗୁଆଁ ଗ୍ରାମର ବହୁ ପୁରାତନ ବର୍ଷର ସ୍ୱୟଂଭୁ ଗଣେଶ ମନ୍ଦିର ରେ ପୂଜା ପାଉଛନ୍ତି ବୁଢାଗଣେଶ। କିଛି ପୂଜା ମଣ୍ଡପରେ ବୃକ୍ଷରୋପଣ ଭଳି ସାମାଜିକ କାର୍ଯ୍ୟକ୍ରମ କରିଛନ୍ତି।
