“ବିଶ୍ଵଭାରତୀ” କେନ୍ଦ୍ରୀୟ ବିଶ୍ୱବିଦ୍ୟାଳୟର ଅନ୍ତଃରାଷ୍ଟ୍ରୀୟ ଆଲୋଚନା ଚକ୍ର

ବାଲେଶ୍ବର(ସରୋଜ ପଣ୍ଡା): ବିଶ୍ୱକବି ରବୀନ୍ଦ୍ର ନାଥ ଠାକୁରଙ୍କ ଦ୍ୱାରା ପ୍ରତିଷ୍ଠିତ ଐତିହାସିକ “ବିଶ୍ଵଭାରତୀ” କେନ୍ଦ୍ରୀୟ ବିଶ୍ୱବିଦ୍ୟାଳୟର ‘Centre for Buddhist Studies’ ଓ କଲିକତା ‘Siddartha united social welfare mission’ ର ମିଳିତ ଆନୁକୂଲ୍ୟରେ ଏକ ଅନ୍ତଃରାଷ୍ଟ୍ରୀୟ ଆଲୋଚନା ଚକ୍ର ୨୧ ନଭେମ୍ବର ଶୁକ୍ରବାର ଦିନ ଅନୁଷ୍ଠିତ ହୋଇଯାଇଅଛି। ଏହି କାର୍ଯ୍ୟକ୍ରମରେ ୨୭ ଦେଶରୁ ପ୍ରତିନିଧିମନେ ଯୋଗ ଦେଇଥିଲେ। ଭାରତର ବିଭିନ୍ନ ବିଶ୍ୱବିଦ୍ୟାଳୟରୁ କୁଳପତି, ଛାତ୍ରଛାତ୍ରୀ, ଗବେଷକ, ଅଧ୍ୟାପକ ଅଧ୍ୟାପିକା ଯୋଗ ଦେଇଥିଲେ। ଭାରତ ସହ ବିଭିନ୍ନ ଦେଶରୁ ଆସିଥିବା ବୌଦ୍ଧ ଭିକ୍ଷୁ ଓ ଭିକ୍ଷୁଣୀ ଗଣ ଏହି କାର୍ଯ୍ୟକ୍ରମର ବିଶେଷ ଆକର୍ଷଣ ଥିଲେ। ଏହି ସମାବେଶକୁ ମାନ୍ୟବର ବାଲେଶ୍ୱର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ମୁଖ୍ୟ ଅତିଥି ରୂପେ ଉଦଘାଟନ କରିଥିଲେ। ତାଙ୍କର ଉଦଘାଟନୀ ଭାଷଣ ଅତ୍ୟନ୍ତ ଉଚ୍ଚକୋଟୀର ଓ ପ୍ରଭାବୀ ରହିଥିବାରୁ ସମସ୍ତଙ୍କ ଦ୍ୱାରା ଉଚ୍ଚ ପ୍ରଶଂସିତ ହୋଇଥିଲା। ତାଙ୍କର ଭାଷଣରେ ମୁଗଧ ହୋଇ ଓ ବୌଦ୍ଧ ଦର୍ଶନରେ ତାଙ୍କର ସାମର୍ଥ୍ୟକୁ ଦେଖି ବିଭିନ୍ନ ଦେଶରୁ ଆସିଥିବା ଅଧ୍ୟାପକ ଓ ବୌଦ୍ଧ ସନ୍ୟାସୀ ଗଣ ସେମାନଙ୍କ ଦେଶକୁ ନିମନ୍ତ୍ରଣ କରିଥିଲେ। ଏହା ବାଲେଶ୍ୱର ପାଇଁ ଏକ ଗର୍ବର ବିଷୟ ଅଟେ।