ଉଚ୍ଚ ମାଧ୍ୟମିକ ବିଦ୍ୟାଳୟରେ ନାରୀ ସୁରକ୍ଷା ଓ ସଚେତନତା କାର୍ଯ୍ୟକ୍ରମ

କେନ୍ଦୁଝର, (ପୂର୍ଣ୍ଣଚନ୍ଦ୍ର ମହାନ୍ତ):  ରାଇସୁଆଁ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ରତିନ୍ଦ୍ର କୁମାର ପରିଡାଙ୍କ ସଭାପତିତ୍ୱରେ ନାରୀ ସୁରକ୍ଷା ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟ ସ୍ତରରେ ବିଶେଷ ଭାବେ ଛାତ୍ରୀ ଓ ମହିଳା କର୍ମଚାରୀ ଗଣ କିଭଳି ନିଜକୁ ସୁରକ୍ଷିତ ମନେ କରିବେ ଓ ଏକ ସୁସ୍ଥ ବାତାବରଣ ମଧ୍ୟରେ ରହି ସ୍ୱକାର୍ଯ୍ୟ ଓ ଅଧ୍ୟୟନ କରି ପାରିବେ ସେ ବିଷୟରେ ଗୁରୁତ୍ୱାରୋପ କରିଥିଲେ । ଅନ୍ୟମାନଙ୍କ ମଧ୍ୟରେ ଓଡିଆ ବିଭାଗର ବରିଷ୍ଠ ଅଧ୍ୟାପକ ଡ଼ଃ ଆଶିଷ କୁମାର ରାଉତ,ଇଂରାଜୀ ଅଧ୍ୟାପକ ବିପିନ ବିହାରୀ ସାହୁ,ଅର୍ଥନୀତି ଅଧ୍ୟାପିକା ସୁଜାତା ମହାପାତ୍ର ପ୍ରମୁଖ ନାରୀମାନଙ୍କ ସୁରକ୍ଷା ତଥା ମାନସିକ,ଶାରିରୀକ ସ୍ତରରେ କିଭଳି ବିଭିନ୍ନ ନିର୍ଯ୍ୟାତନାରୁ ନିଜକୁ ଦୂରରେ ରଖିପାରିବେ ସେ ବିଷୟରେ ଆଲୋକପାତ କରିଥିଲେ । ମହିଳା କର୍ମଚାରୀ ତଥା ଛାତ୍ରୀମାନଙ୍କ ସୁରକ୍ଷା କବଚ ପାଇଁ ଆଭ୍ୟନ୍ତରୀଣ ଅଭିଯୋଗ କମିଟି ଗଠନ ସହିତ ସରକାରଙ୍କ ସୁଭଦ୍ରା ସହାୟତା ନମ୍ବର ପ୍ରଦର୍ଶିତ ହୋଇଥିଲା । ଏହି କାର୍ଯ୍ୟକ୍ରମରେ କଲେଜର ସମସ୍ତ ଛାତ୍ରଛାତ୍ରୀ,ଅଧ୍ୟାପକ,ଅଧ୍ୟାପିକା ଓ କର୍ମଚାରୀଗଣ ଉପସ୍ଥିତ ଥିଲେ ।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ