ବିଦ୍ୟୁତ ଟ୍ରାନ୍ସଫରମ ଉପରେ ଚଢି ଆତ୍ମହତ୍ୟା କଲେ ଯୁବକ

ଛତ୍ରପୁର,(ଓ୍ବାଇଏନଏସ):  ଚିକିତ୍ସା ପାଇଁ ଆସି ରାତିରେ ଚାଲି ଚାଲି ଯାଇ ବିଦ୍ୟୁତ ଟ୍ରାନ୍ସଫରମ ଉପରେ ଚଢି ଆତ୍ମହତ୍ୟା କଲେ ଯୁବକ । ମୃତ୍ୟୁ ଯୁବକ ଜଣକ ହେଲେ ଗଞ୍ଜାମ ଥାନା ଅଧିନ ଖଟିଆରାମଚନ୍ଦ୍ରପୁର ଗ୍ରାମର ରବିନ୍ଦ୍ର ଦାସ । ସୂଚନା ଥାଉକି ଗତକାଲି ରାତ୍ରରେ ଛତ୍ରପୁର ମେଡିକାଲକୁ ରବିନ୍ଦ୍ର ଚିକିତ୍ସା ପାଇଁ ଆସିଥିଲେ । ତାଙ୍କ ସହ ତାଙ୍କ ମା ମହାଲି ଦାସ ଓ ସ୍ତ୍ରୀ ମାମି ଦାସ ମଧ୍ୟ ଉପସ୍ଥିତ ଥିଲେ । ଏପରିକି ଡାକ୍ତର ଙ୍କ ଚିକିତ୍ସା ପରେ ଓା୍ୱର୍ଡ ମଧ୍ୟ ଚିକିତ୍ସା ପାଇଁ ଭର୍ତି ହୋଇଥିଲେ । ବିଳମ୍ବିତ ରାତ୍ରରେ ସେ ଲୁଚି ଚାଲି ଚାଲି ବ୍ୟାରେକ ସାହି ନିକଟରେ ଥିବା ବିଦ୍ୟୁତ ଟ୍ରାନ୍ସଫରମ ପାଚେରି ଉପରେ ଚଢି ଆତ୍ମହତ୍ୟା କରିଥିଲେ । ବିଦ୍ୟୁତ ଆଘାତ ସେ ସେଠାରେ ହିଁ ଲାଗି ରହିଯାଇଥିଲେ । ସେ ଚାଲି ଚାଲି ଆସିବା ବେଳେ ତାଙ୍କ ସ୍ତ୍ରୀ ଓ ମା ମଧ୍ୟ ପିଛା କରିଥିବା ବେଳେ ତାଙ୍କୁ ଏହି ଆତ୍ମହତ୍ୟାରୁ ଉଦ୍ଧାର କରିପାରିନଥିଲେ । ଏପରିକି ସେହି ଅଚଂଳର ଦିର୍ଘ ସମୟ ପ୍ରର୍ଯ୍ୟନ୍ତ ବିଦ୍ୟୁତ ମଧ୍ୟ ବନ୍ଦ ହୋଇଯାଇଥିଲା । ଘଟଣାର ଖବର ପାଇଁ ଛତ୍ରପୁର ପୁଲିସ,ଅଗ୍ନିଶ୍ରମ ବିଭାଗ ଓ ବିଦ୍ୟୁତ ବିଭାଗ କର୍ମଚାରୀ ପହଂଚିଥିଲେ । ସେଠାରୁ ଅଗ୍ନିଶ୍ରମ ବିଭାଗ ଉଦ୍ଧାର କରିଥିବା ବେଳେ ପୁଲିସ ଶବକୁ ଜବତ କରିବା ସହ ଏକ ଅପମୃତ୍ୟୁ ମାମଲା ୨୯/୨୫ ରୁଜୁ କରିଥିଲା । ରବିନ୍ଦ୍ର ଜଣେ ମିସ୍ତ୍ରୀ ଭାବେ କାର୍ଯ୍ୟ କରୁଥିବା ବେଳେ ତାଙ୍କରି ମୁଣ୍ଡ ଦୋଷ ରହିଥିବା ପରିବାର ପକ୍ଷରୁ କୁହାଯାଇଛି । ଛତ୍ରପୁର ମେଡିକାଲ ସ୍ଥାନୀୟ ବିଧାୟକ କୃଷ୍ଣଚନ୍ଦ୍ର ନାୟକ ପହଂଚି ପରିବାରକୁ ସମାବେଦନା ଜଣାଇଥିଲେ ।  ରେଡକ୍ରସରୁ ପରିବାରକୁ ୩୦ ହଜାର ଟଙ୍କା ସହୟତା ପ୍ରଦାନ କରାଯାଇଥିଲା ।