ଆଦିବାସୀ କଂଗ୍ରେସ ସାମାଜିକ ଗଣମାଧ୍ୟମ ରାଜ୍ୟ ସଂଯୋଜକ ହେଲେ ଯୁବନେତା ରଘୁନାଥ ମୁର୍ମୁ

ବେତନଟୀ ( ଉଦିତ କୁମାର ପରିଡା )  : ଓଡ଼ିଶା ପ୍ରଦେଶ ଆଦିବାସୀ କଂଗ୍ରେସର ସାମାଜିକ ଗଣମାଧ୍ୟମର ରାଜ୍ୟ ସଂଯୋଜକ ଭାବେ ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକର ଯୁବ କଂଗ୍ରେସ ନେତା ରଘୁନାଥ ମୁର୍ମୁଙ୍କୁ ନିଯୁକ୍ତି ଦିଆଯାଇଯାଇଛି। ସେ ସ୍ଥାନୀୟ ଅଞ୍ଚଳର ଜଣେ ଦକ୍ଷ ଓ ରାଜନୈତିକ ଯୁବ ସଂଗଠକ। ତାଙ୍କ କାର୍ଯ୍ୟାଦକ୍ଷତାକୁ ଦେଖି ତାଙ୍କୁ ଏହି ପଦ ଦିଆଯାଇଥିବା ସୂଚନା ମିଳିଛି। ଏନେଇ ସେ ଅଖିଳ ଭାରତ କଂଗ୍ରେସ କମିଟିର ଅଧ୍ୟକ୍ଷ ଶ୍ରୀ ମଲ୍ଲିକାର୍ଜୁନ ଖଡଗେଜୀ, ବିରୋଧୀ ଦଳ ନେତା ତଥା ଜନନାୟକ ରାହୁଲ ଗାନ୍ଧୀ, ଅଖିଳ ଭାରତ  ଆଦିବାସୀ କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ଡ଼ଃ ବିକ୍ରାନ୍ତ ଭୁରିଆ, ଓଡ଼ିଶା ପ୍ରଦେଶ ଆଦିବାସୀ କଂଗ୍ରେସ ଅଧ୍ୟକ୍ଷ ଶ୍ରୀ ଯଶୋବନ୍ତ ନାରାୟଣ ଲାଗୁରି, ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ଭକ୍ତ ଚରଣ ଦାସ, ମୟୂରଭଞ୍ଜ ଜିଲ୍ଲା ସଂଯୋଜକ ଅରବିନ୍ଦ ଦାସ, ବେତନଟୀ ବ୍ଲକ ସଭାପତି କୁଶଧର ବେହେରାଙ୍କ ସମେତ ବେତନଟୀ ବ୍ଲକର ସମସ୍ତ କର୍ମକର୍ତ୍ତାଙ୍କୁ ଧନ୍ୟବାଦ ଜଣାଇଛନ୍ତି।