କବି ସମ୍ରାଟ ଵିଦ୍ୟା ପୀଠର ପୁରାତନ ବିଦ୍ୟାର୍ଥୀଙ୍କ ବନ୍ଧୁମିଳନ

ଭଞ୍ଜନଗର,(ସନ୍ତୋଷ କୁମାର ଜେନା): ଗଞ୍ଜାମ ଜିଲ୍ଲାର ଭଞ୍ଜନଗର ନିକଟସ୍ଥ ବନବିହାର ଠାରେ କବି ସମ୍ରାଟ ବିଦ୍ୟା ପୀଠ (କୁଲାଡ଼ର) ର ୧୯୮୩ ବ୍ୟାଚର ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ବହୁ ସଂଖ୍ୟାରେ ପ୍ରାକ୍ତନ ସହପାଠୀ ତଥା ସେମାନଙ୍କ ପରିବାର ଯୋଗ ଦେଇଥିଲେ । ପ୍ରତାପ ଚନ୍ଦ୍ର ମିଶ୍ରଙ୍କ ଆବାହକତ୍ୱରେ ଅନୁଷ୍ଠିତ କାର୍ଯ୍ୟକ୍ରମ ପ୍ରାରମ୍ଭରେ ସ୍ଵର୍ଗାରୋହଣ କରିଥିବା ବନ୍ଧୁ ମାନଙ୍କ ସୃତି ଚାରଣ ସହିତ ୨ ମିନଟ ନୀରବ ପ୍ରାର୍ଥନା କରାଯାଇ ଶ୍ରଦ୍ଧାସୁମନ ଅର୍ପଣ କରାଯାଇଥିଲା। “ଆର୍ଟ ଏଫ ଲିଭିଂ” ର ଯୋଗ ଶିକ୍ଷକ ବ୍ରିଜେଶ ପତିଯୋଗ ଶିକ୍ଷା ଜରିଆରେ ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିବା ସହିତ ବିଭିନ୍ନ ସାଂସ୍କୃତିକ ତଥା ଖେଳ କାର୍ଯ୍ୟକ୍ରମକୁ ପରିଚାଳନା କରିଥିଲେ। ବହୁଦିନ ପରେ ସହପାଠୀ ତଥା ସେମାନଙ୍କର ପରିବାର ତୃତୀୟ ଥର ପାଇଁ ଏକାଠି ହୋଇ ପୁରୁଣା ସ୍ମୃତିକୁ ମନେକାଇବା ସହ ଭାବର ଆଦନ ପ୍ରଦାନ କରିଥିଲେ। କାର୍ଯ୍ୟକ୍ରମରେ ଆନନ୍ଦ ରାଓ ପାତ୍ର, ଶ୍ରୀକାନ୍ତ ମିଶ୍ର, ପ୍ରଶାନ୍ତ କୁମାର ଆଚାରୀ ଓ ଶ୍ରୀ ସୁଦର୍ଶନ ପଣ୍ଡା ସହ ଯୋଗ କରିଥିଲେ। ସୁବ୍ରତ କୁମାର ଆଚାର୍ଯ୍ୟ ଧନ୍ୟବାଦ ଦେଇଥିଲେ।