ଜାତୀୟସ୍ତରୀୟ କ୍ରୀଡାରେ ବ୍ରୋଞ୍ଜ ପଦକ ହାସଲ କଲେ ନୂଆରମ୍ପାସର ଶ୍ରେୟାସ ଜେନା
ହାଟଡିହି, (ବିକାଶ ବିଶ୍ୱାଳ):କେନ୍ଦୁଝର ଜିଲ୍ଲା ହାଟଡିହି ବ୍ଲକ ନୂଆରମ୍ପାସ ଗ୍ରାମର ଶଶିକାନ୍ତ ଜେନା ଓ ଗାୟତ୍ରୀ ଚକ୍ରଙ୍କ ପୁତ୍ର ଜାତୀୟ ପେନ୍କାକ ସିଲାଟ ଚାମ୍ପିଅନସିପ ୨୦୨୪-୨୫ (କନିଷ୍ଠ) ବିଭାଗରେ ଓଡିଶା ଦଳ ପକ୍ଷରୁ ପ୍ରତିନିଧିତ୍ୱ କରି ବ୍ରୋଞ୍ଜ ପଦକ ହାସଲ କରିଛନ୍ତି । ଶ୍ରୀମାନ ଜେନା ଆଗରୁ ଜିଲ୍ଲା ସ୍ତରୀୟ ପେନକାକ ସିଲାଟ ଚାମ୍ପିଅନସିପ ଖେଳି ୪ଗୋଟି ସ୍ଵର୍ଣ୍ଣ ପଦକ ହାସଲ କରିଛନ୍ତି । ତାଙ୍କର ପ୍ରଶିକ୍ଷକ ସୌମ୍ୟରଞ୍ଜନ ନାୟକ ଥିବାବେଳେ ସେ କେନ୍ଦ୍ରୀୟ ବିଦ୍ୟାଳୟ ଆନନ୍ଦପୁର ଠାରେ ଅଷ୍ଟମଶ୍ରେଣୀରେ ଅଧ୍ୟୟନ କରୁଛନ୍ତି । ଏହି କାର୍ଯ୍ୟକ୍ରମଟି ନଭେମ୍ବର ୧୬ରୁ ୧୮ ପର୍ଯ୍ୟନ୍ତ କାଶ୍ମୀର ଇନଡୋର କ୍ରୀଡାଙ୍ଗନ, ଶ୍ରୀନଗର (ଜାମୁ କାଶ୍ମୀର) ରେ ଅନୁଷ୍ଠିତ ହୋଇଥିଲା । ଏହା ଭାରତ ସରକାରଙ୍କ ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରଣାଳୟ ଦ୍ୱାରା ଆୟୋଜିତ ହୋଇଥିଲା। ଛୋଟ ବୟସରୁ ତାଙ୍କର ଏଭଳି ସଫଳତା ପାଇଁ ସେ ଇଶ୍ବରଙ୍କ ସହ ତାଙ୍କର ବାପା , ମା ,ଗୁରୁଜନ ଓ ପ୍ରଶିକ୍ଷକଙ୍କୁ କୃତଜ୍ଞତା ଜଣାଇଛନ୍ତି । ଓଡ଼ିଶା ସରକାରଙ୍କ କ୍ରୀଡ଼ା ଓ ଯୁବସେବା ବିଭାଗ ପକ୍ଷରୁ ତାଙ୍କୁ ଶୁଭେଛା ଜଣାଯିବା ସହ ତାଙ୍କ ବିଦ୍ୟାଳୟର ଶିକ୍ଷକ ମନୋରଞ୍ଜନ ଭଞ୍ଜ ଓ ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛା ଜଣାଯାଇଛି । ତାଙ୍କ ସଫଳତାରେ ସ୍ଥାନୀୟ ଅଞ୍ଚଳରେ ଆନନ୍ଦର ଲହରୀ ଖେଳିଯାଇଛି।
