ବନକଲାଗି ସେବା

ଆସ ଦତ୍ତ ମହାପାତ୍ରେ
ଆଜି ବୁଧବାର
ବନକଲାଗି ହୋଇବେ
କାଳିଆ ଠାକୁର ।

ମାସକରେ ଦୁଇ ଥର
ବୁଧ ଗୁରୁବାରେ,
ଶ୍ରୀମୁଖ ଶୃଙ୍ଗାର ହେବେ
ଚାରୋଟି ରଙ୍ଗରେ ।

ଧଳା ହଳଦିଆ କଳା
ନାଲି ରଙ୍ଗ ନେଇ,
ଝୁଣା କର୍ପୁର କେଶର
କସ୍ତୁରୀ ମିଶାଇ ।

ରାସାୟନିକ ନ ଆଣି
ପ୍ରାକୃତିକ ରଙ୍ଗେ,
ବନ ସମୁଦ୍ରୁ ସଂଗ୍ରହ
ବୈଦିକର ମାର୍ଗେ ।

ଶଙ୍ଖ ଚୂର୍ଣ୍ଣେ ଧଳାରଙ୍ଗ
ନାଲି ହିଙ୍ଗୁଳରୁ,
ହଳଦିଆ ହରିତାଳୁ
କଳାକୁ ଦୀପରୁ।

ଏହା ସାଥେ ମିଶାଇବ
କର୍ପୂର କେଶର,
ଝୁଣା ସହିତ କସ୍ତୁରୀ
ତ୍ତ୍ବରା ଶ୍ରୀମୁଖର ।

ଗୁପ୍ତ ନୀତି ମାର୍ଗେ ଯାଇ
ରତ୍ନସିଂହାସନେ,
ଚତୁର୍ଦ୍ଧାମୂର୍ତ୍ତି ଶ୍ରୀଅଙ୍ଗେ
ପ୍ରଲେପ ସଜତ୍ନେ ।

ଶ୍ରୀମୁଖ ଝଲସୀ ଉଠେ
ବିନା ଅଳଙ୍କାରେ,
ବିଜେ କରିବେ ମଣିମା
ଲକ୍ଷ୍ମୀଅନ୍ତ ପୁରେ ।

ଏହି ଆମ ବେଶ ପ୍ରିୟ
ଜଗନ୍ନାଥଙ୍କର,
ତାଙ୍କ ନୀତି ଆପଣଉ
ଗଲେ ବନ୍ଧୁଘର ।

ଗଦାଧର ସାହୁ,
କଙ୍କଡ଼ାଦ୍ଵୀପ, ବ୍ରହ୍ମଗିରି,ପୁରୀ