ବରିଷ୍ଠ ସାମ୍ବାଦିକଙ୍କ ଦେହାନ୍ତ

ନବରଙ୍ଗପୁର,(ୱା ଏନ ଏସ):ନବରଙ୍ଗପୁର ସଦର ମହକୁମାରେ ଓଡିଶା ଭାସ୍କର ଖବର କାଗଜରେ କାର୍ଯ୍ୟରତ ଜିଲ୍ଲା ପ୍ରତିନିଧ ତଥା ପୂର୍ବତନ କାଉନସିଲର ରଞ୍ଜନ କୁମାର ପଟ୍ଟନାୟକଙ୍କ ୫୮ ବର୍ଷ ବୟସରେ ପରଲୋକ ଘଟିଛି । ଶନିବାର ରାତ୍ର ସାଢେ ୧୦ ଘଣ୍ଟା ସମୟରେ ଗାଦବାଗୁଡା ସ୍ଥିତ ତାଙ୍କ ବାସ ଭବନ ଠାରେ ସେ ଶେଷ ନିଶ୍ବାସ ତ୍ୟାଗ କରିଥିଲେ । ସେ ଦୀର୍ଘ ବର୍ଷ ଧରି କ୍ୟାନସର ରୋଗରେ ପୀଡିତ ଥିବା ସତ୍ତ୍ୱେ ଦକ୍ଷତାର ସହ ସାମ୍ବାଦିକତା କରି ସୁନାମ ଅର୍ଜନ କରିଥିଲେ ।ସେ ଜଣେ ପରୋପକାରୀ ଓ ସମାଜସେବା ପାଇଁ ନବରଙ୍ଗପୁର ରେ ଚର୍ଚ୍ଚିତ ଚେହାରା ଥିଲେ। ସେଭଳି ସ୍ବର୍ଗତ ରଞ୍ଜନ ଓ ଜେ ୟୁ ସାମ୍ବାଦିକ ସଂଘର ରାଜ୍ୟ କାର୍ଯ୍ୟକାରୀଣି ସଦସ୍ୟ ଭାବେ ଦାୟିତ୍ଵ ନିର୍ବାହ କରୁଥିଲେ। ତାଙ୍କ ଶେଷ ଦର୍ଶନ ପାଈଁ ପୂର୍ବତନ ମନ୍ତ୍ରୀ ଡମ୍ବୁରୂ ମାଝୀ, ନବରଙ୍ଗପୁର ବିଧାୟକ ଗୋରୀ ଶଙ୍କର ମାଝୀ, ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ମଞ୍ଜୁଳା ମାଝୀ, ପୂର୍ବତନ ପୌର ପରିଷଦ ଅଧ୍ୟକ୍ଷ ଅର୍ଜୁନ ତ୍ରୀପାଠୀଙ୍କ ସମେତ ଜିଲ୍ଲାର ଓ ବିଭିନ୍ନ ବ୍ଲକର ସାମ୍ବାଦିକ , ବୁଦ୍ଧିଜୀବୀ ପ୍ରମୁଖ ଉପସ୍ଥିତ ରହିଥିଲେ। ତାଙ୍କ ଶେଷ କୃତ୍ୟ ସ୍ଥାନୀୟ ଛତ୍ରବଟ୍ଟ ଶ୍ମଶାନରେ ଅନୁଷ୍ଠିତ ହୋଇଥିଲା।