ମହିଳାଙ୍କ ସନ୍ଦେହଜନକ ମୃତ୍ୟୁ

ଯୋଡ଼ା,(ସମୀର କୁମାର ଦାସ):କେନ୍ଦୁଝର ଜିଲା ଯୋଡ଼ା ସହରର କୁନ୍ଦୁରୁନାଲା ଠାରେ ଜଣେ ବିବାହିତା ମହିଳାଙ୍କ ସନ୍ଦେହଜନକ ମୃତ୍ୟୁ ଘଟିଥିବା ଜଣାପଡ଼ିଛି ଖବର ନେବାରୁ ଜଣାପଡ଼ିଛି ଯେ,କୁନ୍ଦୁରୁନାଲା ରେ ରହୁଥିବା ଅନାଦି ପାତ୍ରଙ୍କ ସ୍ତ୍ରୀ ସୁନୀତା ପାତ(୩୫)ଙ୍କୁ  ବୁଧବାର ସକାଳ ୧୦ଟା ସମୟରେ ପରିବାର ଲୋକେ ଯୋଡ଼ାସ୍ଥିତ ଟାଟାଷ୍ଟିଲ ଡ଼ାକ୍ତରଖାନାକୁ ନେଇଥିଲେ ହେଁ ତାଙ୍କର ମୃତ୍ୟୁ ହୋଇଥିବାରୁ ଡ଼ାକ୍ତର ଯୋଡ଼ା ପୋଲିସକୁ ଖବର ଦେଇଥିଲେ ।ପୋଲିସ ଡ଼ାକ୍ତରଖାନା ପହଁଚି ମୃତ ଦେହକୁ ଜବତ କରି ଏକ ଅପମୃତ୍ୟୁ ମାମଲା ନଂ୩୭/୨୦୨୦ରୁଜୁ କରି ଶବ ବ୍ୟବଛେଦ ପାଇଁ ପଠାଇଥିଲା । ତେବେ ମହିଳାଙ୍କ ବେକରେ ଓ ଶରୀରରେ କ୍ଷତ ଚିହ୍ନ ରହିଥିବାରୁ ଏବଂ ସୁନୀତାଙ୍କୁ ତାଙ୍କ ପରିବାର ଲୋକେ ନିର୍ଯ୍ୟାତନା ଦେଉଥିବାରୁ ସେ ଅତିଷ୍ଠ ହୋଇ ଆତ୍ମହତ୍ୟା କରିଛି ବୋଲି ସ୍ଥାନୀୟ ଅଂଚଳରେ ଚର୍ଚ୍ଚା ହେଉଥିବାବେଳେ କେହି କେହି ଏହାକୁ ସୁପରିକଳ୍ପିତ ହତ୍ୟାକାଣ୍ଡ ବୋଲି କହୁଥିବା ଜଣାପଡ଼ିଛି ।ଘଟଣାସ୍ଥଳରେ ପୋଲିସ ପହଁଚି ଥିଲେ ହେଁ ତଦନ୍ତ ବେଳେ କୌଣସି ମହିଳା ପୋଲିସ ଉପସ୍ଥିତ ନ ଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି ।