ସଡକ ଦୁର୍ଘଟଣାରେ ମୁତ୍ଯୁ ଯୁବକ

ବୁଗୁଡା, ୪/୧୧(ଅନିଲ କୁମାର ମହାରଣା): ଗଞ୍ଜାମ ପୋଲିସ ଜିଲ୍ଲା, ବୁଗୁଡା ଥାନା ଅନ୍ତର୍ଗତ ନଗୁଡୁ ନିକଟସ୍ଥ କୁଣ୍ଡାଖାଇ ପାହାଡ଼ର ବଡପଥର ଛକ ନିକଟରେ ଏକ ବାଇକ୍ ଦୁର୍ଘଟଣାରେ ବାଇକ୍ ଚାଳକଙ୍କ ମୁତ୍ଯୁ ଘଟିଥିବା ଜଣାପଡିଛି। ମୃତକ ଜଣକ ହେଲେ ଜଗନ୍ନାଥପ୍ରସାଦ ପୋଲିସ ଥାନା ଅନ୍ତର୍ଗତ ଜାମଗଡା ଗ୍ରାମର ରଞ୍ଜିତ ବିଶ୍ବାଳ। ସୁଚନା ମୁତାବକ ରଞ୍ଜିତ ନିଜ ଗ୍ରାମ ଜାମଗଡାରୁ ନଭେମ୍ବର ୩ ତାରିଖ ସନ୍ଧ୍ୟାରେ ବାହାରି ବିରଞ୍ଚିପୁର ଶ୍ବଶୁର ଘରକୁ ଆସୁଥିବା ବେଳେ କୌଣସି କାରଣ ଯୋଗୁଁ ନଗୁଡୁ ନିକଟସ୍ଥ ବଡପଥର ଛକ ନିକଟରେ ଏକ ଗଛ ବୁଦା ମୂଳେ ବାଇକ ସହ ପଡିଥିଲେ। ନଭେମ୍ବର ୪ ତାରିଖ ସକାଳେ ମଣିଙ୍ଗ୍ ୱାକରେ ଆସୁଥିବା କିଛି ଲୋକେ ଜଣେ ଯୁବକଙ୍କ ଉପରେ ବାଇକ୍ ଚାପିହୋଇ ପଡିରହିଥିବା ଦେଖି ବୁଗୁଡା ଥାନାକୁ ଖବର ଦେଇଥିଲେ। ଖବର ପାଇ ବୁଗୁଡା ଅଗ୍ନିଶମ ବାହିନୀ ଓ ବୁଗୁଡା ପୋଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ଗ୍ରସ୍ତ ଯୁବକଙ୍କୁ ଉଦ୍ଧାର କରି ବୁଗୁଡା ମେଡିକାଲକୁ ଆଣିଥିଲେ। ମେଡିକାଲରେ ଡାକ୍ତର ରଞ୍ଜିତ ବିଶ୍ଵାଳଙ୍କୁ ମୁତ୍ଯୁ ଘୋଷଣା କରିଥିଲେ। ପୋଲିସ ମର ଶରୀର ଜବତ କରିବା ସହ ପରିବାର ଲୋକଙ୍କ ଅଭିଯୋଗ ପ୍ରକାରେ ବୁଗୁଡା ଥାନା କେଶ ନଂ ୫୦୪/୨୪ ପ୍ରକାରେ ଏକ ମାମଲା ରୁଜ୍ଜୁ କରି ଶବ ବ୍ୟବଚ୍ଛେଦ ପାଇଁ ପଠାଇ ଅନୁସନ୍ଧାନ ଜାରି ରଖିଛନ୍ତି।