ହଦଗଡ଼ ହସ୍ତୀ ଅରାୟରଣ୍ୟ ମଧ୍ୟରେ ଦୁଇଜଣ ଶୀକାରୀଙ୍କୁ ଗିରଫ କଲା ବନ ବିଭାଗ

ହାଟଡିହି, (ବିକାଶ ବିଶ୍ୱାଳ):ହଦଗଡ଼ ହସ୍ତୀ ଅରାୟରଣ୍ୟ ମଧ୍ୟରେ ଦୁଇଜଣ ଶୀକାରୀଙ୍କୁ ଗିରଫ କରିଛି ବନ ବିଭାଗ। ସେମାନଙ୍କ ନିକଟରୁ ଦୁଇଟି ଦେଶୀ ବନ୍ଧୁକ, ଗୁଳି ଓ ଧନୁତୀର ଜବଦ କରିବା ସହିତ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି। ସୁଚ଼ନା ଅନୁଯାୟୀ ହାଟଡିହି ବ୍ଲକ ହଦଗଡ଼ ପଞ୍ଚାୟତ ଦଲକି ଗ୍ରାମର ନିର୍ବାଶ ହୋ ଏବଂ ତୁରାମ ହୋ ନାମକ ଦୁଇଜଣ ବ୍ୟକ୍ତି ଗତ ୨୬ ତାରିଖ ରାତି ୧୧ଟା ୧୫ ମିନିଟ ସମୟରେ ହସ୍ତୀ ଅରାୟରଣ୍ୟର ଘଞ୍ଚ ଜଂଗଲ ମଧ୍ୟରେ ବୁଲୁଥିଲେ । ଏହାକୁ ଦେଖି ବନ କର୍ମଚାରୀ ମାନେ ତାଙ୍କୁ ଅଟକ ରଖି ପଚ଼ରା ଉଚୁରା କରିବାରୁ ତାଙ୍କ ନିକଟରୁ ଦୁଇଟି ଦେଶୀ ବନ୍ଧୁକ, ଅଫୁଟା ଗୁଳି ଓ ଧନୁତୀର ବାହାରିଥିଲା। ସେମାନେ ଜଂଗଲ ଭିତରେ ପଶୁ ପକ୍ଷୀ ଶୀକାର ଉଦ୍ଦେଶ୍ୟରେ ଥିଲେ ବୋଲି ଜାଣିବା ପରେ ବନବିଭାଗ ସେମାନଙ୍କୁ ଗିରଫ କରିବା ସହିତ ଆଜି କୋର୍ଟ ଚାଲାଣ କରିଥିବା ରେଞ୍ଜରମାର୍ସଲକିସ୍କୁ ସୁଚ଼ନା ଦେଇଛନ୍ତି।