ଅଜଣା ଗାଡ଼ି ଧକ୍କାରେ ମୃତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା ): ଗଜପତି ଜିଲ୍ଲା ସେରଙ୍ଗ ଥାନା ଅନ୍ତର୍ଗତ ଏସ ବାରାଙ୍ଗସିଂ ଛକ ଠାରେ ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି।ମୃତ୍ୟୁକ ବ୍ୟକ୍ତି ଜଣଙ୍କ ମୁନୁସିଂ ଗ୍ରାମର ଅବୟ ନାୟିକା(୩୪)।କୌଣସି ଗୁରୁତ୍ତ୍ୱପୂର୍ଣ୍ଣ କାମରେ ଅବୟ ଗୁମ୍ମା ଯାଉଥିବା ବେଳେ ଏକ ଅଜଣା ଗାଡ଼ି ଧକ୍କା ଦେଇ ଫେରାର ହୋଇ ଚାଲିଯାଇଥିବା ଜଣାପଡ଼ିଛି।ସ୍ଥାନୀୟ ଲୋକମାନେ ଏକ ଅଟୋ ସାହାଯ୍ୟରେ ତାଙ୍କୁ ଗୁମ୍ମା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରକୁ ନେଇଥିଲେ।ଗୁମ୍ମା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଠାରେ ଅଭୟଙ୍କ ମୃତ୍ୟୁ ହୋଇଥିବା ଡ଼ଃ ଶିଶୁ ସୌରଭ କହିଥିଲେ। ଖବର ପାଇବା ପରେ ସେରଙ୍ଗ ଥାନା ଅଧିକାରୀଣୀ ନଳିନୀ କହଁର ପହଞ୍ଚି ଅପମୃତ୍ୟୁ ମାମଲା ରୁଜୁ କରି ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟରେ ଶବ ବେବଛେଦ ପାଇଁ ପଠେଇ ଦେଈଛନ୍ତି। ଘଟଣା ସମ୍ପର୍କରେ ଅଥିକ ତଦନ୍ତ କରାଯିବ ବୋଲି ଜଣାପଡିଛି। ଏନେଇ ମୁନୁସିଂ ଗ୍ରାମରେ ଶୋକକଳ ପରିବେଶ ଦେଖିବାକୁ ମିଳିଛି।