ଅଟୋ ଧକ୍କାରେ ବାଇକ ଚୁରମାର ଦୁଇ ମୃତ

ଦିଗପହଣ୍ଡି,(ଅଳକ ନାଥ ମିଶ୍ର):ଦିଗପହଣ୍ଡି ବ୍ଲକ ବି. ତୁରୁବୁଡ଼ିି ପଞ୍ଚାୟତ କାଣ୍ଡେଶ୍ୱର ଗାଁ ଦଳିତ ସାହି ଛକରେ ଯାତ୍ରୀବାହୀ ଅଟୋ (ନଂ. ଓଡ଼ି ୦୭ ଏଫ୍ -୩୯୦୩) ଶନିବାର ମଧ୍ୟାହ୍ନ ପ୍ରାୟ ୧୨ ଟାରେ ଏକ ବାଇକ (ନଂ.ଓ ଆର ୦୭ ୱାଇ -୩୮୫୯) କୁ ଧକ୍କା ଦେବାରୁ ଜଣେ ବୃଦ୍ଧା ଙ୍କ ସମେତ ବାଇକ ଚାଳକ ମୃତ୍ୟୁବରଣ କରିଛନ୍ତି।ମୃତକ ଦ୍ବୟ ହେଲେ କାଣ୍ଡେଶ୍ୱର ଗାଁ ର ବାଇକ ଚାଳକ ସିମାଞ୍ଚଳ ରେଡ୍ଡୀ ଏବଂ ବୃଦ୍ଧା କୁନ୍ତି ଗୌଡ଼। ଦୁର୍ଘଟଣା ପରେ ଗୁରୁତର ଦ୍ବୟ ଙ୍କୁ ଚେତାଶୂନ୍ୟ ଅବସ୍ଥାରେ ଦିଗପହଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଭର୍ତ୍ତି କରାଯାଇଥିଲା।ସେଠାରେ ଉପସ୍ଥିତ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ।ଖବରପାଇ ଦିଗପହଣ୍ଡି ପୋଲିସ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ପହଞ୍ଚି ମୃତଦେହ ୨ ଟିକୁ ଜବତ କରି ମକଦ୍ଦମା ରୁଜୁ କରିବାସହ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ଼ ଡାକ୍ତରଖାନା କୁ ପଠାଇଥିଲେ।ବ୍ୟବଚ୍ଛେଦ ପରେ ମୃତଦେହ ୨ ଟିକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା।ଗାଁ ଶ୍ମଶାନରେ ସେମାନଙ୍କ ବନ୍ଧୁବର୍ଗ ଙ୍କ ଉପସ୍ଥିତି ରେ ଅନ୍ତିମ ସଂସ୍କାର କରାଯାଇଛି। ସକାଳେ ମା ‘ ବାଙ୍କେଶ୍ଵରୀ ଙ୍କ ଦର୍ଶନ ସାରି ଯାତ୍ରୀବାହୀ ଅଟୋ ରେ କିଛି ଶ୍ରଦ୍ଧାଳୁ ବ୍ରହ୍ମପୁର ଫେରୁଥିବା ବେଳେ ଚାଷଜମି ରେ ମୋଟର ଯୋଗେ ପାଣି ମଡାଇ ବାକୁ ସିମାଞ୍ଚଳ ଓ ତାଙ୍କ ଗାଁ ର ବୃଦ୍ଧା କୁନ୍ତିି ବାଇକ ଯୋଗେ ଯାଉଥିବା ବେଳେ ବିପରୀତ ଦିଗରୁ ଦୃତଗତି ରେ ଆସୁଥିବା ଅଟୋ ଟି ନିୟନ୍ତ୍ରଣ ହରାଇ ବାଇକ କୁ ଧକ୍କା ଦେଇଥିଲା। ଅଟୋ ଧକ୍କାରେ ବାଇକ ଟି ଚୁରମାର ହୋଇଯାଇଥିଲା। ଉଭୟେ ବାଇକ ସହ ରାସ୍ତାରେ କଚାଡ଼ି ହୋଇ ପଡ଼ିଥିଲେ।ଆଖପାଖ ରେ ଥିବା କେତେକ ଗ୍ରାମବାସୀ ଉଭୟଙ୍କୁ ସଙ୍କଟାପନ୍ନ ଅବସ୍ଥାରେ ଉଦ୍ଧାର କରି ଦିଗପହଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଭର୍ତ୍ତି କରିଥିଲେ।