ଅଦିନିଆ ବର୍ଷା ଧୋଇଦେଲା ଚାଷୀ କୁଳର ମେରୁଦଣ୍ଡ

କୁକୁଡାଖଣ୍ଡି,(ବିଭୁ ନନ୍ଦନ ପଣ୍ଡା): ଦୁଇଦିନ ଧରି ଲାଗିଥିବା ଲଘୁଚାପ ବର୍ଷାରେ ଗଞ୍ଜାମ ଜିଲ୍ଲାର ବହୁ ଅଂଚଳ ଧାନ ଫସଲ ନଷ୍ଟ ହୋଇ ଯାଇଥିବା ଦେଖିବାକୁ ମିଳିଛି । ଚାଷୀମାନେ ଧାନ କାଟି ଅମଳ ନ କରିପାରି ବିଲରେ କଳେଇ ପଡିଛି। କୁକୁଡାଖଣ୍ଡି ବ୍ଲକର ଅନ୍ତର ପ୍ରାୟ ସମସ୍ତ ଗ୍ରାମରେ ଏପରି ଅବସ୍ଥା ଦେଖିବାକୁ ମିଳିଛି, ଧାନ କିଆରୀରେ ବର୍ଷା ପାଣି ଭରି ହୋଇ ରହିଛି । ଯେଉଁମାନେ ବିଲରେ ଧାନ ଗଦା କରି ପାଲ ଘୋଡେଇ ରଖିଛନ୍ତି ସେଠାରେ ମଧ୍ୟ ତଳପଟୁ ପାଣି ପସିଯାଇଥିବା ନଜର ରହିଛି । ଏହି ସ୍ଥିତିରେ ଚାଷୀମାନଙ୍କ ଦୁଃଖ କହିଲେ ନ ସରେ । ସରକାର ଏଥିପ୍ରତି ଦୃଷ୍ଟି ଦେଇ ଆବଶ୍ୟକ ସହାୟତା ଯୋଗାଇଦେବା ପାଇଁ ସାଧାରଣରେ ଦାବି କରାଯାଇଛି.