ଅଧ୍ୟାପକ ଅମରେନ୍ଦ୍ର ପଣ୍ଡାଙ୍କ ଅବସର କାଳୀନ ସମ୍ବର୍ଦ୍ଧନା

ଆରଡି, (ଆଲୋକ ଚନ୍ଦ୍ର ନାୟକ):ଆଖଣ୍ଡଳମଣି ଉଚ୍ଚ ମାଧ୍ୟମିକ ବିଦ୍ୟାଳୟ, ପାଳସାହି, ବେତାଳିଗାଁ,ଭଦ୍ରକର ଓଡ଼ିଆ ବିଭାଗ ମୁଖ୍ୟ ଅଧ୍ୟାପକ ଅମରେନ୍ଦ୍ର ପଣ୍ଡାଙ୍କ ଅବସର କାଳୀନ ସମ୍ବର୍ଦ୍ଧନା ସଭା ଶନିବାର ଅନୁଷ୍ଠିତ ହୋଇ ଯାଇଛି । ଉକ୍ତ ଅନୁଷ୍ଠାନର ଅଧ୍ୟକ୍ଷ ନୀହାର ରଞ୍ଜନ କରଙ୍କ ପୌରୋହିତ୍ୟରେ ଅନୁଷ୍ଠିତ ଏହି ସଭାରେ ପୂର୍ବତନ ଅଧ୍ୟକ୍ଷ ଡ. ରାଜେନ୍ଦ୍ର କୁମାର ହୋତା ମୁଖ୍ୟ ଅତିଥି, ଅଧ୍ୟାପକ ନିକୁଞ୍ଜ କିଶୋର ଜେନା ମୁଖ୍ୟ ବକ୍ତା,ବାବାମଣି ମହାବିଦ୍ୟାଳୟର ପରିଚାଳନା ସଭାପତି ତ୍ରିଲୋଚନ ଦାସ,ଅବସରପ୍ରାପ୍ତ ପ୍ରାଧ୍ୟାପକ ବିଜୟ କୁମାର ପରିଡ଼ା, ଅବସର ପ୍ରାପ୍ତ ଅଧ୍ୟାପକ ମାଧବ ଚନ୍ଦ୍ର ଜେନା, ଅଧ୍ୟାପକ ପ୍ରଶାନ୍ତ କୁମାର ନାୟକ, ଅଧ୍ୟାପକ ବିଜୟ କୁମାର ଦାଶ, ପୂର୍ବତନ ପରିଚାଳନା ସଭାପତି ବ୍ରଜେନ୍ଦ୍ର କୁମାର ମହାନ୍ତି, ପୂର୍ବତନ ସରପଞ୍ଚ ସୁଶାନ୍ତ କୁମାର ନାୟକ, ଧୂଷୁରୀ ପ୍ରେସ ୟୁନିୟନର ସଭାପତି ସନ୍ତୋଷ କୁମାର ଦାସ ଓ ସମ୍ପାଦକ ଦୀପ୍ତି ରଞ୍ଜନ ନାୟକ, ଶିକ୍ଷାବିତ ମୃତ୍ୟୁଞ୍ଜୟ ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଅଧ୍ୟାପକ ଅମରେନ୍ଦ୍ର ପଣ୍ଡା ସମ୍ବର୍ଦ୍ଧନା ସଭାରେ ଛାତ୍ରଛାତ୍ରୀ ଓ ଅନୁଷ୍ଠାନ ସହ ୩୫ ବର୍ଷର ସମ୍ପର୍କ ଆଜି ଛିନ୍ନ ହୋଇଗଲା ବୋଲି ଭାବ ବିହ୍ବଳ ହୋଇ କହିଥିଲେ । ଅଧ୍ୟାପିକା ଅଲିଭା ପ୍ରିୟଦର୍ଶିନୀ ଖିଲାର ଅତିଥି ପରିଚୟ, ଅଧ୍ୟାପିକା ପଦ୍ମିନୀ ନାୟକ ସ୍ଵାଗତ ଭାଷଣ ଓ ଅଧ୍ୟାପିକା ଇପ୍ସିତା ବେହେରା ଧନ୍ୟବାଦ ଅର୍ପଣ କରିଥିଲା ବେଳେ ଡେମୋନଷେ୍ଟର ମନମୋହନ ତ୍ରିପାଠୀ ବେଦ ପାଠ କରିଥିଲେ। ଅଧ୍ୟାପକ ପୂର୍ଣ୍ଣଚନ୍ଦ୍ର ପତି ଉତ୍ସବ ପରିଚାଳନା କରିଥିଲେ।