ଆଇନ୍ ଶିକ୍ଷାରେ ସସିତ୍ ବିଶ୍ୱ ବିଦ୍ୟାଳୟ ଟପ୍ର
ଛତ୍ରପୁର, (ଦେବଦତ୍ତ ମହାରଣା): ବ୍ରହ୍ମପୁର ବିଶ୍ୱ ବିଦ୍ୟାଳୟର ପାଞ୍ଚ ବର୍ଷିଆ ଆଇନ୍ ପାଠ୍ୟକ୍ରମର ଶେଷ ପରୀକ୍ଷା ଫଳାଫଳ ପ୍ରକାଶ ପାଇଛି । ସେଥିରେ ଗଞ୍ଜାମ ଆଇନ ମହାବିଦ୍ୟାଳୟର ଶେଷ ବର୍ଷର ଛାତ୍ର ତଥା ଛତ୍ରପୁର ଷ୍ଟେସନ ରୋଡ୍ ବାସିନ୍ଦା ସସିତ୍ କୁମାର ସାହୁ ସର୍ବମୋଟ ୬ ହଜାର ମାର୍କରୁ ୪୦୨୦ ମାର୍କ ରଖି ବିଶ୍ୱ ବିଦ୍ୟାଳୟ ଟପର ହୋଇଛନ୍ତି । ସସିତ୍ ଛତ୍ରପୁର ଅଞ୍ଚଳର ବରିଷ୍ଠ ଆଇନଜୀବୀ ତଥା ନୋଟାରୀ ସନ୍ତୋଷ କୁମାର ସାହୁ ଓ ସୁଦଷ୍ଣା ସାହୁଙ୍କ ପୁତ୍ର ଅଟନ୍ତି । ସେ ଛତ୍ରପୁର ସରସ୍ୱତୀ ଶିଶୁ ବିଦ୍ୟାମନ୍ଦିରର ପୂର୍ବତନ ମେଧାବୀ ଛାତ୍ର ଏବଂ ବହୁ ଜାତୀୟ ଓ ରାଜ୍ୟସ୍ତରୀୟ ପ୍ରତିଯୋଗିତାରେ ଭାଗ ନେଇ ସଫଳତା ହାସଲ କରିଛନ୍ତି । ନିଜର ଏହି ସଫଳତା ପାଇଁ ସେ ନିଜର ପିତାମାତା, ସାନ ଭାଇ ସଞ୍ଜିତ୍ ଓ ଗୁରୁଜୀ, ମହାବିଦ୍ୟାଳୟ ଅଧ୍ୟାପକ, ଅଧ୍ୟାପିକା ଏବଂ ସମସ୍ତ ବନ୍ଧୁଙ୍କୁ ଶ୍ରେୟ ଦେଇଛନ୍ତି ।
