ଆଇପିଏଲ ବ୍ୟାଟିଙ୍ଗ ୭ଜଣ ଗିରଫ

ପାରଳାଖେମୁଣ୍ଡି,-(ତାରିଣୀ ପ୍ରସାଦ ପଣ୍ଡା)-ପାରଳାଖେମୁଣ୍ଡି ସହରରେ କ୍ରିକେଟ ଆଇପିଏଲ ବ୍ୟାଟିଙ୍ଗ ଚାଲୁ ରହିଛି । ଏଥିନେଇ ପୋଲିସ ଗତ କିଛି ଦିନ ହେଲା ଏହାକୁ ରୋକିବା ପାଇଁ ବିଭିନ୍ନ ପଦକ୍ଷେପ ହାତକୁ ନେଇଛି । ଗତକାଲି ସଂଧ୍ୟାରେ ପାରଳାଖମେୁଣ୍ଡି ଠାରେ ଥିବା ପୁରାତନ ଓଏସଆରଟିସି ଗ୍ୟାରେଜ ପରିସରରେ ଏହି ବ୍ୟାଟିଙ୍ଗ ଚାଲୁରହିଥିବା ଖବର ପୋଲିସ ଠାରେ ପହଞ୍ଚିଥିଲା ଘଟଣା ସ୍ଥଳରୁ ପୋଲିସ ଚଢାଉ କରି ଆଇପିଏଲ ବ୍ୟାଟିଙ୍ଗରେ ଜଡିତ ୭ଜଣଙ୍କୁ ଘଟଣା ସ୍ତଳରୁ ଗିରଫ କରିଥିଲେ । ଏମାନଙ୍କ ଠାରୁ ନଗଦ ୬୧ହଜାର ଟଙ୍କା ଏବଂ ୮ଗୋଟି ମୋବାଇଲକୁ ପୋଲିସ ଜବତ କରିଛି । ପାରଳାଖେମୁଣ୍ଡି ଥାନା କେସ ନଂ ୯୫ରେ ମକଦ୍ଦମା ରୁଜୁ କରି ଆଜି କୋର୍ଟ ଚାଲାଣ କରାଯାଇଥିବା ଏଡିପିଓ ଠାକୁର ପ୍ରସାଦ ପାତ୍ର ଓ ପାରଳା ଥାନା ଆଇଆଇସି ବି ଏନ୍ ସ୍ୱାଇଂ ସୂଚନା ଦେଇଛନ୍ତି ।