ଆକ୍ସନ ମୁଡରେ ସଦର ବିଧାୟକ

ବାଲେଶ୍ୱର,: ବାଲେଶ୍ୱର ସଦର ନିର୍ବାଚନ ମଣ୍ଡଳୀରୁ ନବ ନିର୍ବାଚିତ ବିଧାୟକ ଶ୍ରୀ ମଦନ ମୋହନ ଦତ୍ତ ଓରଫ ମଙ୍ଗୁ ଭାଇ ଏବେ ଆକ୍ସନ ମୁଡରେ । ଗତକାଲି ଜିଲ୍ଲାପାଳଙ୍କ କାର୍ଯ୍ୟାଳରେ ଅନୁଷ୍ଠିତ ଜିଲ୍ଲା ସ୍ତରୀୟ ବାତ୍ୟା ବିର୍ପ୍ୟଯୟ ବୈଠକରେ ସରକାରୀ ବାବୁଙ୍କୁ ତାଗିଦ କରିଲା ପରେ ଆଜି ରୁପସା ଅଞ୍ଚଳର ବହୁଦିନର ଜନ – ସମସ୍ୟା ଗାଙ୍ଗଜୁଡି ପୋଲର ବନ୍ୟାଜଳ ନିଷ୍କାସନର ସ୍ତାୟୀ ସମାଧାନ ପାଇଁ ବିଧାୟକ ଏହି ବିଭାଗର ମୁଖ୍ୟଯନ୍ତ୍ରୀ ଶ୍ରୀ ରାଓଙ୍କୁ ଧରି ଘଟଣା ସ୍ଥଳ ପରିଦର୍ଶନ କରିଥିଲେ । କଷିପଦା ପଞ୍ଚାୟତ ଅ”ର୍ଗତ ଗାଙ୍ଗଜୁଡି ପୋଲ ଠାରୁ ଚୁଡାଖିଆ ପୋଲ ଯାଏ ଡ୍ରେନେଜ ଅବ୍ୟସ୍ଥା ଫଳରେ ବନ୍ୟାଜଳ ନିସ୍କାସନ ନ ହେବା ଦ୍ୱାରା ବହୁ ଜମି ଜଳମଗ୍ନ ହୋଇ ଶହ ଶହ ଏକରର ଫସଳ ନଷ୍ଟ ହୋଇଯାଉଛି । ଏଥି ପାଇଁ ପୂର୍ବରୁ ବହୁବାର ଗ୍ରାମବାସୀ ମାନେ ଅନେକ ଗୁହାରୀ ଓ ଜନ ଆନ୍ଦୋଳନ କରିଥିଲେ ହେଁ ଏହା ଫଳପ୍ରଦ ହୋଇନଥିଲା । ବିଧାୟକ ସଦର ମଙ୍ଗୁ ଭାଇ ଆଜି ଏହି ଅଞ୍ଚଳ ପରିଦର୍ଶନ କରି ଜାତୀୟ ରାଜପଥ ମୁଖ୍ୟ ଶ୍ରୀ ଟି.କେ. ବୈଦ୍ୟଙ୍କ ସହ କଥାବାର୍ତ୍ତା କରି ଏଠାରେ ତୁରନ୍ତ ପଥର ପେଚିଙ୍ଗ କରିବା ସହ ସ୍ଥାୟୀ କଲଭଟ୍ ନିର୍ମାଣ କରିବା ପାଇଁ ଶ୍ରୀ ବୈଦ୍ୟଙ୍କୁ ଅନୁରୋଧ କରିଥିଲେ ଯାହାଫଳରେ ଉକ୍ତ କଲଭଟ୍ ନିର୍ମାଣ ଦ୍ୱାରା ରୂପସାରେ ହୋଉଥିବା କୃତ୍ତିମ ବନ୍ୟାରୁ ରକ୍ଷା ମିଲି ପାରିବ । ସରପଞ୍ଚ ଅନିତା ବେହେରା, ସମିତି ସଭ୍ୟ ଅଭିପ୍ସା ନାୟକ, ତପନ ଗିରି, ରଶ୍ମି ରନ ଜେନା, ଗଙ୍ଗାଧର ରାଉତ, ଚତୁର୍ଭୁଜ ବେହେରା, ସୃଷ୍ଟିଧର ସେନାପତି, ଅନ୍ତର୍ଯ୍ୟାମି ବେହେରା, ଗଦାଧର ପଣ୍ଡିତ ଓ ଗୋ÷÷ରାଙ୍ଗ ଦାସ ପ୍ରମୁଖ ଉପସ୍ଥିତ ଥିଲେ ।