‘ଆତସବାଜିକୁ ନା’ ବାର୍ତ୍ତା ର ନାରା

କୋଣାର୍କ, (ଗଣେଶ ଚନ୍ଦ୍ର ବେହେରା):ପବିତ୍ର ଦୀପାବଳି ଅବସରରେ କାମତ୍ ହୋଟେଲ ର ଲୋଟସ୍ ରିସୋର୍ଟର କର୍ମଚାରୀ ମାନେ କୋଣାର୍କ ମନ୍ଦିରଠାରୁ ବାହାରି କୋଣାର୍କ ସହର ପରିକ୍ରମା କରି ‘ଆତସବାଜିକୁ ନା’ ବାର୍ତ୍ତା ର ନାରା ଦେଇ ପ୍ରଦର୍ଶନ ଫଳକ ଧରି ଏକ ଶାନ୍ତି ତଥା ସୌହାର୍ଦ୍ଦ୍ୟପୂର୍ଣ୍ଣ ଦୀପାବଳି ପାଳନ କରିବାକୁ ସମସ୍ତ ବିଶ୍ୱବାସୀଙ୍କୁ ନିବେଦନ କରିଥିଲେ । ଏହି କାର୍ଯ୍ୟକ୍ରମ ସକାଳ ୬.୩୦ ଘଣ୍ଟା ସମୟ ରେ ପରିଚାଳନା କରାଯାଇଥିଲା ଓ ଏହି ବାର୍ତ୍ତା ସେଠାରେ ଉପସ୍ଥିତ ସମସ୍ତ ଯାତ୍ରୀ ତଥା କୋଣାର୍କ ବାସୀଙ୍କୁ ଉଦ୍ବୁଦ୍ଧ କରିଥିଲା l ଆତସବାଜିର ବହୁଳ ବ୍ୟବହାର ତଥା ପରିବେଶର ପ୍ରଦୂଷଣ ଚରମ ସୀମାରେ ପହଂଚିଥିବା ବେଳେ ଏହି ବାର୍ତ୍ତା ଅନେକଙ୍କୁ ପ୍ରେରଣା ଯୋଗାଇବ ବୋଲି ଆଶାକରି କାମତ୍ ହୋଟେଲସ୍ ର ଲୋଟସ୍ ରିସୋର୍ଟର ଗ୍ରୀନ ଟିମର ପ୍ରାୟ ୪୮ ଜଣ କର୍ମଚାରୀମାନେ ଏହି କାର୍ଯ୍ୟକ୍ରମକୁ ସମ୍ପାଦିତ କରିଥିଲେ l ଏହି କାର୍ଯ୍ୟକ୍ରମକୁ କାମତ ହୋଟେଲସ ତଥା ଲୋଟସ ରିସୋର୍ଟର ଆର. ଜି. ଏମ. ଭାରତ ଭୂଷଣ ବିଶ୍ୱାଳ, ସୁନୀଲ କୁମାର ପାଣିଗ୍ରାହୀ, ପ୍ରଭୁଦତ୍ତ ଦାସ, ଧିରେନ କୁମାର ଆଚାର୍ଯ୍ୟ, ରାଜୀବ କୁମାର ନାୟକ, ଜିତେନ୍ଦ୍ର ଜେନା, ଅଭିମନ୍ୟୁ ମାନ୍ୟଲୁ ଓ ସରଫରାଜ କୋରସିନ ପ୍ରମୁଖ ସୁଚାରୁ ରୂପେ ପରିଚାଳନା କରି ଥିଲେ l