ଆରଏସ୍ଏସ୍ ସେବା ବିଭାଗ ପକ୍ଷରୁୁ ସୁନହଟରେ ଭାଗବତ ଜନ୍ମ ଉତ୍ସବ ପାଳିତ

ବାଲେଶ୍ୱର,: ରାଷ୍ଟ୍ରୀୟ ସ୍ୱୟଂ ସେବକ ସଂଘ ସଂଯୋଜନାରେ ବାଲେଶ୍ୱର ସେବା ବିଭାଗ ପକ୍ଷରୁ ସୁନହଟ୍ ସତେଇ ସାହିସ୍ଥିତ ମା’ ବଉଳ ବେଣୀ ଭାଗବତ ପାଠଚକ୍ରରେ ଗତକାଲି ଭାଗବତ ଜନ୍ମ ଉତ୍ସବ ଅନୁଷ୍ଠିତ ହୋଇଯାଇଛି । ସନ୍ଧ୍ୟାରେ ପୂଜାପାଠ ସାଙ୍ଗକୁ ନାମ ସଂକୀର୍ତ୍ତନ ସହିତ ଭାଗବତ କଥା ପ୍ରବଚନ କରାଯାଇଥିଲା । ସ୍ଥାନୀୟ ଶିକ୍ଷକ ନିର୍ମଳ ସାହୁ ଭାଗବତ ପାଠ କରିଥିଲେ । ସୁନହଟ-ପାତ୍ରପଡା ଅଞ୍ଚଳର ଶତାଧିକ ଭାଗବତ ପ୍ରେମୀ ଭକ୍ତମଣ୍ଡଳୀ ଭାଗବତ ପୂଜନ କରିଥିଲେ । ମାଆ-ଉଉଣୀମାନେ ଶଙ୍ଖ-ହୁଳହୁଳି ସହ ବନ୍ଦାପନା କରିଥିଲେ । ଜିଲ୍ଲା ସେବା ପ୍ରମୁଖ ଅମର ନାଥ ସେଠୀ, ନଗର ସହ-କାର୍ଯ୍ୟବାହ ହେମନ୍ତ କୁମାର ମହାନ୍ତି, ମାତୃମଣ୍ଡଳୀ ପ୍ରମୁଖ ପୂର୍ଣ୍ଣିମା ବାରିକ୍ ଓ ମିନତୀ ତରେଇ ପ୍ରମୁଖଙ୍କ ନେତୃତ୍ୱରେ ଆୟୋଜିତ ଉକ୍ତ ଉତ୍ସବରେ ସଂଘର ବରିଷ୍ଠ କାର୍ଯ୍ୟକର୍ତ୍ତା ସର୍ବଶ୍ରୀ ପ୍ରଣବ କର, ଦ୍ୱିପେନ୍ଦ୍ର ନାଥ ଦେ, ଶଙ୍କର୍ଷଣ ବେହେରା, ତାରାକାନ୍ତ ମହାନ୍ତି, ଶମ୍ଭୁନାଥ ଯାଦବ, ଗୟାଧର କର, ଧନଞ୍ଜୟ ଜେନାଙ୍କ ସମେତ ବହୁ ଗ୍ରାମବାସୀମାନେ ଉପସ୍ଥିତ ରହି ସହଯୋଗ କରିଥିଲେ । ଶେଷରେ ଆଳତୀ ଦର୍ଶନ ପରେ ପ୍ରସାଦ ସେବନ କରାଯାଇଥିଲା ।