ଆସନ୍ତା କାଲି ନିର୍ବାଚନ
ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା) :-ଭଣ୍ଡାରିପୋଖରୀ ବ୍ଲକର ୩୧୬ ବୁଥରେ ଭୋଟ ପାଇଁ ପ୍ରସ୍ତୁତି ଶେଷ ଭଣ୍ଡାରିପୋଖରୀ ବ୍ଲକର ୨୩ଗୋଟି ପଞ୍ଚାୟତରେ ଆସନ୍ତାକାଲି ୧୮ତାରିଖ ଶୁକ୍ରବାର ଦିନ ପଞ୍ଚାୟତ ନିର୍ବାଚନ ଅନୁଷ୍ଠିତ ହେଉଛି । ଏଥିପାଇଁ ବ୍ଲକ ପ୍ରଶାସନ ପକ୍ଷରୁ ୩୧୬ବୁଥକୁ ସମ୍ପୂର୍ଣ୍ଣ ପ୍ରସ୍ତୁତ କରାଯାଇଥିବା ବେଳେ ତଦାରଖ ପାଇଁ କ୍ଷତ୍ରିୟ ଅଧିକାରୀଙ୍କୁ ନିଯୁକ୍ତ ଦିଆଯାଇଛି । ଚଳିତ ନିର୍ବାଚନରେ ୫୯ହଜାର୩ଜଣ ପୁରୁଷ ଓ ୫୭ହଜାର୨୨୭ଜଣ ମହିଳା ଭୋଟର ସେମାନଙ୍କ ମତ ସାବ୍ୟସ୍ତ କରିବେ । ଭୋଟ ପାଇଁ ୨୬୮ଗାଡି ନିୟୋଜିତ ହୋଇଥିବା ବେଳେ ପ୍ରିଜାଇଡିଂ ଅଧିକାରୀ ସିଧା ସଳଖ ବୁଥରେ ପହଞ୍ଚିବେ ବୋଲି ଜଣାପଡିଛି । ସମସ୍ତ ନୋଡାଲ ଅଫିସର ମାନେ ବୁଥକୁ ବୁଥ ବୁଲି ବାଲାଟ ପେପର, ବାକ୍ସ ଓ ଅନ୍ୟାନ୍ୟ ସରଞ୍ଜାମ ପ୍ରଦାନ କରିବାକୁ ବ୍ଲକ ପ୍ରଶାସନ ପକ୍ଷରୁ ନିର୍ଦେଶ ଦିଆଯାଇଛି । ଏହାଛଡା ମାଜିଷ୍ଟ୍ରେଟଙ୍କ ସମେତ ବ୍ୟାପକ ପୁଲିସ ଫୋର୍ସ ମଧ୍ୟ ମୁତୟନ କରାଯାଇଥିବା ବେଳେ ପେଟ୍ରୋଲିଂକୁ ମଧ୍ୟ ବଢ଼ାଇ ଦିଆଯାଇଛି ।
