ଋଷିକୁଲ୍ୟା ନଦୀରେ ଭାସିଗଲେ ୫ ଝିଅ ,୪ ଉଦ୍ଧାର ଜଣେ ନିଖୋଜ

ହିଞ୍ଜିଳିକାଟୁ ,(ଯୁଗାବ୍ଦ ନ୍ୟୁଜ୍) : ଋଷିକୂଲ୍ୟା ନଦୀରେ ଅଘଟଣ । ଆଜି ସକାଳ ସମୟ ପ୍ରାୟ ୭ ଟା ସମୟରେ ଖୁଦୁରିକୁଣୀ ଓଷା ପାଇଁ କାଞ୍ଜିଆମା ଗ୍ରାମର ଝିଅ ମାନେ ମିଳିମିଶି ପାଣି ଉଠାଇବା ପାଇଁ ଯାଇ୍ଥିଲେ । ନଦୀରେ ବାଲୁକା ଥାପି ଗାଧୋଉଥିବା ସମୟରେ ଜଣେ ସେଥିମଧ୍ୟରୁ ଜଣେ ଝିଅ ହଠାତ ଗଣ୍ଡ ମଧ୍ୟରେ ପଶି ଭାସିଯାଉଥିବା ସମୟରେ ଉପସ୍ଥିତ ଥିବା ସାଙ୍ଗ କିଛି ତାଙ୍କୁ ଉଦ୍ଧାର କରିବା ନିମନ୍ତେ ଚେଷ୍ଟା କରିଥିବା ସମୟରେ ଗଣ୍ଡ ମଧ୍ୟରେ ଆଉ ୪ ଜଣ ପଶି ଭାସି ଯାଉଥିଲେ । ଏହି ସମୟରେ ଉପସ୍ଥିତ ଥିବା ସ୍ଥାନୀୟ ଲୋକ ୪ ଜଣ ଝିଅକୁ ଉଦ୍ଧାର କରିଥିବା ବେଳେ ଜଣେ ଝିଅ ଜଳରାଶି ମଧ୍ୟରେ ନିଖୋଜ ହୋଇଥିବା ଜଣାପଡିଛି । ନିଖୋଜ ଥିବା ଝିଅଙ୍କ ପରିଚୟ ସିଲି ବେହେରା ବୋଲି ଜଣାପଡିଛି । ଉଦ୍ଧାର ହୋଇଥିବା ଝିଅ ମାନଙ୍କ ମଧ୍ୟରେ ପୂଜା ଜେନା ,ଲିଜା ବେହେରା ,ପୂଜା ବେହେରା ,ବିକି ବେହେରା ବୋଲି ଜଣାପଡିଛି । ଖବର ପାଇ ହିଞ୍ଜିଳି କାଟୁ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଖୋଜାଖୋଜି କରୁଛି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।