କଂଗ୍ରେସ ର ବନ୍ଧୁମିଳନ
ନିମାପଡ଼ା, (ସନ୍ତୋଷ ଦାଶ):ପୁରୀ ଜିଲ୍ଲା ନିମାପଡ଼ା ବ୍ଲକ କଂଗ୍ରେସ ପକ୍ଷରୁ ଏକ ବନ୍ଧୁ ମିଳନ ଉତ୍ସବ ନିମାପଡ଼ା ବ୍ଲକ ଅନ୍ତର୍ଗତ ଛଣିଜଙ୍ଗ ପଞ୍ଚାୟତ ଆମ୍ପୋର ଗ୍ରାମ ନାରାୟଣୀ ମନ୍ଦିର ଠାରେ ଅନୁଷ୍ଠିତ ହୋଇଯାଇଛି। ବରିଷ୍ଠ କଂଗ୍ରେସ ନେତା ବନ ବିହାରୀ ଦାଶ ଙ୍କ ସଭାପତିତ୍ବ ରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମ ରେ କଂଗ୍ରେସ ନେତା ସିଦ୍ଧାର୍ଥ ରାଉତରାୟ, ଗୋପ ବ୍ଲକ କଂଗ୍ରେସ ସଭାପତି ଭାସ୍କର ସେଠ,ଜିଲ୍ଲା କଂଗ୍ରେସ କମିଟି ଉପ ସଭାପତି ଲକ୍ଷ୍ମୀଧର ପ୍ରଧାନ, ଆଇନଜିବୀ ସୁଧୀର ମହାନ୍ତି, ଅଧ୍ୟାପକ ନିରଦ ବରଣ ଖୁଣ୍ଟିଆ, ନିଲୁ ସାହୁ, ଗୋବିନ୍ଦ ମଳିକ, ବାବୁଲି ବାରିକ, ପପୁନି ବସ୍ତିଆ, ବିପିନ ଭାଇ ପ୍ରମୁଖ ଯୋଗଦାନ କରି ଦଳ କିପରି ତୃଣ ମୂଳ ସ୍ତର ରୁ ମଜଭୁତ ହୋଇପାରିବ ସେ ଦିଗରେ ବିଚାର ବିମର୍ଷ କରିଥିଲେ। ଦଳ ଯେଉଁ ନେତା ଙ୍କୁ ନିମାପଡ଼ା ବିଧାନସଭା ନିର୍ବାଚନ ପାଇଁ ପ୍ରାର୍ଥୀ କରିବ ସମସ୍ତ କର୍ମୀ ଭେଦ ଭାବ ଭୁଲି ସେହି ପ୍ରାଥି ଙ୍କ ପାଇଁ କାର୍ଯ୍ୟ କରିବାକୁ ଶପଥ ନେଇଥିଲେ।ନିମାପଡା ବ୍ଲକ କଂଗ୍ରେସ ରେ ଯେଉଁ ମାନେ ବିଶୃଙ୍ଖଳା ସୃଷ୍ଟି କରୁଛନ୍ତି ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦେଇଥିଲେ।
