କବିସୂର୍ଯ୍ୟନଗର ବିଧାୟିକା ଲତିକାଙ୍କ ବେଗୁନିଆପଡା ବ୍ଲକ ଗସ୍ତ

କୋଦଳା :(ଗୁଲସନ୍ କୁମାର କର) କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ବେଗୁନିଆପଡା ବ୍ଲକ ଗସ୍ତରେ ଆସି ଘୋଡାପଡା,ମର୍ଦମେଖ,ଦିଗି, ଗୁଡ଼ିଆଳି,କନ୍ଦିଆ,କୁସୁନପୁର ଆଦି ଗ୍ରାମ ପରିଦର୍ଶନ କରି ଲୋକମାନଙ୍କ ସମସ୍ୟା ଉପରେ ଆଲୋଚନା କରିଥିଲେ। ମଧ୍ୟାନରେ କୋଦଳା ଡାକ ବଙ୍ଗଳାରେ ବିଭିନ୍ନ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଥିଲେ।ଏତତ ବ୍ୟତୀତ ଅଧୁରା କାର୍ଯ୍ୟକୁ କିପରି ତ୍ୱରାନ୍ୱିତ କରାଯାଇପାରିବ ପୋଖରୀ, କେନାଲ ମରାମତି କାର୍ଯ୍ୟ କିପରି କାର୍ଯ୍ୟ ସରିବ, ଗ୍ରାମ ଗୁଡିକରେ ପାନୀୟ ଜଳ ପ୍ରକଳ୍ପ ଗୁଡ଼ିକର ମରାମତି ପାଇଁ ମଧ୍ୟ କହିଥିଲେ।ଉପରବେଳା ଫାଶୀ,ବିଲିପଡା,ମେଦିନିପୁର ସହ ଦିଗାପଡା ପଞ୍ଚାୟତର ଛଚିନା,ରେଙ୍ଗୁଟିପଲି,ଧନଞ୍ଜୟପୁର,ଧାମଣାଖୋଲ ଓ ନେଉଳି ଗ୍ରାମ ବୁଲି ଲୋକଙ୍କୁ ଧନ୍ୟବାଦ ଅର୍ପଣ କରିଥିଲେ।ଏଥିରେ ବେଗୁନିଆପଡା ବ୍ଳକ ବିଜେଡି ସଭାପତି ବିଜୟ କୁମାର ଦୋରା,କୋଦଳା ନଗର ବିଜେଡି ସଭାପତି ସଂଜୀବ କୁମାର ସାହୁଙ୍କ ସମେତ ଏହି ବ୍ଲକର ଅନେକ ସମିତି ସଭ୍ୟ, ସରପଞ୍ଚ ଏବଂ ବିଜେଡି କର୍ମୀ ଯୋଗ ଦେଇଥିଲେ।