କବି, ଲେଖକ ସ୍ବର୍ଗତ ସୁବାସ ଚନ୍ଦ୍ରଙ୍କ ସ୍ମୃତିରେ ପାଠ୍ୟପୁସ୍ତକ ବଣ୍ଟନ
ଭୁବନେଶ୍ୱର, (ଯୁଗାବ୍ଦ ନ୍ୟୁଜ):କବି, ଲେଖକ,ସମାଜସେବୀ, ତଥା ବରିଷ୍ଠ ପୂର୍ବତନ ଅଧିକାରୀ ସ୍ବର୍ଗତ ସୁବାସ ଚନ୍ଦ୍ର ତ୍ରିପାଠୀ ଙ୍କ ପଞ୍ଚମ ଶ୍ରାଦ୍ଧ ବାର୍ଷିକ ଓ ଶ୍ରଦ୍ଧାଞ୍ଜଳି ସଭା ସ୍ଥାନୀୟ ପୋଖରୀପୁଟ ସ୍ଥିତ କଳିଙ୍ଗ ପ୍ଲେ ଗୁରୁକୁଳ ଠାରେ ଉତ୍କଳ ବୁଲେଟିନ ଚାରି ଟେବଲ ଟ୍ରଷ୍ଟ ସାମାଜିକ ଅନୁଷ୍ଠାନ ପକ୍ଷରୁ ସମ୍ପାଦକ ଅରବିନ୍ଦ ତ୍ରିପାଠୀ ଙ୍କ ପୌରହିତ୍ୟ ରେ ଅନୁଷ୍ଠିତ ହୋଇ ଯାଇଛି. ଉକ୍ତ ସ୍ମୃତିଚାରଣ ସଭା ରେ ମୁଖ୍ୟ ଅତିଥି ଭାବେ ଶିକ୍ଷାବିତ, ସମାଜସେବୀକା ସୁକାନ୍ତି ପଣ୍ଡା, ମୁଖ୍ୟବକ୍ତା ଭାବେ ମୁଗୁପୁର ସମାଚାର ସମ୍ପାଦକ ମଦନ ମୋହନ ପାଢ଼ୀ, ସମ୍ମାନିତ ଅତିଥି ଭାବେ ସାମ୍ବାଦିକା ରୀନା ମହାନ୍ତି ଯୋଗ ଦେବା ସହିତ ସ୍ବର୍ଗତ ତ୍ରିପାଠୀ ଜଣେ ନୀତିନିଷ୍ଠ ପ୍ରଶାସକ, ସୁକବି, ସମାଜସେବୀ ସହିତ ଅସହାୟ,ଗରିବ ବ୍ୟକ୍ତି ବିଶେଷ ଙ୍କ ପ୍ରତି ବିଶେଷ ସହାନୁଭୂତି ରଖିବା ସହ ସର୍ବଦା ସାହାଯ୍ୟ ଓ ସହଯୋଗ କାର୍ଯ୍ୟ ଜାରି ରଖି ଆସୁଥିଲେ.ଏହି ଅବସରରେ କିଛି ପିଲାମାନଙ୍କୁ ପାଠ୍ୟ ଉପକରଣ ପ୍ରଦାନ କରାଯିବା ସହ ସାମ୍ବାଦିକ ଅଶୋକ ମହାନ୍ତି ଙ୍କୁ ସ୍ବର୍ଗତ ସୁବାସ ଚନ୍ଦ୍ର ତ୍ରିପାଠୀ ସ୍ମୃତି ସମ୍ମାନ ୨୦୨୪ ପ୍ରଦାନ କରାଯାଇଥିଲା. ଭାରତରତ୍ନ ଅଟଳବିହାରୀ ବାଜପେୟୀ ଙ୍କ ଶତକ ଜନ୍ମ ଜୟନ୍ତୀ ଅବସରରେ ଶ୍ରଦ୍ଧାଞ୍ଜଳି ଅର୍ପଣ କରାଯିବା ସହ ତାଙ୍କ ବହୁମୁଖୀ ବ୍ୟକ୍ତିତ୍ୱ ସମ୍ପର୍କ ରେ ସ୍ମୃତି ଚାରଣ କରାଯାଇଥିଲା. ମହିମା ସେବା ଫାଉଣ୍ଡେସନ ର ସଭାପତି ନାରାୟଣ ଖୁଣ୍ଟିଆ ଧନ୍ୟବାଦ ଅର୍ପଣ କରିବା ସହ କାର୍ଯ୍ୟକ୍ରମ ପରିଚାଳନା କରିଥିଲେ ମମତା ସାହୁ.
