କାକଟପୁର ନିର୍ବାଚନ ମଣ୍ଡଳୀ ଯୁବ କଂଗ୍ରେସ ପକ୍ଷରୁ ମେଗା ରକ୍ତଦାନ ଶିବିର

କୋଣାର୍କ, (ଗଣେଶ ଚନ୍ଦ୍ର ବେହେରା):କୋଣାର୍କ ନିକଟସ୍ଥ ଗୋପ ବ୍ଲକ ସୋରଭା ଗ୍ରାମ ପଞ୍ଚାୟତର ଜହ୍ନିବାଲିଆ ଛକ ନିକଟରେ ଥିବା ବିବେକାନନ୍ଦ ଶିକ୍ଷା କେନ୍ଦ୍ର ପରିସରରେ କାକଟପୁର ନିର୍ବାଚନ ମଣ୍ଡଳୀ ପୂର୍ବତନ ଯୁବ କଂଗ୍ରେସ ର ସଭାପତି ବିରଞ୍ଚି ନାରାୟଣ ପତି, ଉପ ସଭାପତି ନିହାର ରଞ୍ଜନ ବେଉରା, ଙ୍କ ତତ୍ତ୍ଵାବଧାନରେ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଖବରରୁ ପ୍ରକାଶ ଯେ ଯୁବ ସଭାପତି ଙ୍କ ତତ୍ତ୍ଵାବଧାନରେ ଅନୁଷ୍ଠିତ ଏହି ମେଗା ରକ୍ତଦାନ ଶିବିରକୁ ଚିତ୍ରକୋଣ୍ଡା ଜାତୀୟ କଂଗ୍ରେସ ବିଧାୟକ ମଙ୍ଗୁ ଖିଲ ଆନୁଷ୍ଠାନିକ ଭାବେ ଶୁଭାରମ୍ଭ କରିଥିଲେ। ଏହି ଶିବିରରେ ମୁଖ୍ୟ ଅତିଥି ବିଧାୟକ ମଙ୍ଗୁ ଖିଲ କହିଥିଲେ ରକ୍ତଦାନ ଏକ ମହତ ଦାନ। ଏହି କାର୍ଯ୍ୟକ୍ରମରେ ନିଜକୁ ସାମିଲ କରି ସମାଜର ଦୁଃସ୍ଥ ଓ ଅନଗ୍ରସର ଶ୍ରେଣୀର ଲୋକମାନଙ୍କ ଜୀବନ ରକ୍ଷା କରିବା ଦିଗରେ ଏହା ଏକ ଉଲ୍ଲେଖନୀୟ ପଦକ୍ଷେପ। ଏହି କାର୍ଯ୍ୟକ୍ରମରେ ଅତିଥି ମଧ୍ୟରେ କାକଟପୁର କଂଗ୍ରେସ୍ ବିଧାୟକ ପ୍ରାଥୀ ବିଶ୍ଵଭୂଷଣ ଦାସ, ଜୟନ୍ତ କୁମାର ବେହେରା, ସୌମ୍ୟକାନ୍ତ ଖୁଣ୍ଟିଆ, ଜିତେନ୍ଦ୍ର କୁମାର ସାହୁ, ଭାସ୍କର ସେଠ୍, ଦେଶପ୍ରାଣ ଲେଙ୍କା ପ୍ରମୁଖ ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ। ଭୁବନେଶ୍ବର ସ୍ଥିତ କ୍ଯାପିଟାଲ ହସପିଟାଲର ଡାକ୍ତର ଏହି ମେଗା ରକ୍ତଦାନ ଶିବିରରେ ସହଯୋଗ କରିଥିଲେ। ଏହି ପରିପ୍ରେକ୍ଷୀରେ ଏହି ମେଗା ରକ୍ତଦାନ ଶିବିରରେ ୭୦ ୟୁନିଟ ରକ୍ତ ସଂଗ୍ରହ କରାଯାଇଥିଲା। ଯୁବ କଂଗ୍ରେସ ର ଏଭଳି ଜନକଲ୍ୟାଣକାରୀ କାର୍ଯ୍ୟକୁ ନିର୍ବାଚନ ମଣ୍ଡଳୀ ର ଲୋକେ ଭୂୟଂସୀ ପ୍ରଶଂସା କରିଥଲେ । ଏହି କାର୍ଯ୍ୟକ୍ରମ କୁ ଜାତୀୟ କଂଗ୍ରେସ ର ଯୁବ ନେତା ଲୋକ ନାଥ ବେହେରା, ପିନାକୀ ନାୟକ, ରାକେଶ ରୋସନ୍ ସେଠୀ , ସୌମ୍ୟ ଲେଙ୍କା, ରଜନୀ କାନ୍ତ ପଣ୍ଡା କାର୍ଯ୍ୟକ୍ରମକୁ ପରିଚାଳନା କରିଥିଲେ ।