କାଜୁ ଗଛରୁ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର

ବୁଗୁଡା, (ଅନିଲ କୁମାର ମହାରଣା):ଗଞ୍ଜାମ ଜିଲ୍ଲା ଅନ୍ତର୍ଗତ ବୁଗୁଡା ଏନଏସିର କାଦପଡା ନିକଟସ୍ଥ କେନାଲ ନିକଟ ଜଙ୍ଗଲ ପାଦଦେଶର ଏକ କାଜୁ ଗଛରୁ ଜଣେ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର ହୋଇଥିବା ଜଣାପଡିଛି। ମୃତକ ଜଣକ ହେଲେ ବୁଗୁଡା ଏନଏସିର ଯାଦବ ସାହିର ଡି.ବଳରାମ ପାତ୍ର(୩୫)। ସୂଚନା ପ୍ରକାରେ କିଛି ଲୋକେ ସକାଳ ସମୟରେ ଏକ କାଜୁ ଗଛରେ ଯୁବକଙ୍କ ଝୁଲନ୍ତା ଶରୀର ଦେଖିବାକୁ ପାଇ ବୁଗୁଡା ପୋଲିସକୁ ଖବର ଦେଇଥିଲେ। ଖବର ପାଇ ବୁଗୁଡା ପୋଲିସ ଥାନା ଆଇଆଇସି ସିତାଂଶୁ ଶେଖର ମାନ୍ଧାତାଙ୍କ ସମେତ ଏସଆଇ ସମିର କୁମାର ସେଠୀ ଓ ପୁଲିସ ବାହିନୀ ଘଟଣା ସ୍ଥଳରେ ପହଞ୍ଚିଥିଲେ। ପୋଲିସ୍ ଯୁବକଙ୍କ ପରିଚୟ ଜାଣିବା ପରେ ମୃତକଙ୍କ ପରିବାର ଲୋକଙ୍କୁ ଖବର ଦେଇଥିଲା। ଘଟଣା ସ୍ଥଳରେ ପରିବାର ଲୋକ ପହଞ୍ଚିବା ପରେ ସେମାନଙ୍କ ଉପସ୍ଥିତିରେ ପୋଲିସ ଯୁବକଙ୍କ ଝୁଲନ୍ତା ମୃତ ଶରୀରକୁ ଉଦ୍ଧାର କରି ଜବତ କରଥିଲେ। ବୁଗୁଡା ପୋଲିସ ଥାନାର ୨୩/୨୪ ପ୍ରକାରେ ଏକ ଅପମୃତ ମାମଲା ରୁଜ୍ଜୁ କରାଯାଇ ଶବ ବ୍ୟବଚ୍ଛେଦ ପାଇଁ ପଠାଇଥିଲେ। ଯୁବକଙ୍କ ମୁତ୍ଯୁର କାରଣ ଅସ୍ପଷ୍ଟ ରହିଥିବା ବେଳେ ପୋଲିସ୍ ଅନୁସନ୍ଧାନ ଜାରି ରଖିଥିବା ଆଇଆଇସି ଶ୍ରୀ ମାନ୍ଧାତା ପ୍ରକାଶ କରିଛନ୍ତି।