କାର ସହ ଗଞ୍ଜେଇ ଜବତ; ୫ ଗିରଫ

ପାରଳାଖେମୁଣ୍ଡି,(ତାରିଣୀ ପ୍ରସାଦ ପଣ୍ଡା):ଗଜପତି ଜିଲା ଆର୍‌. ଉଦୟଗିରି ପୋଲିସ୍ ପକ୍ଷରୁ ଏକ କାର୍‌କୁ ଯାଞ୍ଚ କରାଯାଇ ସେଥିରୁ ୧୦୦ କେ.ଜି ପରିମାଣର ଗଞ୍ଜେଇ ଜବତ କରାଯାଇଛି । ଏହି ଗଞ୍ଜେଇ ଚୋରାଚାଲାଣ କରାଯାଉଥିବା ବେଳେ ଆର୍‌. ଉଦୟଗିରି ପୋଲିସ୍ ଏଗୁଡିକୁ ଜବତ କରିଛି । ଏଥିରେ ସଂପୃକ୍ତି ଥିବା ୫ ଜଣ ଅଭିଯୁକ୍ତଙ୍କୁ ପୋଲିସ୍ ଗିରଫ କରିବା ସହ ଉକ୍ତ କାର୍ ଓ ଗଞ୍ଜେଇକୁ ମଧ୍ୟ ଜବତ କରିଛି । ତେବେ ଉକ୍ତ ଘଟଣାକୁ ନେଇ ଆର୍‌. ଉଦୟଗିରି ଥାନାରେ ୫୪/୨୦ ରେ ଏକ ମାମଲା ରୁଜୁ ହୋଇଥିବା ଥାନା ସୂତ୍ରରୁ ପ୍ରକାଶ ।